JEREMIAH 9:3 - PATHIAN LEKHABU THIANGTHO (BSI)

³ Zuau gen dingin a lei uh chu, thalpi gual in a kisazosa’n a um in, gam sung ah hin zuautheina leh, thu taklo’na lam in a khanglian ui. Thil phalo a ban ban in a bawl un, keima ei he’pha ta puau hi, Lalpa‘n a tii.

JEREMIAH 9:3 Referans Kwoze

JEREMIAH 9:8

A Lei uh chu mi kâplupna thalchang gual ahi’n, a kam ua kipat in zuau thu a sêkdok ui. A sunggil un kichanggu zing maleu, a Invêngteu kiang in kam dam in a gen ui.

ROMTE 3:13

A gawl uh chu thân kihongsa ahi’n, a lei un thepna thu a gen un; a kam sung un gulgu a um hi;

JEREMIAH 4:22

“Ka mipite chu a ngol ziak un, ei he’pha pua’n au; chapang mawl a hiu ah, hiatthiamna neilote a hiu; thil phalo bawl dan a thiam ma mau ah, thilpha bawl dan vang a hepuau hi”.

VAIHAWMTE 2:10

Chuleh, zia khang ah mite zosia chu a thizo tau ah, amau nung in Lalpa he’phalo leh Israelte â ding ah thil a la bawl piakhaw he’phalo khangthak a hung dingdok tau hi.

JEREMIAH 31:34

Chuleh, kuama’n, “Lalpa chu he ta’n,” ti’n kihil ta pua’n au; a lian pen ah kipat a neu pen tiang in, a leng un ei hesuak ta ding ahi ngâl un, Lalpa‘n a tii; chuleh, a khawlonau chu ngaidam in, a gitlonau chu hezing talo ding ka hi.

1 SAMUEL 2:12

Tu’hin, Eli chate chu mi chavai a hiziak un, Lalpa a ja puau a;

THUPUAN 12:11

Belamno thisan ziak leh, amau thu hiatsakna ziak leh, a hinnau chu thi ngam ah îtcha lo ah a la pan ziak un, zawna chu a chang tau hi.

JUDA 1:3

Doitakte haw, I kikop uh hukdamna thu la kiang ua tha nuam tak ah zik ka guat lai in, mithiangthote kiang ah ginna vopsak ah umsa thu’n phatchuamngai tak ah pang ding ah tilkhauna thu gen ngai zaw ta’n ka hia’i.

2 TIMOTHI 3:13

Ahi’n, migilote leh miphalêmte chu hung khawk zaw deu deu intiu in; mi thêm in, amau le thep zaw in um in au.

PHILIPPI 1:28

Bang lam lam inle la mêlmateu suklau in um kiu in; zia chu amau manthai ding kihetchianna chu ahi; himaleh, nang uh chu Pathian ah kipan ngei ah hukdamna mu la hitau hi.

ROMTE 1:28

Chun, Pathian het a nop lo ziak un, thil mêlpha lo tak tak bawl ding ah a doi lo gual lungthim nei phal in, Pathian in a kihei mangsan tai.

ROMTE 1:16

Khrista chanchinpha chu ka jachâkpi puai; kuale a ging tapo â ding ah hukhinna dingin Pathian thilhitheina ahi’n; zia chu a lim in Judate â dingin ahi’n, zia ban ah chun Grikte â ding a hung hi kit hi.

JOHAN 17:3

Zia hi kumtuang hinna chu ahi, Pathian tak khat bep nangma leh la sawl Jesu Khrista a het uh hi.

MARKA 8:38

Kuale tu’lai khangthak ângkawm leh gilo lak ah, keima leh ka thu japi tapo, Mihing chapa’n vansawlchâk thiangthote tawh, a Pa lopina kivan ah a hung phat leh, zia mi ngei chu hun japi thuk in a,” a tia.

JEREMIAH 22:16

Michaga leh tasamte panpi’n vai a hawm ah, zia chu ama â dingin a pha ngâl a. Zia chu keima ei hetna ziak hilo maw? Lalpa‘n a tii.

