JOHAN 11:25 - PATHIAN LEKHABU THIANGTHO (BSI)

²⁵ Jesu’n a kiang in, “Keima hi thawkitna leh hinna chu ka hi, ei gingcha taphot chu thi maleule hing zing in au;

JOHAN 11:25 Referans Kwoze

1 THESSALONITE 4:14

Jesu a thi hen, a thokit tai ti I taksan ua chun, zia gual ma chun, Jesu ah ipmute chu Pathian in ama tawh kiton in hun pui ngei in a.

JOHAN 3:36

Kuale Chapa ging chun kumtuang hinna a nei tai; chuleh, kuale Chapa ging lo chun hinna mu pua’n tin, Pathian lungnatna chu um zaw’n a, a tia.

JOHAN 1:4

Ama ah chun hinna a um in; zia hinna chu mihingte vakna ahi.

JOHAN 5:21

Pa chun, mithile kaitho kit ah hinna a piak sek gual in, Chapa hinle a nop nop chu hinna a pethei hi.

JOHAN 6:44

ka Pa, ei sawlpa chun a hîplo leh, kuama ka kiang ah hung theilo a hiu. Ahi’n, keima’n nitawp ni leh kaitho ing ka.

ISAI 26:19

La mithite chu hung hing kit intin uh, a luang damsau chu hung thodok kit in au. Aw nang uh, leivui chang zo sate haw, hung hal unla, kipak in La sa tau in! La daitui chu daichîm ahi’n, kum sawtpi a la thi tate chu, lei in hun hinsak kit in a.

ROMTE 8:2

Khrista Jesu ah hinna Thagau dan chun, gitlona leh thina Dan ah kipat chun ei pawtsak tangal in.

JOHAN 6:35

Jesu’n a kiang un, “Keima hi hinna vaithum chu ka hi, ka kiang ah hung tapo chu a gilkial ngai pua’n tin, ei ging tapo chu bangmatik in a dangchâk ngai ta pua’n a.

THUPUAN 21:4

Tichun, Pathian in a mit ua kipat mitthite chu, thiak hul ta’n tin; thina um ta pua’n tin, lungngainate, kânate, natnate le um ta pua’n a; thil lui zosiate chu a bei tai,” a tia.

PHILIPPI 3:10

Chutichun, ama leh a thawkitna thilhitheina chu ka het ah, a thoknate kikoppi in, a thina ah ama ka kibatpi theina ding in;

THUPUAN 20:5

(Mithi dangte a hiu leh, kum sang khat a tin masia thokit tadi pua’n au.) Zia chu thawkitna masa chu ahi.

NASEPTE 3:15

Hinna Siampa chu la that un, Pathian in ama chu thina ah kipat in a kaitho tai. Zia chu keimau hi a hiatpitute ka hiu hi.

JOHAN 14:6

Jesu’n a kiang in, “Keima hi lampi leh thutak leh hinna ka hi. Keima ah chia lo chu kuama Pa kiang a tung ngai puau hi.

JOHAN 5:26

Pa chun ama ah chun hinna a nei hi; zia gual ma chun Chapa’nle hinna nei dingin a pia’i;

SAM 36:9

Nangma ah chun hinna tuikhuk a um ngal a; nangma vâk ah chun khawvak ka muu hi.

THUPUAN 22:17

Chuleh, Thagau leh mo chun: “Hung in,” a tiu a. A he tapo chun, “Hung in,” tiu hen. Chuleh, a nuam tapo in hinna tui hi, a thawn in hung dawn uh hen.

JOHAN 14:19

Hun chomkhat zaw leh khawvel in ei mu ta pua’n tin; himaleh nang un chu ei mu ding la hiu; keima ka hin zing ziakin, nang uh le hing zing ding la hiu.

ISAI 38:16

Aw Lalpa, zia thilte ziak ah chun mihingte ka dam un, zia thilte zosia ah chun ka hinna thagau a um hi. Aw, hisêlna ei pia kit inla, ei hinsak nalai in!

PHILIPPI 1:23

Pawt daw ah Khrista kiang ah um chu a phat zawk ma ma ziakin, a kâl lak ah lungthim laklaw tak in ka um ahi.

THUPUAN 22:1

Vansawlchâk chun, Pathian leh Belamno lalchutpha kipat luangdok hinna lui tui thiang tak, krustal suang gual ah thiang chu ei etsak a.

2 KORINTH 4:14

Lalpa Jesu kaithopa chun kei uh le Jesu ah chun ei kaitho intin, nang uh tawh a ma-âng ah ei dinsak ding ahi ti ka hiau.

ROMTE 4:17

Pathian lekha thu ah, “Nam tam takte pa hiding in ka hun siam tai,” a ti gual ah khan; a gin Pathian chun mithi a kaithaw ma pek a khanle, thil umlo te chu a um gual in a la gen thei ta ahi.

LUKA 23:43

Jesu’n a kiang in, “Titakzet in ka hil la hi, tu’ni hin Paradis ah ka kiang ah um ding la hi,” ti’n a dawnhu tai.

1 KORINTH 15:29

Ahiloleh, mi thisate min ah baptisma changte hin bang lawchâk ding a nei awm? Mi thisate thokit lo tak tak ding hi taleu, amau thasâng ah bang ding ah baptisma chang sek a hiu em?

1 KORINTH 15:18

Chun, Khrista ah a la thite kha le a mangthai hita’n au.

JOHAN 3:16

Pathian in khawvel a hepi ma ma ziakin, a Chapa changkhat neisun chu a hun pia tai; kuale ama ging taphot chu mangthailo ah, kumtuang hinna a nei ngeina ding un.

THUPUAN 1:18

Kei chu khatvei thisa, himaleh, hing kit ta chu ka hi; ngaitia, kumtuang â ding ah hing zing chu ka hi tai, thina leh mithi khua chabi chu ka nei tai.