JOHAN 13:1 - PATHIAN LEKHABU THIANGTHO (BSI)

¹ Chiakân Kût ma deu ah chun, Jesu’n zia khawvel hi nusia ah, Pa kiang ah a chia hun tung ding ahi tai ti a hia’n. Ama mi, khawvel ah um, a hepi sekte chu a tawp tiang in a hepi zing a.

JOHAN 13:1 Referans Kwoze

JOHAN 12:23

Jesu’n a la dawnhu ah, “Mihing Chapa hi chawihoi ah a um hun hung tung ding ei tai.

1 JOHAN 4:19

Ama’n ei hepi masak ziakin I hepiu ahi.

JOHAN 13:34

Thupiak thak ka piak la hiu, kihepiu inla, keima’n nanghaw ka hepi gual hin nanghaw le kihepiu in.

JOHAN 16:28

Pa ah kipat in ka hung ah, zia khawvel ah hin ka hung hi; chuleh, khawvel hi nusia ing ka tin, Pa kiang ah chia ding ka hi tai, a tia.

JOHAN 13:3

Jesu chun, Pa’n bangkim a khut ah a koi leh, Pathian ah kipat hung ahi’n, Pathian kiang ah chia kit ding ahi dante chu hezing in;

JOHAN 18:4

Jesu’n a chung ah thil tung ding zosia chu a la het masak ziakin, a vapawtdok ah, “Kua hawl la hiu em?” ti’n a dong a.

1 KORINTH 1:8

Ama chun I Lalpau Jesu Khrista ni phat leh demna bei ah a hun koitheina dingin, a tawp chan in hun hi’det ding ahi.

JOHAN 17:16

Keima khawvel ah mi ka hi’lo gual ma hin, amau hawle khawvel ah mi a hita puau hi.

JOHAN 17:1

Jesu’n thu zia cheng chu a gen zaw in, van lam en in a dakdok ah, He Pa, a hun chu a hung tung tai; chapa’n nangma a hun chawihoi theina dingin, la Chapa hun chawihoi in;

THUPUAN 1:5

Jesu Khrista, hiatpitu ginum leh, mithite lak ah suakdok masa pen leh, lei ah lalte vaihawm piak ding pa ah kipat chun, hepina leh chamna la chung un um ta hen.

HEBRAITE 3:14

A tîl ah kipat I ginnau kingakna kha a tawp tiang ah I tûkdet ua chun, Khrista kikoppite chu I hitau hi.

JOHAN 17:5

Chuleh, He Pa, tu’hin khawvel kisiam masang ah, la kiang ah nangma ngei lopina lei choisa’n gual ah khan ei chawisang kit ta’n.

MATTHAI 26:45

Ziazaw chun a hung kit ah, a nungzuite kiang ah chun, “Ipmu zing ah kichawl zing nalai ding la hiu em? En un, a hun hung tung ding ahi tai, Mihing Chapa hi migilote khut ah mat, ah um ding ahi tai.

1 PETER 1:13

Ziaziakchun, nasem dingin la lungthim uh kisazo unla, kisawizoi un; Jesu Khrista kilâk phat leh hepina hung tung ding chu lungthuai lo in kineppi zing un.

HEBRAITE 6:11

Ahi’n, a tawp tiang in kinepna bukim mu dingin, la taimat gual uh khan taimat suazaw diak dingin ka dawi la hiu hi.

HEBRAITE 3:6

Himaleh, Khrista chu vang ama Insung in Chapa hi’ in a ginum hi; ama I muan ngamnau leh ama ah I kinepnau ah kipakna chu I tukdet zing ua leh ama Insung mite chu I hiu.

ROMTE 8:37

Ei khen zo lo e! Zia zosia ah chun ei haw ei hepipa zal ah chun gâl zo te sâng ah chungnung zaw I hiu.

JOHAN 17:26

La min chu ka taklang ta’n, hun taklang jel ding ka hi; hepina, nang in keima lei hepina ngei chu amau ah a umtheina ding leh, amau ah keima le ka um zing theina dingin, a tia.

JOHAN 14:28

La kiang ua, chia mang ing ka tin, hung kit ding ka hi, ka ti kha la he tau hi. Keima lei hepiu leh, pa kiang ah chia ding ka hi, ka ti ziak ah hin kipak ma ma ding la hiu; ka pa chu keima sâng ah lopi zaw ahi ziak in.

JOHAN 11:55

Judate Chiakân Kût a hung nai ta’n; mi tam tak chu a gam ua kipat in, Jerusalem ah Chiakân Kût masang ah a la kithiansak dingin a hung sau sau tau hi.

JOHAN 7:30

Ziaphatchun, ama chu mat a guau ah; himaleh, a hun a tun nailo ziakin, kuama’n a chung in khut a tha puau hi.

JOHAN 7:6

Jesu’n a kiang un, “Ka hun a tung nai tadi puai, nangmau hun ahi leh a tung zing hi.

JOHAN 6:4

Zia hun ah chun Judate Chiakân Kût chu a nai ta’n.

LUKA 22:53

Nisi’n ah tempul sung ah ka um sek lai khan la lei man puau a; himaleh, tu’hi nanghaw leh thim thilhitheina hun chu ahi,” a tia.

LUKA 9:51

Lâk to ah a umna ding hun a nai phatin, Jerusalem lam bep ngaitua in, zia lam chu a nga zing ta’n.

MATTHAI 28:20

la kiang ua thu ka piak zosia hi jawm dingin zilsak un. Kumkhua’n, khawveltawp tiang in la kiang un um zing ding ka hi ti hezing un,” a tia.

JEREMIAH 31:3

gamla tak ah kipat in Lalpa a hung kilang tai. Kumtuang hepina’n ka hun hepi la hi; ziaziakchun, la chung in ka gin um zing ahi.

JOHAN 8:20

Jesu’n, zia a thugente hi, tempul sum koina mun ah a thu zilsakna a gen ahi; a hunle a tun nailo ziakin, kuama’n a man ngam puau hi.

THUPILTE 8:31

Pathian in chênna ding ah a siam lei chung ah hin, lim tak in um ing ka tin; chuleh, mihing chate lak ah kipak tak in um ing ka.

JOHAN 2:13

Judate Chiakân Kût a nai tâk ziakin, Jerusalem lam ah Jesu chu a chia to a.

JOHAN 13:29

A lak ua khenkhat chun, Juda chun dangka dip a vop ziakin, “Kûtna mat ding thil poimaw vachaw ding ah Jesu’n a sawl a hem, ahiloleh, gentheite kiang ah piak ding bang a hem chaw ding ah a sawl hi’n a,” a tiu a.

JOHAN 14:31

Himaleh, keima’n Pa chu ka hepi hi ti, khawvel in a hettheina ding un, Pa ei thupiakte gual gual in thil bangkim chu ka bawl zaw ding ahi. Kipan un, zia kipat hin pawtdok tai tiu, a tia.

JOHAN 19:28

Jesu’n thil bangkim a bukim tai ti a het phat in, (Pathian Lekha thu guitunna ding in,) “Ka dang a châk hi!” a hun tia.