JOEL 2:30 - PATHIAN LEKHABU THIANGTHO (BSI)

³⁰ Lei leh vante ah zilgaina, mêlchiknate thisan leh mei leh meikhu kitungte hun etsak ing ka.

JOEL 2:30 Referans Kwoze

LUKA 21:11

Linlîng huaisia takte hung lîng intin, mun chuam chuam ah kialte tung intin, van ah kipat thil lau umte leh tepte’na nasa takte hung um in a.

MATTHAI 24:29

Zia buaina hun zaw zaw ah chun, nisa hung thim intin, thapi’n le a vak sua ta pua’n a; van ah kipat in aksite hung kia’n tin, van thil hi’theinate hilîng in um in a.

VAIHAWMTE 20:40

Himaleh, khawpi kihâlna meikhu lom a hung kitun to phatin, Benjaminte chu kinung hei in a en tau a, khawpi hâlna kuang meikhu chu van lam in a kitung to tai!

THUPUAN 18:9

Chun, lei a lalte a thanhuaipi sia leh a kinoptelpi sia chun, amanu kihâlna meikhu chu a mu tak ua leh, kap leh mau in a awm uh chûm in au.

THILSIAM THU 19:28

Sodom leh Gomorrah lam leh phâicham gam zosia chu a vak thîl ah; chuleh, zia gam ah meikhu chu hâltuina meikhu gual in a kitung to vung vung ziang tai.

THUPUAN 18:18

a kâng khu chu gâl et in: “Zia khawpi lopi gual hi, a um kit thei ta diam?” ti’n a kiko ua.

SOLOMON LÂ 3:6

Gamthip ah meikhu gual ah, hung to khi bang a hia, murra leh begaw gimtui tawh, sumkawlveite thil gimtui zosia ah sugimtui ngei chu?

VAIHAWMTE 20:38

Israel sepai a paw lam ah pangte tawh a chânggute’n kitiamna khat a nei uh chu, khawpi mei ah hâlkuangna meikhu a mu phât ua leh,

JOSHUA 8:20

Âi khua mite’n a vak nung et kit phat un, khawpi kângkhu chu van lam in a kitung to luai luai mai ta’n. Gamthip lam ah jamte khan amau a hun le’del kit tau a; tichun, khoilam lam ah le zamdawna ding tha leh zung a nei ta puau a.

THUPUAN 8:7

Vansawlchâk pakhatna chun a hun mût leh, gial leh mei thisan tawh kihel a hung pawtdok a; ziate chu lei ah a hun paitha tau a. Lei chung mun thum ah khen mun khat, thing mun thum ah khen mun khat, chuleh, hampa hing zosia chule a kâng tum tai.

JEREMIAH 4:28

Ziaziakchun, lei in sûn intin, chung ah vante khi le thimtha ta’n au. Ka la guanggalsa chu, ka la gen ta’ngal a; ka gensa chu hei danglam ta pua’ng ka tin, thul diak pua’ng ka.

ZEKARIAH 14:6

Zia ni chu a hung tun phat leh, votna ahiloleh vûk ah khalna him him um ta pua’n a.