JEREMIAH 9:2 - PATHIAN LEKHABU THIANGTHO (BSI)

² Aw, gam keu ah khualbûk nei in, ka mipite nusia in vaum daw san ziang leng ka nuam na e! ângkawm leh suam mang ngen ahi ta’ngal un!

JEREMIAH 9:2 Referans Kwoze

JEREMIAH 23:10

Gam chu ângkawmna ngen in a dim tai; hânsia law khum ahi’na ziakin, gam chun a sûn ah, gamthip ah gantatna munte chule a keugawp tau hi. A tawidan uh chu a diklo ngen leh, a hatnau chule a diklo lam ngen ahi tai.

HOSEA 4:2

Kihaksialna, zuautheina, tualtha’na, gukchakna leh ângkawmna a pung a; thisan sua’na chu thisan sua’na’n a zui hi.

HOSEA 7:4

A leng un ângkawm a hiu ah, vaithum siampa’n changbuang a hel ah kipat, a vaithum min hun masia thukkhûk ah mei a sawtbe ngailo ah, thukkhûk mei in a hai lumsa tawhbang a hiu hi.

JEREMIAH 12:6

La chanaute leh la Inkuanpite nasan in, dawha phalo tak in a hun bawl nalai sêt un; a aw neisun un a hun ko zui un, bang gual ah thu pha gen maleu le, amau chu taksang ta kin.

JEREMIAH 12:1

Aw Lalpa, ka hun awimaw guat leh le, nang chu la dik him him hi; ahi’n la, kadot nop pakhat hun dong ing ka. Bang ding ah migilo lamzang a hem? Bang ding ah dawha phalo mite zosia, khangto sek a hiu em?

JAKOB 4:4

Ângkawmte haw! Khawvel tawh kijawlna chu Pathian mêlma hi’na ahi ti la hepuau em? Ziaziakchun, kuale khawvel tawh kijawl nuam chu Pathian mêlma a hisek hi.

MALAKI 2:11

Judah chu ginum lo tak in a la um ta’n, Israelte lak leh Jerusalem ah chun thil ki’dak um tak chu bawl ahi tai; Judah chun gamdangte pathian chanute a kichenpi ziak un, Lalpa‘n a ngainat, a mun thiangtho chu a la subuak tau ahi.

ZEPHANIAH 3:4

A jawlneiteu chu khawni ngailo leh ginumlote a hiu a; a thiamputeu in thilzek a subuak un, dan a botsiau a.

HOSEA 6:7

Himaleh, Adam ah chun thuthung a la bawtsia tau a; zia chun ginum lo tak in ka chung in a bawl tau hi.

HOSEA 5:7

Lalpa chung ah lepchia tak in a la tawi tau in; jaucha a la neisan ta’ngal un. Tu’hin, tha thak in amau chu a louteu tawh hun ne zo ding ahi.

JEREMIAH 5:11

Israel Inkuante leh Judah Inkuante chu, ginum lo tak ah a la um zaw tak ziak un, ti’n Lalpa‘n a tii.

JEREMIAH 13:22

La lungthim in, “Ziate hi bangtidan ah, ka chung ah hung tung ta mai a dia aw?” la tiu ahi chun, la nunsiatna a huaisiat ziak ah, la nîk kihawk piak ah, sukthanhuai la hi chulam.

MIKAH 6:12

La mi hausateu chu kipawngbawlna’n a dim un, zia chêngte chun a kam un thep hatna lei in zuau thu a gen un.

MALAKI 2:14

Nang unla, “Bang ziak ah ei pom lo a diam?” la tiu a. Nang leh la khangdawng lai ji kikâl ah hiatpitu chu Lalpa ahi’n, la koppi leh thuthung siam ah la ji ahi sapi’nle la lepbawl san tai.

VAIHAWMTE 2:10

Chuleh, zia khang ah mite zosia chu a thizo tau ah, amau nung in Lalpa he’phalo leh Israelte â ding ah thil a la bawl piakhaw he’phalo khangthak a hung dingdok tau hi.

ISAI 59:3

La khutteu chu thisan ah sukbuak a la hita’n, la khutzungteu chule khawlona sukbuak a la hi zo ta’ngal a; la mûk un zuau thu a gen tau a, la lei un nunsiatna thu ngen, a gendok ta’ngal a.

JEREMIAH 4:22

“Ka mipite chu a ngol ziak un, ei he’pha pua’n au; chapang mawl a hiu ah, hiatthiamna neilote a hiu; thil phalo bawl dan a thiam ma mau ah, thilpha bawl dan vang a hepuau hi”.

JEREMIAH 5:1

Jerusalem khawpi kotzing ah chun tai vêl unla, en vêl un la kansui un! dik tak ah bawl leh, thu dik hawl mi pakhat bêk la muu em, khawpi sung kil leh kâk hun hawl tiam un, Jerusalem ka ngaidam theina dingin.

JEREMIAH 5:2

Lalpa min sal in kitiam sek maleu, zuau ah kitiamna bawl mai mai a hiu.