JOHAN 1:1 - PATHIAN LEKHABU THIANGTHO (BSI)

¹ A tîl in Thu a um a, Thu chu Pathian tawh um ahi’n, Thu chu Pathian ahi.

JOHAN 1:1 Referans Kwoze

THILSIAM THU 1:1

Pathian in a lim tak ah lei leh vânte a siam lai ah khan,

JOHAN 17:5

Chuleh, He Pa, tu’hin khawvel kisiam masang ah, la kiang ah nangma ngei lopina lei choisa’n gual ah khan ei chawisang kit ta’n.

THUPUAN 19:13

Chuleh, thisan ah kidia puan in a kithuam ah, a min chu, “Pathian Thu,” ahi.

KOLOSSA 1:17

Bangkim um masang in ama chu a la um ta’n, ama ah chun bangkim a kizop khawm ui.

JOHAN 1:14

Tichun, Thu chu taksa’n a hung chang a, I lak un a hung chêng ah, Pathian Chapa changkhat neisun lopina chu ahi’na gual tak in, hepina leh thutak ah dim in I la muu ahi.

THUPUAN 22:13

Kei Alpha leh Omega, a masa pen leh a nunung pen, a bul leh a tawp chu ka hi.

JOHAN 1:2

Zia chu a tîl in Pathian tawh a um in,

THUPUAN 1:8

Kei Alpha leh Omega, a bul leh a tawp chu ka hi, Lalpa Pathian, um lai tak leh umsa leh hung um ding, bangkim hi’thei chun a tii.

PHILIPPI 2:6

Ama chun Pathian gual ah um, Pathian tawh kibang ah um chu, thil khiaklâ thei ah ngailo in;

ISAI 9:6

Ei uh â dingin nausen hung piang in, chapa piak in I um ta’ngal un; a liangko in thuneina a um ah, a min in Lemguattu, Mak, Pathian Hat, Kumtuang Pa leh Chamna Lal chapa sak ahi.

MATTHAI 1:23

“Nungak thiangtho chu gâi intin, Chapa hing intin, a min in Immanuel sa’n au” zia chu, “I kiang un Pathian a um hi,” ti’na ahi.

THUPUAN 21:6

Chuleh, ka kiang in, “Zaw ahi tai. Kei Alpha leh Omega, a bul leh a tawp chu ka hi. Dangchâk tapo chu hinna tuinâk ah tui hi a thawn in pia’ng ka.

HEBRAITE 13:8

Jesu Khrista chu jani leh tu’ni leh kumtuang in a ngai ngai ahi zing hi.

ISAI 7:14

Ziaziakchun, Lalpa ma ma chun tepte’na hun pia ding ahi. Ngai un, nungak thiangtho chun nau hun vop intin, chapa hun hing intin, a min in Immanuel ti sak hiding ahi.

1 JOHAN 5:20

Chun, Pathian Chapa chu a hung ah, midik chu hethei dingin hiattheina ei pia tai, ti I hiau hi; chuleh, a Chapa Jesu Khrista ah um in, midik ah chun I um uh ahi. Ama chu Pathian dik tak leh kumtuang hinna ahi.

1 TIMOTHI 3:16

Nial gual lo hial in, I ginnau thugûk uh chu a lopi hi: “Ama chu taksa ah suklat, thagau ah thiam chansak, vansawlchâkte mu ngei, Jentelte lak ah tângkopi, khawvel pumpi ah taksan, lopina ah lâk to ah um ahi,” ti hi.

JOHAN 16:28

Pa ah kipat in ka hung ah, zia khawvel ah hin ka hung hi; chuleh, khawvel hi nusia ing ka tin, Pa kiang ah chia ding ka hi tai, a tia.

THUPUAN 1:17

Zia gual ah ama ka mu phât chun a kengbul ah mithi gual in ka kipûk ta’n. Chuleh, ama chun a khut changlam ka chung ah koi in, “Lau kin, a masa pen leh a nunung pen chu ka hi.

JOHAN 20:28

Thoma chun, “Ka Lalpa leh ka Pathian!” a tia.

TITA 2:13

kinepna kipak um, I Pathian lopi tak leh Hukdampa Jesu Khrista kilâkna chu ngâk dingin ei hil a.

HEBRAITE 7:3

Ama chu nu neilo, pa neilo, suantu neilo, pian ni neilo, hin tawp ni le neilo; himaleh, Pathian Chapa gual ah siam, thiampu hizing ta ahi.

THUPUAN 3:14

Chun, Laodikia khua kochuam vansawlchâk kiang ah chun, zia gual hin zik in: Amen, ginum tak leh hetpi dik tak, Pathian thilsiam bul khan zia thu hi a gen hi:

EPHESA 3:9

Pathian, thil zosia siampa kiang ah kumtuang ah sêl ah a la um thugûk chu, mi zosia musak dingin.

THUPUAN 1:2

ama chun Pathian thu leh Jesu Khrista chanchin hiatsak ah um leh a thil mu zosia chu a zik a.

1 JOHAN 5:7

Hiatsaktu pathum a um hi:

ROMTE 9:5

pu leh pate kha le amau â a hiu ah, taksa lam thu ah Khrista le amau lak ah kipat hung pawt ahi’n; ama chu thil zosia chung ah um ahi, kumtuang ah pâk tâk Pathian ahi, Amen.

JOHAN 1:18

Kuama’n bangtik lai inle Pathian a mu kha puau hi; himaleh, a Chapa changkhat neisun, Pa lung tawh kituak chun a chanchin a genchian hi.

SAM 45:6

Aw Pathian, la lalchutpha chu kumtuang, kumtuang in a um hi. La lal tiang chule dangdâk diak, neilona lal tiang ahi hen;

THUPUAN 2:8

Smurna khua kochuam vansawlchâk kiang ah chun, zia gual hin zik in: A masa pen leh a nunung pen, thi ta hung hing kit ta chun zia thu hi a gen hi:

2 PETER 1:1

Simon Peter, Jesu Khrista suak leh nungzui hin, Jesu Khrista I Pathian leh Hukdampa dikna ziak ah ginna man tam tak I chan gual changte kiang in:

THUPUAN 1:11

La thil mute chu lekhabu sun inla, kochuam pasagite kiang ah thot in: Ephesa, Smurna, Pergamum, Thuatira, Sardis, Philadelphia leh Laodikia khuate ah, a ti ka hia’n.

LUKA 24:53

tichun, tempul ah chun Pathian pâk leh chawihoi in a um zing tau hi.

JOHAN 8:58

Jesu’n a dawnhu a, “Titakzet in ka hil la hiu, Abraham um masang khanle ka la um tai,” a tia.

KOLOSSA 1:15

Ama chu mu theilo Pathian mêlpu ahi’n, thilsiam zosia lak ah piang masa pen ahi.