JEREMIAH 8:9 - PATHIAN LEKHABU THIANGTHO (BSI)

⁹ Lalpa thu gen a pom lo ziak un, mipil chu mualpho intin, buaisia’n, puimang in um ta’n au; amau ah bang pilna um ahi tam?

JEREMIAH 8:9 Referans Kwoze

JEREMIAH 6:15

Zachat um tak in a um un, thil ki’dak um tak tak a bawl ui; maleh, zachatna’n a ngai puau a, zachat danle a hepuau hi. Ziaziakchun, thâlup ah umte lak in pang in au; amau ka gawt phat leh, paithâk hita’n au, Lalpa‘n a tii.

JOB LEKHABU 5:12

Mi kipilsakte guanggalna a hibuai ah, tichun, a khut nasepteu chu a lawting ngai puai.

JEREMIAH 6:19

Aw lei, a la hia’n; zia mipite chung ah hin siatna, a thil guanggal uh ga chu, a chung un tunsak ding ka hi; amau in ka thugente a ngaisak puau a, ka hilna thu a lâk lo ziak un.

ISAI 19:11

Zoan ah lal chate chu a ngol zo tau a; Pharaoh lemguat thiamte lemguatna chule ngolhuai a suak tai. Bangatileh, Pharaoh kiang ah, “Kei hi, malai ah lengte suan ah mi, mipil khat ka hi,” ti’thei ding la hem?

SAM 19:7

Lalpa dan chu a pha bukim in, hinna a chok-hal sek in; Lalpa thu hiatsak chu a dik in, mimawl a hipil sek hi;

DAN LEKHABU 4:6

Chingthei tak ah la zui ua leh, namdangte mit mu ah la pilnateu leh la hetthiamnau tâklat ah um in, zia dan thuthungte hi a het phat ua leh, “Zia nam thupi tak hi nam pil leh hetthiamna nei mi ahi ngei uh hilam e!” hun ti’n au.

2 TIMOTHI 3:15

chuleh, Khrista Jesu ginna ziak ah hukdamna lam ah hun hil pilthei, Lekha Thiangtho kha la naupan lai ah kipat la het ahi tai, ti hezing in.

EZEKIEL 7:26

Siatna a sawn sawn in tung intin, gâl thuthang a sawn sawn in tung in a; jawlnei ah kipat kilâkna hawl veng vung ta’n au, thiampute ah kipat zilsakna bei ta’n tin, upate ah kipat puihuaina thugen le um diak ta pua’n a.

JEREMIAH 49:7

Edomte chung thu ah Lalpa‘n zia gual hin a gen hi: Teman ah pilna um talo a hem? Mipilte lemhiatna bei ta maw? A pilnau bei zo ta mai maw?

ISAI 8:20

Zia gual ah thugente chun phalvak mu him him pua’n au!

2 LENGTE 17:15

A pu leh pateu haw kiang ah thu a la thunte leh dan a la bawlte kha a kihiatlosak tei tei ua, milim siamkawm ho in thil diklo a bawl tau ah; Lalpa thupiak zui lo in a kîmvêl ua mite chawndan chu a zui zaw tau hi.

ISAI 29:14

ziaziakchun, ngai un, zia mite chung ah hin, thil kidang leh mak tak, thil lamdang tak chu hun bawl nalai ding ka hi; a mi pilteu pilna chu bei ta’n tin, lem hete lem hetna chule, sêlgûk hi zo ta’n a,” ti in.

JEREMIAH 15:6

Keima lei la pom lo ziakin, la kinungle kit tai, Lalpa‘n a tii; ziaziakchun, nangma do dingin, ka khut lâmdok in ka hun hi’mang tai; kisûm zo talo ka hi.

JEREMIAH 19:7

Zia mun ah hin Judah leh Jerusalem ah chêngte thil guanggal chu bangmalo sua ing ka tin; tichun, a mêlmateu chemjam ah tha sak in, a hinnau hawlte khut in pedok ding ka hi. A luang damsau chu chunglêng vachate leh gam sate an dingin pia ta’ng ka.

AMOS 2:4

Lalpa‘n zia gual hin a gen hi: Judah bawsiatna pathumte ziak leh palite ziakin, a chung ua gawtna ding chu lamang pua’ng ka; amau in Lalpa dan a nol un, a thuguatte zui nuam lo in, a pu leh pateu a zuausan gual mau ah, pui mang in a um ta’ngal un.

ZEKARIAH 13:4

Zia ni chun, jawlnei zosia’n a thil muteu a gen daw lai un, kisathei tak in um pua’n tiu in, mithepna dingin a jawlnei puan chualteu chule âk diak ta pua’n au;

JOB LEKHABU 5:13

Mipilte chu a lemhiatna lam un a awksak in; mi dawhathûkte guanggalna chu, kin-gang tak in a tawp sek hi.

ISAI 43:27

La suantu bul pen in thil a la hi’khial ta’n, la paulettuteu inle thil a la bawl khial zo tau hi.

JEREMIAH 2:8

Thiampute’n, “Lalpa chu khoi ah a um tam?” a ti puau a; Dan mangte chunle ei he’pha ta puau hi; thuneite chun ei do un; jawlneite’n le Baal min in thu a gen un, milim mantheilote ei hosan tau hi.