JEREMIAH 8:12 - PATHIAN LEKHABU THIANGTHO (BSI)

¹² Zachat um tak ah um in, thil ki’dak um tak tak a bawl ui; maleh, zachatna’n a ngai puau a, zachatna châng le a hepuau hi. Ziaziakchun, thalup ah umte lak in pang intiu in, amau ka gawt phat leh, paithâk hita’n au, Lalpa‘n a tii.

JEREMIAH 8:12 Referans Kwoze

JEREMIAH 3:3

Ziaziakchun, van guate tûk tân a hita’n, chavâng gua le a zu ta puai; la maijang in kijuak mêl a kilang in, ja lam la hepuai.

JEREMIAH 6:15

Zachat um tak in a um un, thil ki’dak um tak tak a bawl ui; maleh, zachatna’n a ngai puau a, zachat danle a hepuau hi. Ziaziakchun, thâlup ah umte lak in pang in au; amau ka gawt phat leh, paithâk hita’n au, Lalpa‘n a tii.

ISAI 3:9

A maisua mai unle a diklo dan uh a tâklang un; a gitlonau sêlmang malak sâng in, Sodom gual in a tâklang zawu hi. A chung uh a gik na e!

SAM 52:7

“Entia, Pathian kisêlna mang nuam lo a, ama hausakna muang zaw, ama nei leh lam suang zaw te hi,” ti’n au.

ZEPHANIAH 3:5

A sung ua um Lalpa chu a dik a; diklo a bawl ngai puai. Jingkal si’n ah a vaihawmna chu, phalvak si’n ah thawn lo in a sulang a; himaleh, midiklote’n vang zachâtna châng a hepuau hi.

SAM 52:1

Aw mihat, bang ding ah kiletsak tak ah, Pathian ngaisak mi siatna ding ngaitua sek la hem? Sun nitum in mi siatna ding la ngaitua hi.

DAN LEKHABU 32:35

A kalsuan uh a tawnâl phat uh leh, phuba lâkna leh dit kitna chu kei â ahi; a buaina ni ding uh a nai ta’n, a chung ua siatna kin tak in tung ding ahi.

PHILIPPI 3:19

Zia mite tawpna ding chu manthaina ahi’n, a pathian uh chu a gilpiu ahi; a kilopisaknau chu a mualphonau ahi; a lungthim un lei thilte a koi ui.

HOSEA 5:9

Gawtna ni ah chun Ephraim chu suksiat hung hi’ntin; Israel namte lak ah thil hung tung ngei ding chu ka hun puang hi.

ISAI 24:2

Mipite chung ah tung gual in, thiampute chung inle tung intin; suaknu leh a pu chung ah tung gual in, a pi chung inle tung intin; van chawtu chung ah tung gual in, a zuaktu chung inle tung intin; a thunglâkte chung ah tung gual in, a thunglâksakte chung inle tung intin; sumpung nei ding ah latu chung ah tung gual in, sumpung um ding ah petu chung inle tung in a.

JEREMIAH 6:21

Ziaziakchun, Lalpa‘n zia gual hin a gen hi; En in, zia mite âng ah hin a kisuina ding un, kipalpâina suangpi ka koi hi; nu leh pa leh a chateu, a Invêngpa tawh a lawipha le mangthai khawm sik sek in au.

JEREMIAH 10:15

Mi thepna ding mai ah kibawl, bangmalo mai mai a hiu ah; gawt ahi’phat uh leh mangthai ta’n au.

JEREMIAH 44:10

Tu’ni tiang hin kisik limle pu lo leh lau mêl him himle la pu nai puau ah; chuleh, la pu leh pateu leh nanghaw âng ah ka dan thu leh ka thuguatte la zui nai diak puau hi.

EZEKIEL 23:18

Nîk leh puan bei ah thanghuai tak ah a kinoptel lai in, a suapinu ka la ki’dak ma ma gual khan ama le ka kiheisan tai.

THILSIAM THU 19:34

Chuleh, a jing ah chun, a u-nu chun a naunu kiang ah chun, “Ngaitia, tu’jan ah khan I pa kiang in ka valum in, tu’jan hinle uain dawn khamsak kit hi tin, nang chia inla, I pa suanbei lo ah I siam theina dingin a kiang in valum in,” a ti’n.

JEREMIAH 14:15

Ziaziakchun, ka sawl lo ah ka min ah thu gen sek, jawlneite chungchâng ah zia gual hin Lalpa‘n a gen ah; amau chun la: “Zia gam sung ah hin kido’na chemjam leh kialna hung tung lo ding ahi,” a tiu a. Kido’na chemjam leh kialna ziakin zia jawlneite chu that gam ding ka hi.

JEREMIAH 23:12

Ziaziakchun, a lampiteu chu, thim lak ah lamnâl gual hihen la, zia tak ah chun naw lut ah um in, kipuk sik sek tau hen; amau ka gawtna kum a tun phat leh, a chung un siatna hun tunsak ding ka hi’ngal a, Lalpa‘n a tii.