JOHAN 10:16 - PATHIAN LEKHABU THIANGTHO (BSI)

¹⁶ Zia belam huang ah hilole belam dang ka nei nalai hi; amau haw chule hun pui ding ka hi, ziate chunle ka aw hun hia’n tiu in, belampu pakhat nuai in, huang khat ah hung lawi khawm ding a hiu.

JOHAN 10:16 Referans Kwoze

ISAI 56:8

Paithâk ah um Israelte puikhawm kitpa, Lalpa Pathian chun: A kiang ua puikhawmsate bân ah a dang, mi tam tak hun puikhawm nalai ding ka hi, a tingal a.

1 PETER 2:25

Belam gual in la vâkmang tau ah, tu’hin vang la thagau uh chingpa leh vengpa kiang ah chun la kile’kit tau hi.

JOHAN 11:52

zia namte â ding bep chule hilo in, Pathian chate gam tin ah kithejak ah umte a puikhawm kit theina dinginle ahi.

EZEKIEL 34:23

A lak un amau chingtup ding David tawhbang tungding ing ka tin, amau vâk in, a chingpa hita’n a.

EZEKIEL 37:24

Ka suak David a chung un lal hita’n ah; tichun, belampu pakhat bep kikop ta’n au. Chuleh, ka dan bawlte zui ta’n tiu in; chuleh, ka thuguatte chingthei tak in mang ta’n au.

JOHAN 6:37

Ka Pa’n ei piak zosia chu ka kiang ah hung ding a hiu; a hung tapo chu deldok lo hial ding ka hi;

JOHAN 10:27

Ka belamte chun ka aw a hiau hi. Ke’n le amau chu ka hia’n, amau chun ei zui sek ui.

JOHAN 10:11

Kei belampu pha chu ka hi; belampu pha chun a belamte â dingin a hinna a piai.

THUPUAN 3:20

Ngaitia, kotkhak bul ah dingin ka kiu zing hi; kuale ka aw hia, kot ei la hon chu a kiang ah lut ing ka tin, a kiang ah jan an ne’ng ka tin, ama’nle kei kiang in ne’n a.

1 PETER 2:10

“Malai khan nam la hi puau ah, tu’hin vang Pathian namte la hitau hi; malai khan jangaina la mu puau ah, tu’hin vang jangaina la mu tau hi”.

2 THESSALONITE 2:13

Lalpa ah suapi doitakte haw, Thagau Thiangtho leh thutak ging ah hi’thiantho ah hukdam ah um dingin, a tîl ah kipat Pathian in a hun têl ziakin, la chung thuu hin vang Pathian kiang ah kipak thu gen zing ding him ka hiu.

MATTHAI 17:5

Zia thu chu a gen lai tak in, sum vâm tak hin amau chu a hun lia ah, zia sûm ah kipat chun awgi a hung pawt a: Zia hi ka Chapa doitak, a chung ah ka kipakna ma ma chu ahi; ama thu hi ngai un, a hun tia.

SAM 86:9

Aw Lalpa, la siamsa nam dang zosia chu, hung intiu in, la ma’n hung kûn intiu in, la min hun chawihoi ta’n au.

NASEPTE 22:14

Ama chun, I pu leh pateu Pathian in a lung lam he ah, midik tak chu mu ding leh a kam ah thupawt chu he ding in a hun têl a;

NASEPTE 18:10

keima la kiang in ka um ah, kuama’n bangma hun law pua’n au; zia khawpi hin mi tam tak ka nei hi,” a tia.

NASEPTE 15:14

Jentelte lak ah ama min gingcha dingte a hung umtheina ding ah, Pathian in a doisakna thu Simeon in a la gen ta’n;

ZEKARIAH 2:11

Zia ni chuleh, nam tam tak in Lalpa zawm ta’n tiu in, ka mite hita’n au; chun, la lak un chêng ta’ng ka. Chuleh, sepai honte Lalpa chun ei sawl ka hi ti hun he ta’n lau.

HOSEA 1:10

Ahi’nla, Israel mipi chu tuisuagiat ah piaunêl te’ zaw gual lo leh simsên gual lo jat hi’n tiu in, a kiang un, “Ka mite la hipuau,” ti’na mun ah chun, amau kiang in, “Pathian hing chate,” ti hung hita’n au.

