JOEL 3:8 - PATHIAN LEKHABU THIANGTHO (BSI)

⁸ La chapateu leh la chanuteu chu Judah mite khut in zuak ing ka tin; amau in gamla tak ah nam khat, Sabeante kiang ah zuak sawn in au; ti’n Lalpa chun a gen ta’ngal a.

JOEL 3:8 Referans Kwoze

ISAI 60:14

Nangma hun sugentheite suan leh pâkte chule, la kiang lam ah chun a boksa’n hung ta’n tiu in; chuleh, nang a la musit zosia kha, la kengbul ah hung bokkhup ta’n au; ziaphat chuleh, nangma chu Lalpa khawpi, Israel Mithiangtho Zion, hun ti ta’n au.

JOB LEKHABU 1:15

Sebate’n a hung suam phut tau ah, a leng un a kipuak mang zo tau ah; chuleh, la suakte chu chemjam in a that gam tau hi; keima bep hi thupaw ding ah hung suakcha ka hi,” a hung ti’n.

VAIHAWMTE 2:14

Tichun, Lalpa chu Israelte chung ah a lungna, amau chu mi suamte suam dingin a pedok ta’n; chuleh, a kîmvêl ua um, a mêlmateu khut ah a zokdaw tâk ziakin, a gâlteu âng in a pang thei ta puau a.

EZEKIEL 23:42

Mipi kipakna thawm in a tuam kîmvêl in, gamthip ah kipat zukhamte leh mi nautangte chu a hun pui khawm hi; a luchang ah lallukhuk hoi tak leh a numeiteu khut ah chauchate a busak ui.

JEREMIAH 6:20

Sheba ah kipat begaw a hun puau a, gamla tak ah kipat kêlzu thum tak a hun puak uh haw hi; kei â dingin bang ah pang ding a hem? La hâlmang thilpiakteu pom tâk a hipua’n, la kithoinateu le kipak um ahi diak puai.

VAIHAWMTE 4:9

Chun, Deborah in, “Hun zui ma ma ing ka; ahi’n la, la chiana lampi chu nang minphatna hi talo ding ahi, Lalpa‘n Sisera chu numei khut ah ei pia ding ahi tâk ziakin,” ti’n a dawnhu ah. Ziaphatchun, Deborah a kipan ah, Barak tawh Kedesh lam in a chia tau a.

VAIHAWMTE 4:2

Tichun, Lalpa‘n amau chu Hazor ah vaihawmpa, Kanaante lengpa Jabin khut in a pia tai; a sepai hotu lianpen chu Harosheth-ha-goiim ah chêng Sisera ahi.

DAN LEKHABU 32:30

Bangtidan ah mi khat in mi sang khat zo thei ah, mi pani’n a sîngtêl jam siatsak thei a hiu ah, a Suangpiu in a khotdawsa a hiu ah, a Lalpau in a nutsiasan a hilo ngâl leh?

SAM 72:10

Tarshish leh thialkâl tin ah lengte chunle, leiman hun chawi uh hen la; Sheba leh Sheba lengte’n le, thilpiak hun chawi tau hen.

JEREMIAH 30:16

Ziaziakchun, nang a la ne zo tapo chu, nêk zaw in hung um intiu in; la mêlmate chu a leng un sal ah, pui mang sik sek hung hita’n au; nang hun suam gam tapo chu, suam gam in hung um intiu in, gâlhing ah hun man tapo chu, gâlhing ah matsak ing ka.

EZEKIEL 38:13

Sheba, Dedan leh Tarshish mi sumkawlveite leh a sakeibaknei noteu chun la kiang in: “Gâl lâk chom khawm ah hung maw la hiu? Gâl lâk chom khawm ding leh, sana, dangka, gan-gual leh nei thil tincheng leh gâl lâk tam tak la ding ah maw la pawlte la hun pui khawm?” a la tin au.