JEREMIAH 9:5

A Invêngteu a thêm chiat un, thu dik gen a um puau hi; thiam tak ah zuau genna’n a lei uh a mang un, khawlo tak in a um un, gitlona haisan hak a sa ma mau hi.

JEREMIAH 7:26

ahiziak in, ka thu gen ngaisak lo in, a lochal ten nalai ui. A pu leh pateu sâng ah khawk zaw sêm in a um ui.

1 KORINTH 15:34

Ngaituana pil leh dik tak hun nei unla, gitlo bawl ta kiu in; mi khen khat hin Pathian hetna a nei puau hi; la jachâkna ding ua ka gen ahi.

THIAMPUTE LEKHABU 19:11

Gu kin la, dik lo tak in bawl kiu inla, zuau in kithêmtua kiu in.

ISAI 1:3

Bawngchal in a neipa a hia’n, sabiltung in a enkolpa anpiakna a hia’i; maleh, Israelte’n a hepuau in, ka mite’n a hechian puau hi.

ISAI 3:5

Mipite chu nuaisia in um intin uh, mitin kua a hem khat nuaisia ah um in, mitin a Invêngteu nuaisia in um in au; chapangte le miluite chung ah, kiletsak tak ah hung um in, mi thulimlote nasan le, mi ja’umte chung in hung kiletsak in au.

ISAI 6:5

Keima’n, “Ka chung a gikna e! Mûk thianglo ka hi, mûk thianglo lak ah chêng ka hi, a mangthai chu ka hita hi, ka mit in Lengpa, Sepai honte Lalpa chu ka mu ta’ngal in,” ka ti hen.

JEREMIAH 5:4

Ziaphatchun keima’n, “Zia mite hi migenthei leh, ngaituana neilote a hiu hilam e, Lalpa lampite leh a Pathian dan uh chu a hepuau hi.

JEREMIAH 5:5

Mihausate kiang lam ah chia ing ka tin, a kiang un gen mai ing ka; amau chun vang Lalpa lampi chu hia’n, a Pathian dan uh chu he ngei ngei in au,” ka ti’n. Himaleh, a leng un a ngawngkol uh a susia tau a, a mi kânna khaute a ât tan zo tau hi.

DANIAL 11:27

Lal panite hi thil phalo ngen bawl gua lunggêl zing a hiu a, dawkan khat in zuau thu gen khawm in au. Himaleh, lawting pua’n au, a tawpna ding uh guatsa ahi ngal a.

THILSIAM THU 39:16

Chuleh, a pu a hung tun masia a puan chu a kiang in a la koi zing a;

VAIHAWMTE 14:17

Chun, a ji chu luaithe’nau tawp chan ni sagi sung a kiang in a kap ta’n; a phin nasat bêk ziakin, ni sagi a tin ni chun a ji a hil tai. Ziaphatchun, a ji chun hetmaw hilchetna chu a chipite kiang in a a hil tai.

THUPILTE 12:5

Midikte ngaituana chu a thiangtho a, mi nunsiate lemguatpina chu vang zuauthepna mai a hisek hi.

ISAI 9:18

Mei in hampa leh ling a kât tum ah, gammâng nawngte a kât thian a, a meikhu van lam ah a kitun to gual in, nunsiatna chun mei gual in a kâng sek ngal a.

JEREMIAH 6:28

A lêng un milochal hel mangte a hiu a, gensiat ding hawl ah vak tawl tawl, sum-eng leh thîk gual ah lung tâk, nunsia tak ah tawi ngen a hiu.

JEREMIAH 12:6

La chanaute leh la Inkuanpite nasan in, dawha phalo tak in a hun bawl nalai sêt un; a aw neisun un a hun ko zui un, bang gual ah thu pha gen maleu le, amau chu taksang ta kin.

EZEKIEL 8:13

Chuleh, ka kiang in, “A thilbawl uh ki’dak um zaw diakte hun etsak ing ka,” a ti nalai a.

NASEPTE 24:9

Judate chunle zia thu chu a dik hi ti’n a panpiu a.