JOEL 1:4 - PATHIAN LEKHABU THIANGTHO (BSI)

⁴ Khaubepi’n a pe’tan bang cheng chu, khaubepi hon in a ne zo un. Khaubepi hon in a nêkbang siau chu, khauphâk in a ne zo un; khauphâk in a nêkbang sia chu, lungno in a ne zo tai.

JOEL 1:4 Referans Kwoze

JOEL 2:25

La lak ua ka sepai tam tak ka hun sawl tâk, khaubepi hon, khauphak hon leh, thing leh gua nesia khauphâkte leh, thing nêk hât chi khauphâk chite’n a nêksiat uh kumte chu hun din kit ta’ng ka.

AMOS 4:9

Thinglung leh gial in ka hun gawt ah, la huanteu leh grep huanteu a hawm in ka umsak a, la theipi kungteu leh la Oliv thingteu khaubepi’n a ne zo tai; Chutisapi’nle ka kiang in la hung kile’kit puau hi, Lalpa‘n a tii.

AMOS 7:1

Zia hi Lalpa Pathian in ei etsak chu ahi: Thâichi a lêp lam ga ding hung seldok hun ah chun, zia chu lengpa bu lak zaw phat ah hung seldok hun chu ahi’n; khaubepi tam tak a hun umsak a.

ISAI 33:4

Lungmul an ne gual in gâl lâk a chom khawm un; khaubepi chawm gual in, gâl lâkte lak in a chawm sau sau ui.

SAM 78:46

A thâichiteu le lung kiang in a pia’n, a khut nasep gim gateu chule, khaubepite kiang in a piai.

PAWTDAWNA THU 10:4

chutia, ka mipite la hun thâdaw nop lo tei tei nâk lai ahileh ngai in, jing leh la gam sung pumpi ah hin khaubepi hun umsak ding ka hi.

JEREMIAH 51:14

Sepai honte Lalpa chu a kihaksial in: Khaubepi hon gual ah tam, sepai hon in hun lua dimsak tei ding ka hi, la chung ah a zaw’nau Hân La sa’n au, ti in.

SAM 105:34

Thu a gen mai inle khaubepite hung um in, khaubepi simsên lo a hung um un;

2 KHANGTHU 7:13

Van ka hun khâkbit ah gawtui a hung umlo hun a hem, a gam ne zo ding ah khaubepite thu ka hun piak a hem, ka mipite lak ah hipi ka hun lên sak phat leh,

DAN LEKHABU 28:38

Lou ah chun buchi tampi the’ maleu chin, tawmcha bep lakhawm in lau; khauphâkte’n ne zo ding ahi ngâl un.

JEREMIAH 51:27

Zia gam chu do dingin kipan unla, namtin lak ah pengkul mut un; ama do dingin namtin siam unla, ama do dingin Ararat, Minni leh Ashkenaz lenggamte hi ko un; ama do’na gâl mapui ding guat unla, khaubepi hon gual in sakolte chu hun pui khawm un.

1 LENGTE 8:37

Gam ah kial a tun ah, natna a lên ah, gamte a keu ah, thingtâm a tun ah, khaute, khaubepite leh lungte a pun ah; a khawpiteu lak ah khat a mêlmateu in a ûm ua, bang natna hi’n, bang gual damlona um talehle;

2 KHANGTHU 6:28

Gam ah kial a tun ah, hisiate a hung lên ah, thâichi hikte a lênah, khauphak leh lung a hung punah, mêlmate’n khua haw a hung sim ua; chuleh, natna leh hivei sia a hung lên phat leh;

DAN LEKHABU 28:42

La theikung zosiau leh la lei ga zosiau khauphâk in ne zo in a.

PAWTDAWNA THU 10:5

Amau chun leipêk hi kuama’n a mutheilo ding khop un dap suak intiu in. Chuleh, gial in a sesiat bang sia, a suakcha a themnên um sun chu ne zo intin uh; chuleh, lou ah nang â ding ah thingkek zosia chule hun ne zo in au.

MALAKI 3:11

Khaubepite hun vau dai piak ing ka tin; tichun, la lou thâichiteu suksiat piak ta pua’n a; chuleh, la lou lai ua grep gui le hût ta pua’n a, sepai honte Lalpa chun a ti ahi.