JEREMIAH 8:1 - PATHIAN LEKHABU THIANGTHO (BSI)

¹ Ziaphat chuleh, Judai gam ah lengte, a lalteu, thiampute, jawlneite leh Jerusalem ah a la chêngte gu zosia chu a thân ua kipat lâkdaw in hung um ta’n ah, Lalpa‘n a tii;

JEREMIAH 8:1 Referans Kwoze

EZEKIEL 6:5

Israel mipite luang chu a milimteu âng ah siavum ta’ng ka tin; chuleh, la mâichâm ma-âng un la guteu chu thejak ding ka hi.

AMOS 2:1

Lalpa‘n zia gual hin a gen hi: Moabte bawsiatna pathumte ziak leh palite ziakin, a chung ua gawtna ding chu lamang pua’ng ka; amau in Edom lengpa gute chu, lungna tak ah a halvâm ziak un.

EZEKIEL 37:1

Lalpa khut ka chung in a hung chu’n, tichun, Lalpa thagau in ei domdok ah, phâicham lailung in ei koi ta’n; zia mun chu gukeu ngen in a dim hi.

2 LENGTE 23:20

Mâichâm chungah chun thoimual thiampute chu a that ah, a chung un mithi gute zosia chu a hâl tum ah, ziazaw chun Jerusalem lam in a kile’kit tai.

2 LENGTE 23:16

Ziazaw chun, Josiah chu a hung kihei leh tâng chung ah thân umte chu a vak mu; zia thânte sungah gute chu hun ladok dingin mi a sawl a; ziate chu mâichâm chung in a hun hâl ua; Kût hun ah Lengpa Jeroboam chu mâichâm bul ah a din tak leh, Pathian min thu a puandaw sek dungzui ah, a ho dan uh chu a sukbuak piak tai.

1 LENGTE 13:2

Lalpa thu ah mâichâm dem in a kiko ah, “Aw mâichâm! mâichâm! Lalpa‘n zia gual hin a gen hi: ‘David Inkuan ah chapa pakhat, a min Josiah kiti hung piang intin; ama chun la chung ah gimtui lân thiampute hi nangma chung ah hun lân ding ahi; tichun, la chung ah mihing gute hung kihâl ding ahi,’ ti’n,” a gen a.

2 LENGTE 9:37

Jezebel luang chu Jezreel gam sung, loulai ah ek denchek tawhbang hung hi’ntin, tichun, kuamacha’n, zia hi Jezebel ahi ti hethei pua’n au,’ a la ti kha ahi,” a tia.

SAM 53:5

Zia chun tu’ma lam cheng ah, a launau zosia sâng ah huaisia zaw ah chun, thep lau in um ta’n au. Pathian in ama ngaisak lo zosiate gu chu, thejak ding ahi ngal ah; Pathian in a paithâk tâk ziakin mualpho ta’n au.

JEREMIAH 14:16

A kiang ua a thu gennau mipite chu Jerusalem khawlai ah paidok ing ka tin, kialna leh kido’na chemjam in that ta’n au. Amau vui ding a lak un, a jiteu, a chapateu leh a chanuteu ziang le um ta pua’n au. A nunsiatnau a chung un buntha ding ka hi ta’ngâl a.

EZEKIEL 6:4

La mâichâmteu chu nutsia in um intin, la gimtui khuamteu le hi’bot hita’n ah; chuleh, la milimteu âng ah la luang uh paitha ding ka hi.