JEREMIAH 9:12 - PATHIAN LEKHABU THIANGTHO (BSI)

¹² Zia hi hethiam thei ding khop ah mipil kua ahi em? A genjak theina ding un Lalpa kam in kua kiang in a gen em? Kuama’n a haw tâk lo’na ding ah gamthip gual tuk ah bang ziak ah, a gam pumpi hisiat leh nutsia ah um mai ahi tam?

JEREMIAH 9:12 Referans Kwoze

HOSEA 14:9

Mipil taphot chun ziate hi hechian tau hen; hiatthiamna nei taphot in zia chu he tau hen. Lalpa lampite chu a dik in, mi dikte’n zia chu a haw un; himaleh, bawlsiate vang, zia chun a kipal pûk sek ui.

SAM 107:43

Kuale a pil taphot in zia thilte chu ngaituau hen la; Lalpa ngilneina chu gunchu tak in, ngaitua chiat tau hen.

SAM 107:34

a gam ah chêngte nunsiatna ziakin, lei phatna mun chu lei al, bangma chîn theilona mun a chansak hi.

DAN LEKHABU 32:29

Pilna nei hileu vang, zia hi hechian ta’n au; bang gual ah hung tawp ding a hem, ti ngaitua ta’n au.

THUPUAN 1:3

Kuale ziate hi simdok ah, zia thu kigenlawk thute hi he’, a sung ah kizikte zui chu mi hampha hi’n ah, a hun a nai tangal a.

MATTHAI 24:15

Ziaziakchun, jawlnei Danial in a gen, hi’buakpa ki’dak um chu mun thiangtho ah hung ding la mu phât ua leh (a sim kha taphot in a umdan he hen;)

EZEKIEL 14:23

A umdanteu leh a thilbawl danteu la mu phat leh, amau chun hun thamuan ta’n au; ziaphat chuleh, a chung ah ka thilbawl zosia hi a ziak leh jal bei ah ka bawl hilo ahi ti he ta’n la, Lalpa Pathian in a ti ahi.

ISAI 42:23

La lak ua kua la hiu em zia thu ah nakhang hun daw ah, thil hung tung ding ngaisak tak ah, a la ngaitha zing ding kua la um awm?

JEREMIAH 9:20

Aw numeite haw, Lalpa thu gen hi a la ngai unla, a kam ah thu pawt hin la bil uh a la dawu in; la chanuteu kâ La hil unla, la Invêngteu chiat kâ dan hil un.

JEREMIAH 23:10

Gam chu ângkawmna ngen in a dim tai; hânsia law khum ahi’na ziakin, gam chun a sûn ah, gamthip ah gantatna munte chule a keugawp tau hi. A tawidan uh chu a diklo ngen leh, a hatnau chule a diklo lam ngen ahi tai.

JEREMIAH 23:16

Sepai honte Lalpa‘n zia gual hin a gen a: La kiang ua thugen ah hung jawlneite thugen him him ngaitha kiu in, a hun thêm chavai mai mai a hiu. Lalpa kam ah kipat hilo, a lungthim suangtuanau mai mai a gen zaw ngal un.

JEREMIAH 23:22

Ka vaihawmna hung ding hileuchu, ka mipite kiang in ka thu genjak ding a hiu a; chutileh, a gitlona lampiu leh, a thil phalo bawlteu chu haisan ta ding a hiu a.

JEREMIAH 23:28

A manglam ah thil mu nei jawlnei chun a thil muu chu gen hen la, maleh, ka thu gen ding nei tapo chun ka thu chu ginum tak in gen mai uh hen. Bupawl tawh gehu bu’n kibatna bang a nei him him awm? Lalpa‘n a tii.

JOEL 1:11

Barli leh gehu bu a siat ziakin, lou bawl mite haw, beidong tau in; lou lai ah thâichi a siat gam tâk ziakin, nanghaw grep chîngte haw mau tau in.

ZEPHANIAH 3:6

Namte ka paitha hen, a gâlvênbûkteu a segam tai; a kotzingteu ka susia gam ta’n kuama a chiatua ta puau hi; a khawpiteu chu a hawm ah nutsia a hita’n, a sung ah chêng mihingte a um ta puau hi.

HOSEA 4:10

Lalpa kiheimangsan ah, thanghuai tak ah a kipiak zaw tâk ziak un, Ne maleu vâ diak pua’n au; nawchizuak intiu in pung diak pua’n au.