JOHAN 10:1 - PATHIAN LEKHABU THIANGTHO (BSI)

¹ Jesu chun: “Titakzet in, ka hil la hiu, kuale belam huang kotkhak ah lut lo ah, lampi dang ah hung kãl lut chu, zia mi chu gucha leh suammang ahi.

JOHAN 10:1 Referans Kwoze

MATTHAI 7:15

Jawlnei lêmte lak ah kivêng un; ziate chu belam vun sil in la kiang un a hung sek ui, a sung lam uh bo chu ngei gawlsan tawhbang a hiu.

ROMTE 16:18

Zia gual mite chun I Lalpau Khrista na chu a sêm puau in, amau gilpi na bep a sêm zawu hi; a kamthiam uh leh pâkchâkna thuteu chun, mi mawlte chu a thêm sek ui.

1 JOHAN 4:1

Doitakte haw, thagau zosia taksang kiu inla, thagaute chu Pathian ah kipat a hiu em ti enchian zawu in; khawvel ah hin jawlnei lêm tam tak a pawtdok tangal un.

HEBRAITE 5:4

Aron gual ah Pathian in a ko ahilo chun, kuama’n zia choihoina hi a kilâk ngai puau hi.

2 PETER 2:3

Chuleh, sum etlâna ziakin zuau thu in hun subuai in au. Amau chu malai ah kipat a chung ua a thiamlo channau leh manthaina ding thu, a la um tasa chu kilîng diak lo in a um zing hi.

2 PETER 2:1

Himaleh, mite lak ah jawlnei lêmte a hung pawt gual un, la lak unle thu diklo hilte hung intin uh, amau chun amau chawpa a puu hial chule kiheisan in, mi susiathei gindan chuamte a gûk in hun paw lut intiu in, amau chung in thakhat in manthaina tung in a.

1 PETER 1:10

Zia hukdamna, hepina la kiang ua hung tung ding a la genlawk jawlneite khan a la sui in, gun tak in a la hawl tau hi.

JEREMIAH 23:32

En un, mang zuauthei mai maite gen ah, mite hil ah, a zuauthu teu leh, a uanna thu manthei lo ziak ua ka mipi puimang jawlneite chu ka dodâl hi, Lalpa‘n a tii. Amau chu ka sawl pua’n, ka thugen dinginle ka sawl puai; ziaziakchun, zia mipite â ding ah hin a phachuam him him puau hi, Lalpa‘n a tii.

ROMTE 10:15

Sawl a hilo ua leh bangti’n thu gen thei ding a hiu em? “Chanchinpha hun tuntute keng chu a mêlpha na lawm lawm e!” ti zik gual ah khan.

JOHAN 3:3

Jesu’n a dawnhu a, “Titakzet in ka hil la hi, mi chunglam ah kipat a pianthak lo chun, Pathian gam muthei pua’n a,” a tia.

JEREMIAH 23:21

Zia jawlneite kha ka sawl lo in a tai un, a kiang ua thu ka gen lo pi’nle thu a gen ui.

TITA 1:11

Zia gual mite chun lawkna dik lo ngaitua in, thu hilo lo gen in mi a Inkuan kuan in a susia sek ua, ziate chu a kam uh huk piak ding a hiu.

JEREMIAH 14:15

Ziaziakchun, ka sawl lo ah ka min ah thu gen sek, jawlneite chungchâng ah zia gual hin Lalpa‘n a gen ah; amau chun la: “Zia gam sung ah hin kido’na chemjam leh kialna hung tung lo ding ahi,” a tiu a. Kido’na chemjam leh kialna ziakin zia jawlneite chu that gam ding ka hi.

JOEL 2:9

Khawpi sung in a chawm lut un, bâng chung ah lawn kai in, Inte’n a kal to un, gucha gual in tukvan ah te’n a lut ui.

JOHAN 10:7

Jesu’n a kiang un thu a gen kit a, Titakzet in ka hil la hiu, Keima hi belam kotkhak chu ka hi.