JOHAN 10:6 - PATHIAN LEKHABU THIANGTHO (BSI)

⁶ Zia tekhinthu hi Jesu’n a kiang un a gen a; himaleh, a thugen chu a ngaina a he him him puau hi.

JOHAN 10:6 Referans Kwoze

ISAI 56:11

Uicha chu a gawlsan un, vâ chintawk a nei puau hi. Belampute’nle hiatthiamna a nei puau in; a leng un amau lawkna ding bep ngaitua in, amau lampi chiat a zui zo tau hi.

THUPILTE 28:5

Thil phalo bawlte chun vaihawmna dik a hethiam ngai puau in, Lalpa hawlte chun vang a hethiam sik sek ui.

SAM 82:5

Hetna leh hetthiamna him him neilo in, thim lak in a vâk vêl vêl un; leilung kingakna zosia chu a kilîng tai.

JOHAN 16:25

Zia thute hi la kiang un thupil in ka hun hil hi. A hun hung tung ding ahi tai, ziaphat chuleh thupil ah gen talo in, Pa kiang ah kipat ka thupuak chu kichian tak in hun hiatsak ta’ng ka.

MATTHAI 13:51

Jesu’n a kiang un, Zia thute chu la hethiam nau em? a tia. Amau in, ka hethiam tau hi, ti’n a dawnhuu a.

DANIAL 12:10

Mi tam tak chu hi’thian ah um in thiangtho in, buak kâi lo in um in au; himaleh, migilo chu gilo tak in umden mai tau hen. Migilote lakah khat cha’nle he’thiam pua’n tiu in, mipilte’n vang he’thiam na’n au.

SAM 106:7

Ka suantuteu in Aigupta gam ah a la um lai ua khan, la thilmak bawlte a la ngaisak puau a; la ngilneina nasa tak kha le a la hezing puau a, Tuipi San ah khan Chungnung Penpa chung in, a la hel zaw tau hi.

1 JOHAN 5:20

Chun, Pathian Chapa chu a hung ah, midik chu hethei dingin hiattheina ei pia tai, ti I hiau hi; chuleh, a Chapa Jesu Khrista ah um in, midik ah chun I um uh ahi. Ama chu Pathian dik tak leh kumtuang hinna ahi.

1 KORINTH 2:14

Himaleh, hindang lo mite chun, Pathian Thagau thilpiakte chu a chang puau in, amau â ding chun ngolhuai ahiziak in; chuleh, thagau lam thil hetkhenna neilo ahiziak un, zia thilte chu a hethei puau hi.

JOHAN 8:43

Bangatia, ka thugen hi hethiam theilo la hiu em? Ka thugen la pom lo ziak uh ahi.

JOHAN 8:27

Amau haw chun Pa chung thu gen ahi lam lam le a hepuau hi.

JOHAN 7:36

Ei hawl in la tiu in, ei mu ta puan lau, keima chiana chun hung thei puan lau, a ti hi bang a ti’na ahi diam? a kitiu a.

JOHAN 6:60

A nungzui tam takte chun zia thu chu a het phat un, “Zia hi thu haksa tak ahi; kua’n pom thei ding a hem?” a tiu a.

JOHAN 6:52

Ziaphatchun, Judate chu a kinial tau a; “Zia mipa hin bang ti’n a taksa I nêk ding un ei pia thei ding a hem,” a tiu a.

MATTHAI 13:34

Zia thute zosia hi Jesu’n mipite kiang in tekhinthu’n a gen a; tekhinthu lo in a kiang un bangma a gen puai.

MARKA 4:34

Tekhinthu lo in a kiang un thu a gen ngai puai; amau ngawn ahi tak ua leh, vang a nungzuite kiang in a hilchian sek hi.

JOHAN 16:29

A nungzuite chun, a kiang in, “Ngai tia, tu’hin chu kichian tak in lei gen tai, thupil ah lei genle ahi diak ta puai!

2 PETER 2:22

Zia thupil hi a chung un a dik ma ma hi: “Ui a luak lam in a chia kit hi,” ti leh, “Vokpi kisil thiangsa le buanthuak lak ah, kibual dingin a chia kit hi,” ti hi.