EZEKIEL 37:22

A gam uh, Israel tângte ah chun, nam khat in siam ding ka hi; a leng ua chung in lal pakhat bep in vaihawm ta’n a. Nam chuam pani’n kikhen kit ta pua’n tiu in, lenggam pani inle kikhen kit ta pua’n au.

ISAI 52:10

Nam tinte mit mu in Lalpa‘n, a khutbân thiangtho chu a lâmdok ta’n; tichun, kawl kîmvêl tiang ah mi zosia’n, I Pathian hukdamna chu hun mu ding a hiu.

ISAI 49:6

Israelte lak ah a suakcha sunte tundin kit ah, Jakob namte photdin kitna ding ah, ka suak ah la pan hi thil bailam ahi puai; kawlkil tiang ah mite kiang chan ah, ka hukdamna a tun theina dingin, namtin salvâk dingin hun siam ding ka hi.

ISAI 43:6

mal gam kiang in, “Hun pedok un,” ti’ng ka tin; sim gam kiang inle, “Tuchak ta kiu in, gamla tak ah kipat in ka chapate chu hun pui unla, leimong lam ah kipat in, ka chanute hun pui khawm tau in,

THUGENTU 12:11

Mipil thugen chu sutna thikzum tawhbang ahi’n, a thugen kila khawmte chu belampu’n thîk a khet det gual chu ahi.

THILSIAM THU 49:10

Laltiang chu Judah lak ah mang pua’n tin, vaihawmna laltiang chu a kêngkâl ah kipat bei diak pua’n a;

HEBRAITE 13:20

Tu’hin, chamna Pathian, Belampu lian, I Lalpau Jesu thina kipat kumtuang thuthung thisan jal ah kaithopa chun,

JOHAN 10:2

A kotkhak ah lut chu belamte chingpa chu ahi.

ISAI 11:10

Zia ni phat chuleh, Jesse zung chu namtinte â ding ah tepte’na hung hi’ntin; namtin in ama umna hun kandok ta’n tin uh; tichun, a chênna chu hung lûn ma ma ta’n a.

1 PETER 5:4

Tichun, Belampu Lianpen a hung kilat phat leh, lopina lallukhuk chultheilo chu mu’n lau.

EZEKIEL 34:6

Ka belamte a kithejak zo tau in, mual tin, tâng tin ah a vâk chek zo tau hi; ka belamte chu lei chung mun tin in a vâk chek zo tau in, kuama a hawl ding leh a kan zui ding a um puau hi.

EZEKIEL 34:12

Belampu’n a belam vâkmang a hawldaw gual in, ka belamte hawldok ing ka. Sûm jinni leh thimpi jing lak ah vakjakte chu, a vakjaknau mun zosia ah kipat in pui khawm kit ding ka hi.

JOHAN 10:3

Ama chu a kotkhak vêngpa chun kot a hon piak ah; a belamte’n le a aw a hiau ah; ama belamte chu a min un a ko chiat ah, a puidok sek hi.

JOHAN 10:4

A belamte chu a puidaw suak tak leh, a ma-âng un a chia in, a belamte chun a aw a het ziak un a zui sek ui.

JOHAN 10:5

Midang nung vang zui pua’n au, a kiang ah kipat taimang zawn au, midang aw a hetlo ziak un,” a tia.

JOHAN 17:20

Ziate â ding bep hin ka don puai, amau haw thugen ziak ah keima ei hun ging dingte â dinginle ka pauchap hi;

ROMTE 11:25

Suapite haw, zia thugûk hi helo ah la um ding uh ka dawi puai, dan leh nangmau ngaidan mai in kipilsak kha tawl in lau; Jentelte bukimna a hung tun masia mu theilo dingin, zia tawhbang mitthûmna chu Israel lak ah khenkhatte chung ah le a um hi.

LUKA 15:8

Numei kua a hem khat in dangka thik sawm nei hen la, a lak ah pakhat mansua taleh, thaumei vak in, munphiat in, a mu kit masia gunchu tak ah hawl lo ding kua a hem um?