JOHAN 11:40 - PATHIAN LEKHABU THIANGTHO (BSI)

⁴⁰ Jesu’n a kiang in, “La gin leh Pathian lopi zia mu’n la, ka ti pua a hem?” a tia.

JOHAN 11:40 Referans Kwoze

JOHAN 11:4

Jesu’n zia chu a het phat in, “Zia natna hi thina ding ahi puai, Pathian lopina ding ahi zawi, Pathian Chapa chu ziaziak hin chawihoi ah um ding ahi,” a tia.

SAM 63:2

Tichun, mun thiangtho ah la thilhitheina leh, la lopina mu dingin ka hun en zing hi.

JOHAN 1:14

Tichun, Thu chu taksa’n a hung chang a, I lak un a hung chêng ah, Pathian Chapa changkhat neisun lopina chu ahi’na gual tak in, hepina leh thutak ah dim in I la muu ahi.

2 KHANGTHU 20:20

A jing ah chun ma tak ah tho in Tekoa gamthip lam in a chiauah; a kipatdaw ding phat un Jehoshaphat chu hung dingdok in, zia gual hin a hun gen a: “Aw Judah mipite leh Jerusalem khua chêngte haw, ka thugen hi ngai tiam un! Lalpa la Pathian uh chu ging un; chutileh, phudet in um bep ding la hiu; a jawlneite hile gingcha tau in,” ti’n a gen a.

2 KORINTH 3:18

Ei un vang mai khu’lo in, lîmet gual in Lalpa lopina salvâk in, lopina kipat lopi zaw diak in, ama kibatpi hiding in Lalpa Thagau ah hi’danglam in I um ui.

2 KORINTH 4:6

“Thim ah kipat vâk hung um hen!” ti ah thu pepa Pathian chun, Jesu Khrista mêl ah Pathian lopi dan hetna vâk ei pia ding in I lunggil uh a salvâk tangal a.

SAM 90:16

La thilbawlte la suakte kiang ah tâklang inla, la hâtna lopi tak chule, a chateu kiang ah tâklang in.

JOHAN 9:3

Jesu’n a dawnhu, “Zia pa hin thil a hi’khial pua’n, a nu leh pa’nle a hi’khial diak puau hi: Pathian nasep ama ah a kilat theina dingin a hizawi.

JOHAN 12:41

Zia thute hi Isai in a lopi dan a mu’n, a kiang ah thu a gen lai ah kha a la zik ahi.

PAWTDAWNA THU 16:7

jingkal tak leh Lalpa lopi’na mu ding la hiu, Lalpa chung ah la phunchiakna teu chu ama’n a he ngal in; kei uh hi kua ka hiu ah, ka chung ua phunchiak la hiu em?” a tiu a.

MATTHAI 17:20

Jesu’n a kiang un, La gin zaw lo ziak uh ahi; titakzet in ka hil la hiu, ginna ankam mu tia la nei ua leh, zia tâng kiang ah hinle, zia lam ah son kichawn mang in, tileuchin, kichawn mang mai ding a hi; bangma la hi’theilo uh umlo ding ahi.

MARKA 9:23

Jesu’n a kiang in, “La hi’thei chun! A gingchate â dingin bangkim bawl piak thei ahi,” a tia.

ROMTE 6:4

Ziaziakchun, a thina baptisma chang in ama tawh vui in I um un; chutichun, Pa lopina chun mithi lak ah kipat Khrista a kaithaw gual ma chun, ei hawle hinna thak ah I hintheina ding un.