JOHAN 12:45 - PATHIAN LEKHABU THIANGTHO (BSI)

⁴⁵ Kuale keima ei mu chu, ei sawlpa mu ahi.

JOHAN 12:45 Referans Kwoze

KOLOSSA 1:15

Ama chu mu theilo Pathian mêlpu ahi’n, thilsiam zosia lak ah piang masa pen ahi.

2 KORINTH 4:6

“Thim ah kipat vâk hung um hen!” ti ah thu pepa Pathian chun, Jesu Khrista mêl ah Pathian lopi dan hetna vâk ei pia ding in I lunggil uh a salvâk tangal a.

HEBRAITE 1:3

Ama chu Pathian lopina vâk kilatna leh Pathian hina mêl taklangpa ahi’n, a thu thilhitheina chun bangkim a tungding ah, ama chun I gitlonateu a sukthian nung in, chungnung pen leh lopi pen chang lam in a hang kichu tai.

JOHAN 12:41

Zia thute hi Isai in a lopi dan a mu’n, a kiang ah thu a gen lai ah kha a la zik ahi.

JOHAN 15:24

Midang in thil a la hi khâk ngailote a lak ua hi’lo hileng chu, gitlona nei hipua’n au; tun ahileh vang chu, kei leh ka Pa chu ei mu tau in, huat le ei haw tau hi.

1 JOHAN 5:20

Chun, Pathian Chapa chu a hung ah, midik chu hethei dingin hiattheina ei pia tai, ti I hiau hi; chuleh, a Chapa Jesu Khrista ah um in, midik ah chun I um uh ahi. Ama chu Pathian dik tak leh kumtuang hinna ahi.

JOHAN 6:40

Chuleh, zia hi ka Pa doigual chu ahi, kuale Chapa mu ah, ama gingcha chun kumtuang hinna nei uh hen la; chuleh, nitawp ni leh ama chu keima’n kaitho leng,” a tia.