JEREMIAH 44:2 - PATHIAN LEKHABU THIANGTHO (BSI)

² sepai honte Lalpa, Israelte Pathian in zia gual hin a gen a: Jerusalem leh Judai gam ah khawpi zosia chung ah, siatna ka tunsak zosia hi la mu suak kêi un. Vak en ma tiam un; tu’ni hin nutsia ah um in, kuama a chêng ta puau hi;

JEREMIAH 44:2 Referans Kwoze

JEREMIAH 34:22

Amau chu thu pia’ng ka tin, zia khawpi do ding hin hun le’pui kit ing ka, Lalpa‘n a tii; tichun, zia khawpi chu hun do zo in, mei in hâl tum ta’n au. Judai gam ah khawpi zosia chu a chêng umlo ah a hawm ah koi ding ka hi, a tia.

JEREMIAH 9:11

Jerusalem chu thilsia kisunvûmna leh, ngei hon kul in siam ing ka tin; Judai gam ah khawpite chu, kuama chên lona, khawhawm in siam ing ka.

ISAI 6:11

Ziaphatchun keima’n: “Aw Lalpa, bang chan ahi diam?” ti’n ka dong a. Ama’n ka kiang in: “Khawpite a lua ding um lo ah nutsia a hung hiu a, Inte le a chêng ding um lo ah, gam pumpi hisiat dim dem ah, a hawm ah nutsia ahi masia;

MIKAH 3:12

Ziaziakchun, nangma ziakin Zion chu, lou gual ah kaibuat in hung um in a; Jerusalem chu ki’dak buaksia paikhawmna mun hung hi’ntin, tempul umna mual chule gammâng thingbuk lak hung suak in a.

JEREMIAH 4:7

La gam uh subuai ding leh, la khawpiteu kuama chêng talo ding ah, susia dim dem dingin, namtin hise ding sakeibaknei chu, nângbuk ah kipat in a hung pawtdok in, a umna’ kipat in a hung kipandok tai.

ZEKARIAH 1:6

Ka dante leh ka thute khan ka suak jawlneite kiang ah ka la piak haw kha, la pu la pateu a la makhel man ta hilo a hem? Tichun, a kisik ua: Sepai honte Lalpa chun I chung ua bawl ding a guanggal gual tak in, I umdan leh I thilbawl dungzui tak un ei soisa ta ahi,’ a tiu kha,” a tiu a.

KÂ LATE 5:18

Zion tâng a châkvai tâk ziakin, si-alte a chung in a ta zo tau hi.

KÂ LATE 1:16

Zia thilte ziak hin ka kap in; ka mitthi tui a luang hi; thamuantu ding leh ei hi’hat ding, a gamlat tâk ziak in; mêlmate’n ei nuaisia tâk ziak un, ka vonchoiteu nutsia in a um zo tau.

KÂ LATE 1:1

Bang ding ah khawpi, mipi ah dim kha, thawmhau tak ah chu mai! Namte lak ah lopi tak ah um kha, bangtidan ah meithâi gual ah, hung um mai a ta’m! Gambung chung ah lengnu chu, Sia’mâng lakah khat gual bep in a um tai.

JEREMIAH 44:22

La thil phalo bawl uh leh, la thil ki’dak um bawlteu hi, Lalpa‘n a en pei ta puai; ziaziakchun, la gam uh chu nutsia ah um leh a hawm, a chêng um talo ah tu’ni tiang ah um khawlaw a hita hi.

JEREMIAH 25:11

Zia gam pumpi hi segawp in hawm suak ta’n tin; chuleh, zia namte hin Babulon lengpa na chu kum sawmsagi sung sep piak ta’n au.

JEREMIAH 7:34

Chun, Judai khawpi leh Jerusalem khawlai dung ah chun kipakna husate, limna husate, monu leh mopa husate suthip ing ka tin, gam chu a hawm ah um ta ding ahi ngal a.

ISAI 24:12

Khawpi sung chu a hawm ah nutsia a hita’n, a kul kotkhakte chule suksiat sik sek ahi tai.

2 LENGTE 21:13

Jerusalem chung ah chun Samaria khua leh Ahab Inkuan telneng khai chu kaizan ing ka tin; mi pakhat in kuang a nawt gual mai in Jerusalem chu nawt ing ka tin, nawt lumlet in lekkhup mai ding ka hi.

JOSHUA 23:3

Lalpa la Pathian un nangmau â ding ah a hun do piak dungzui in, nanghaw ziak ah Lalpa la Pathian un zia gam ah mite chung ah a bawldan zosia le la mu tau a.

DAN LEKHABU 29:2

Mosi chun Israelte zosia a ko khawm ah, a kiang un zia gual hin a gen ah: La mit mu ngei ua Lalpa‘n Aigupta gam ah, Pharaoh chung leh, a suakte chung leh mi zosiate chung ah a thilbawl zosia,

THIAMPUTE LEKHABU 26:43

Ka vaihawmnate a pom lo ziak leh, ka thuguatte a la huat tâk ziak ua, a sukkhialnau zosia ah kipat a kisiamphat kit sung un gam chu nutsia ah um in, a sung ah chêngte umlo kâl in a la kichawldam ta’n a.

PAWTDAWNA THU 19:4

Aigupta mite chung ah ka thilbawl dan leh mupi thâ ah ka hun puakdaw dan leh, ka kiang ah um ding ah ka hun pui dante hi la mu tau in;

THIAMPUTE LEKHABU 26:31

La khawpiteu giauchang in siam ing ka tin, la mun thiangteu le mun thip chansak ing ka tin, la gimtuiteu le a la hîp ta pua’ng ka.

JEREMIAH 44:23

La gimtui hâl ziak un, Lalpa chung ah la gilo tau in, Lalpa thu mang lo ah, a dan leh thuguatte leh a thupuknate la zop lo ziak un, tu’ni la tuak gual uh haksatnate hi a hung tung zaw ta ahi,” ti’n a gen a.

DANIAL 9:12

Chuleh, kei haw thiamlona leh ka chung ua vaihawmte thiamlo’na thu a la gen kha, ka chung ua siatna huaisia tak tunsak in, a thugente chu a sudet ta’n; Jerusalem chung ah siatna tung tawhbang hi van nuai pumpi kuama dang chung ah bawl khâk hi nai lo ahi.

JEREMIAH 8:3

Chuleh, zia Inkuan gilo takte ka nawjakna mun ah um nalai sunte chun, hin sâng in thi hun têl zaw ta’n au, ti’n sepai honte Lalpa chun a gen hi.