JOHAN 11:26 - PATHIAN LEKHABU THIANGTHO (BSI)

²⁶ chuleh, hing ah, keima ei gingcha chu thi ngai ta pua’n au. Zia chu la taksang em?” a tia.

JOHAN 11:26 Referans Kwoze

JOHAN 10:28

Chuleh, a kiang un kumtuang hinna ka pia’n, bangtik chan inle mangthai pua’n au. Kuama’n ka khut ah kipat ei lâkpiak pua’n au.

ROMTE 8:13

Taksa dan ah la um zing uh chun thi ngei ding la hiu; himaleh, Thagau ah chun taksa thilhi’te la thâ zing ua leh vang hing in lau.

JOHAN 5:24

Titakzet in ka hil la hiu, kuale ka thu he ah, ei sawlpa ging chun, kumtuang hinna a nei tai, vaihawmna lut ta pua’n tin, thina kipat pawt in hinna’n lut zaw ta’n a.

JOHAN 14:10

Keima Pa ah ka um hi ti leh, Pa chu keima ah a um hi, ti hi hechian nai lo la hem? La kiang ua thu ka gente hi keima phuak kawm ka gen a hipua’n, keima ah Pa um chun, zia na chu a hun sêm zaw ahi.

JOHAN 4:14

himaleh, a kiang ah ka piak ding tui dawn tapo chu, kum khua’n a dangchâk ta pua’n a; keima’n a kiang ua ka piak ding tuinâk chu a sung un um intin, kumtuang hinna tiang in pûtdok in a,” a tia.

MATTHAI 9:28

Insung a lut phat chun mitthûmte chule a hung ua, Jesu’n a kiang un, “Zia hi hi’thei dingin lei gingchau ah a hem?” a la tia. Amau chun, “Gingcha e Lalpa,” a tiu a.

JOHAN 9:35

Jesu’n ama chu a nawdok ui, ti a la he ta’n; ama chu a mudaw kit phatin, a kiang in, “Mihing Chapa la gingcha em?” a tia.

MARKA 9:23

Jesu’n a kiang in, “La hi’thei chun! A gingchate â dingin bangkim bawl piak thei ahi,” a tia.

MATTHAI 26:53

Ei panpi ding in ka Pa kiang in don leng, ama chun vansawlchâkte sang guk mun sawm leh ni sâng ah tam zaw le hun sawl thei ahi ti helo la hiu em?

JOHAN 6:47

Titakzet in ka hil la hiu, kuale keima ei gingcha chun kumtuang hinna a nei hi.