JEREMIAH 7:3 - PATHIAN LEKHABU THIANGTHO (BSI)

³ Israelte Pathian, sepai honte Lalpa chun zia gual hin a gen hi: La umdanteu leh la thilbawl danteu siamphau inla, zia mun ah hin keile la kiang un hung chêng ing ka.

JEREMIAH 7:3 Referans Kwoze

JEREMIAH 26:13

Ziaziakchun, tu’hin la umdan leh bawl dan zosiau kisiam phau in la, Lalpa la Pathian un a thugente hi mang un; chutileh, la chung ua siatna hung tung ding a la gendawsa zosia hi lamang dingin a lungthim hei danglam kit ziang ding ahi.

JEREMIAH 18:11

Ziaziakchun, tu’hin Judah mipite leh, Jerusalem ah chêngte kiang in, zia gual hin Lalpa‘n a gen hi, vati’n: En un, la chung ua thil phalo tunsak ding leh, nanghaw do ah thil phalo guanggal ding ah bêl vêlpa chu ka hi. Tu’hin, la leng un, la thil phalo bawl uh chu hun haisan unla, la umchan uh leh la thilbawl zosiau siamphau in, ti in.

ISAI 55:7

mi nunsia chun a siatna lampi chu haisan hen la, mi diklo chun a ngaituana phalo haisan ta hen; Lalpa lam ah hung kile’kit hen, a chung ah ja’ngai in a. I Pathian kiang lam un hung kit uh hen, ama’n a la ngaidam ma ma ding ahi ngal a.

THUPILTE 28:13

A hi’khelna îmgu chu lam jang pua’n tin; îmlo ah kipuang ah haisante chun za’ngaina mu’n au.

JAKOB 4:8

Pathian chu nai un; tichun, ama’nle hun nai in a. Nang uh mi gilote haw, la khut uh sil thiang unla, nang uh mi phalêmte haw, la lunggil uh hithiang un.

JEREMIAH 35:15

ka suak jawlneite kha la kiang un gunchu tak ah zia gual ah hi thu hung gen dingin ka hun sawl ta’n: “Mi tin in la thilbawl uh phalo haisan in hung kihei kit unla, la thil bawlkhial uh bawl pha kit unla, la pu leh pateu leh nanghaw chênna ding ah ka la piakna gam sung ah hin, la chên zing theina ding un, pathian dangte lam ah kihei mangsan in a nau sêm kiu in,” ti in. Himaleh, ka thugen ngaisak lo in, ka thule la mang puau hi.

2 LENGTE 17:13

Lalpa chun, Israel leh Judah chung thu ah chun, jawlnei zosia leh thil mu lawk theite zosia chu mang in, “La umchan phaloteu chu kiheisan un la, la kiang ua ka hun sawl, ka suak jawlneite leh la pu la pateu kiang ah thu ka la piakte zosia dungzui in, ka dan siamte hi pha tak in hun zui tau in,” ti’n a hil zing tho hi.

JEREMIAH 4:1

Lalpa‘n a gen a: Aw Israel, la hung kile’kit ah, keima lam ah la hung kit ua, la ki’dak umnau ka mu’na kipat la lîpthâk ua, la mawk vak tâk lo ua,

JEREMIAH 18:8

zia namte chun a thil phalo bawl uh a haisan uh chun, a chung ua siatna tung ding ah ka la gendawsa chu juk kit ziang ding ka hi.

EZRA 10:11

Tu’hin, la pu leh pateu Pathian, Lalpa kiang ah thupha chawi unla, a lung lam bawltau in; gam sung ah mite leh nam dang mi la jiteu lak ah kipat kikoi thiangtho tau in,” ti’n a gen a.

JEREMIAH 6:16

Lalpa‘n zia gual hin a gen a: Lamka thuam ah ding unla, en vêl un; lampi pha umna lamlian luite umna dong unla, zia chu zui un; tichun, la thagau â ding un chawldamna mu’n lau, ti in. Himaleh, amau chun, “Zia chu zui pua’ng kau,” a tiu a.

JEREMIAH 17:25

zia khawpi kotpite ah hin David lal chutpha kitung ah, sakol leh kângtalaite chung ah chuang in, amau tawh, a milian leh lalteu tawh, Judai gam ah mipite tawh Jerusalem ah chêngte zosia chu, lut leh pawt in vak lumlet intiu in; zia khawpi hi kumkhawtuang in chên zingna hi’n a.

JEREMIAH 35:16

Rekab chapa Jonadab suan leh pakte’n vang a pubul un thu a la piak chu a mang un, zia mipite hin vang ka thu a mang puau hi.