JOHAN 12:26 - PATHIAN LEKHABU THIANGTHO (BSI)

²⁶ Kua’nle ka na a sep ding chun ei zui hen; keima umna chun ka nasemte chule a um diu ahi; kua’nle ka na a sep chun, zia mi chu ka pa’n chawihoi in a”.

JOHAN 12:26 Referans Kwoze

GALATIA 1:10

Ahileh, tu’hin mihing doisakna a hem ka hawl, Pathian doisakna? Ahiloleh, mihing kipaksak gua ka hem? Mihing kipaksak mai ka hi zing chun, Khrista suak hi pua’ng ka.

1 SAMUEL 2:30

Ziaziakchun, Lalpa, Israelte Pathian in zia gual hin a gen hi, ‘Nangma Inkuan leh la suantuteu Inkuan chu ka ma-âng ah kumtuang ah lut leh pawt in pansak dingin ka kitiam hi,’ ti’n; himaleh, tu’hin vang zia gual hin Lalpa‘n a gen tai: ‘Zia gual chu hilo hial ding a hi; keima ei chawisâng tapo chu chawisâng ing ka tin, ei musit tapo chu bangmalo ah koi ding ka hi.

KOLOSSA 3:24

La kipakman diu goluana chu chang ding la hiu ti la hiau a, Lalpa Khrista na chu la sêm uh ahi.

ROMTE 1:1

Paul, Jesu Khrista suak, sawlchâk hiding ah ko ah um leh, Pathian Chanchinpha gen ding ah se’chuam ah um hin,

JOHAN 17:24

He pa nang in lei piak lopina chu nang in lei piak haw hin a mutheina ding un, keima umna chun ka kiang ah amau hawle um leu ka ti ahi; lei chung pia’n ma’nle nang in lei hepi ahi tangal a.

JOHAN 10:27

Ka belamte chun ka aw a hiau hi. Ke’n le amau chu ka hia’n, amau chun ei zui sek ui.

2 KORINTH 5:8

Muang tak in I um un, taksa ah umlo in, Lalpa kiang in I um nuam zawu ahi.

JUDA 1:1

Juda, Jesu Khrista suak leh Jakob suapipa hin, ko ah um, Pa Pathian doitak leh Jesu Khrista vên bit ah umte kiang ah chun,

1 JOHAN 5:3

Pathian hepina chu zia hi ahi, a thupiakte I zop uh hi. A thupiakte le a haksa puai.

2 PETER 1:1

Simon Peter, Jesu Khrista suak leh nungzui hin, Jesu Khrista I Pathian leh Hukdampa dikna ziak ah ginna man tam tak I chan gual changte kiang in:

2 KORINTH 4:5

Kei un keimau thu ka gen puau in, “Khrista Jesu chu Lalpa ahi,” ti leh Jesu jal ah la suakteu ka hiu chu ka gen zawu ahi.

ROMTE 14:18

Kuale zia gual ah Khrista nasêm ah pangte chu Pathian pom tâk a hiu in, mihing pâkchâk le a law sek ui.

JOHAN 15:20

Suak chu a pu sâng in a lian zaw puai, ti thu ka gen tâk kha hezing unla. Amau in kei ei sukgenthei ua leh, nang uh le sugenthei in au; ka thu a zop ua leh nangmau thu le zawm in au.

LUKA 6:46

Ka thugente jawm lo ah bangatia: Lalpa, Lalpa, ei ti la hiu em?

THUPILTE 27:18

Kuale theichang kung vêng bit pei chun a ga ne têi intin; a hotupa limbawl pei tapo chun jana mu têi in a.

SAM 91:15

Ei hun ko phat uh leh dawnhu ing ka; a lungjin lai un umpi ing ka tin, hukdok in chawisâng ding ka hi.

PHILIPPI 1:23

Pawt daw ah Khrista kiang ah um chu a phat zawk ma ma ziakin, a kâl lak ah lungthim laklaw tak in ka um ahi.

JOHAN 14:3

Chuleh, nang uh â ding ah mun ka siam leh, hung kit ing ka tin, ka kiang ah um dingin hung pui ding ka hi, ka umna nang uh le la umtheina ding un.

JOHAN 13:16

Titakzet in ka hil la hiu, suak a pu sâng in a lian zaw ngai puai; chuleh, sawl ah um chule a sawlpa sâng in a lian zaw ngai puai.

LUKA 9:23

Ama chun a leng ua kiang in, “Kua’nle ei zui a nop chun, ama leh ama kihemil in, nisi’n ama kros kiput in ei zui hen.

MATTHAI 25:21

A pu chun a kiang in, la bawlpha na e! Suak pha leh ginum, tawmcha chung ah la ginum ziakin, tam tak chung ah vaihawm dingin hun koi ing ka; la pu kipakna’n lut ta’n, a tia.

SAM 17:15

Ke’n vang, dikna’n la mêl en ing ka tin; nangma kibatpina nei ah ka hung dindaw phat leh, ka lung kim ta’n a.

KISIMNA LEKHABU 14:24

Himaleh, ka suak Kaleb hi vang, thagau chuam nei ah, a lunggil zosia ei zui ziakin, a vaetthâkna gam ah pui tung ing ka tin, a suan leh pâkte’n zia gam chu lua in au.

THUPUAN 14:4

Ziate chu numei lak ah kihi’buaklote a hiu a; kikoi thiangtho zing a hiu hi. Amau chun Belamno chu a chiana lam lam in a zui ua, Pathian leh Belamno â ding ah ga masa pen hiding ah mihing lak ah kipat tatdawte chu a hiu.

KOLOSSA 4:12

Epaphras, la lak ua mi, Khrista Jesu suak hin chibai a hun bûk hi; Pathian dawi gual taphot ah, piting leh muan um tak ah la dindet theina ding un, pauchapnate’n a pang sek hi.

JOHAN 21:22

Jesu’n a kiang in, “Ama chu ka hung kit masia a la um ding ti lengle, nang in bang ding la tia a hem? Nang in ei zui ziang in,” a tia.

JOHAN 14:15

Nang un lei hepiu leh ka thupiakte jawm in lau.

MARKA 8:34

Tichun, mipite leh a nungzuite chu a ko khawm ah, a kiang un, “Kua’nle ka nung a zui nop chun, ama kihemil in, ama kros kiput in ei zui hen.

MATTHAI 16:24

Jesu’n a nungzuite kiang in, Kua’n le ei zui a nop leh ama kihemil in, ama kros kiput in ei zui hen.

KISIMNA LEKHABU 32:11

“A lungthim zosiau ah ei zui lo ziak un, Aigupta gam ah kipat hung pawtdok, kum sawmni ah kipat a chung lam zosia’n Abraham, Isak leh Jakob kiang ah piak ding ah ka la kitiamna gam chu lût lo ding a hiu–

LUKA 12:37

A puu a hung phat ah, kigingsa a la um zing a suakte chu mi hampha ahi nau e! Titakzet in ka hil la hiu, zia gual mi chu a kawnggâk sa’n a um in, an ne dingin a kichutsak in, a hung pawt ah, a nêk leh châk ding bawl in a um sek hi.