JOHAN 10:10 - PATHIAN LEKHABU THIANGTHO (BSI)

¹⁰ Gucha chu gu ding leh, that ding leh susia ding longal in a hung ngai pua’n; kei ka hileh chu mi tam tak in hinna a nei ua, tam tak a nei theina ding ua hung ka hi.

JOHAN 10:10 Referans Kwoze

LUKA 19:10

Mangthaite hawl ah hukdam dingin Mihing Chapa hi hung him ahi,” a tia.

JOHAN 6:51

Keima hi vaithum hing, van ah kipat hung suk chu ka hi. Zia vaithum ne tapo chu kumtuang in hing zing intin; zia vaithum, khawvel hinna ding ah ka piak ding chu ka taksa hi ahi,” a tia.

JOHAN 12:47

Kua’nle ka thu a hetnung ah le ei taksan diak lo chun, a chung thu keima’n ka tan puai: khawvel vaihawm ding ah hung ka hipua’n, khawvel hukdam ding ah hung ka hizawi.

JOHAN 6:33

Pathian vaithum chu van ah kipat hung suk ah, khawvel â ding ah a hinna pepa hiding ahi,” a tia.

JOHAN 3:17

Pathian in khawvel thiamlo chansakna dingin, a Chapa khawvel ah a hun sawl puai, ama ziak ah khawvel hukdam ah a umna dingin a hun sawl zaw ahi.

1 TIMOTHI 1:15

Khrista Jesu chu migilote hukdam dingin khawvel ah hung ahi, ti hi taksan um leh pom tâk ahi. A lak ua gilo Chungnung pen chu keima ka hi.

JOHAN 10:1

Jesu chun: “Titakzet in, ka hil la hiu, kuale belam huang kotkhak ah lut lo ah, lampi dang ah hung kãl lut chu, zia mi chu gucha leh suammang ahi.

MATTHAI 20:28

Mihing Chapa hial hile min a na a sep piak ding ah hung a hipua’n, nasem ding leh, mi tam tak tatna ding ah a hinna pia ding ah hung ahi zawi, a tia.

HEBRAITE 7:25

Ziaziakchun, amau pauchap piak ding ah kumtuang ah a hin ziakin, ama ziak ah Pathian hun naite chu a tawp tiang in a hukdam thei hi.

ISAI 56:11

Uicha chu a gawlsan un, vâ chintawk a nei puau hi. Belampute’nle hiatthiamna a nei puau in; a leng un amau lawkna ding bep ngaitua in, amau lampi chiat a zui zo tau hi.

2 PETER 1:11

Tichun, Jesu Khrista I Lalpa leh Hukdampau kumtuang gam ah lûtna chu musak in au.

HEBRAITE 6:17

Tichun, Pathian in kitiam hial ah a lemguatna a sukdet chu, danglam lo ding ahi dan, a thutiam changte kiang ah hin a hiatsak nop ziakin a kitiam zaw ahi.

MATTHAI 23:13

Nanghaw, lekhazikte leh Pharisai miphalêmte haw, la chung uh a gik hi! Mi van-gam lut ding la dâl ua; nang uh la la lut puau ah a lut nuamte le la lutsak diak puau hi.

ROMTE 2:21

Zia gual chu hingal in, nang midangte zilsak sektu, nang leh nang kizilsak lo la hem? Nang gukchâk lo ding ti thugen sek chun, nang in la gu sek maw?

HOSEA 7:1

Israel sukdam ka guat leh, Ephraim thulimlo’na tawh, Samaria nunsiatna a hung kilang hi; zuauthei tak in a bawl un, gucha’n a phevang in, pawlam ah suammang hawn a suam kit ui.

MATTHAI 18:10

Ziaziakchun, zia naupang neuchate lak ah pakhat ziang le musit lo dingin chingthei ta un; ka hun hil la hiu, a vansawlchâkteu in van ah um ka pa mel a mu zing uh ahi.

MARKA 11:17

A kiang ua thu hil in, zia gual hin a gen a: “Ka In chu namtin â ding ah pauchapna In kiti ding ahi, ti zik hilo a hem? Nang un vang gucha hon kikhum khawmna’n la mang ui,” a tia.

JOHAN 12:6

(Migentheite a khawtua ziak ah a gen ahi pua’n; ama hi mi gucha a hia, dangka dip a kol ah, a sung ah um chu a lak sek ziakin ahi zawi.)

MATTHAI 21:13

A kiang un, Ka In chu pauchapna In kiti ding ahi, ti ah kizik ahi; himaleh, nang un guchate kikhum khawmna’n la mang ui, a tia.

JOHAN 5:40

Himaleh, hinna la neina ding un ka kiang in la hung nuam puau hi.

JOHAN 10:11

Kei belampu pha chu ka hi; belampu pha chun a belamte â dingin a hinna a piai.

MATTHAI 18:11

Mihing Chapa hi mangthaite hawl ah hukdam ding ah hung ahi.