JEREMIAH 41:1 - PATHIAN LEKHABU THIANGTHO (BSI)

¹ A tha sagi’na chun, lengpa Inkuan sung ah mi, Elishama tupa, Nethaniah chapa Ishmael, lengpa sepai hotute lak ah pakhat chu, Mizpah ah, Ahikam chapa Gedaliah kiang in pawsal sawmkhat tawh a hung un. Mizpah ah a leng ua an a nêk khawm lai tak un,

JEREMIAH 41:1 Referans Kwoze

JEREMIAH 40:8

Mizpah khua Gedaliah kiang in a chiau a, Nethaniah chapa Ishmael, Kareah chapa Johanan, Tanhumeth chapa Seraiah, Netophath mi Ephai chate leh Maakath chapa Jezaniah tawh a sepai zosiau le a hiu a.

JEREMIAH 40:6

Ziaphatchun, Jeremiah chu Mizpah khua Ahikam chapa Gedaliah kiang in a chia ah; a gam ah mipi nutsia ah umte lak ah chun a vachêng tai.

SAM 41:9

Ka gual ngai pen, ka ginchak ma ma, ka vaithum nêkpi natiang in, ka siatna ding tup in, a kengtaw ka chung in a lâm tai.,

JOHAN 13:18

La leng ua thu ka gen ei puai, ka têlte chu ka hia’i; ahiziak in, ‘Ka vaithum nepa’n ka chung ah a keng khawtal a lâm tai,’ ti Pathian Lekha thu’n a gen kha a guitun theina ding ahi.

EZEKIEL 17:13

A lalteu chate lak ah pakhat a têldok ah, a kiang in thuthung a siampi ta’n, thu a tiamsak ah (a gam sung ah miliante a leng un a pui mang zo ta’n;)

JEREMIAH 36:20

Lekhabu zikpa Elishama pindan ah lekhabu zial chu nusia in, lengpa vaihawmna In ah a chiau ah, lengpa kiang in zia thu zosia chu a vahil tau a.

JEREMIAH 36:12

lengpa In ah a chia suk ah, lekha zikpa pindan in a lut ah; zia tak ah chun milian leh lal zosia chu a la kichukhawm un; lekha zikte Elishama, Shemaiah chapa Delaiah, Akhbor chapa Elnathan, Shaphan chapa Gemariah, Hananiah chapa Zedekiah leh a milian leh lal zosiau le a kim un.

THUPILTE 27:4

Lungnatna chu a huaisia’n, siatchang le a so in; himaleh, kua a hem mitthipna thuak zo ding?

THUPILTE 13:10

Kiletsakna chun kinakna a sua sek in; thuhilna pomte kiang ah chun pilna a um sek hi.

SAM 109:5

Tichun, amau in thilpha chu thil phalo ah ei thuk in, ka hepina huatna’n ei thuk ui.

2 KHANGTHU 22:10

Ahaziah nu Athaliah in a chapa chu a thi tai ti a het phat in, Judah Inkuan ah lengpa In sung mi zosia that gam dingin a kipan tai.

2 LENGTE 25:25

Himaleh, tha sagi’na chun, Leng Inkuan ah mi Elishama chapa Nethaliah chapa, Ishmael chu a hung ah, pawsal sawm a hun puiah, Gedaliah chu a hung kidelpiu ah, a that ua, Mizpah ah Judah mi um khawmpite chu tawh, Kaldai mi a la um sunte zosia chule a that khawm sik sek tau hi.

2 LENGTE 11:1

Ahaziah nu, Athaliah in a chapa a thi tai ti a het phat in, leng Inkuan mite zosia chu a hun that pan tai.

2 SAMUEL 3:27

Hebron lam ah Abner a hungkile’kit phatin, Joab in kul kotkhak paw lam ah chun hoguk ding gaw dan in a pui chuam ah, zia tak ah chun a tumpi a sutthil piak tai. Tichun, Joab suapipa Asahel thisan a la sua ziak ah chun a thi ta ahi.

JEREMIAH 39:14

sepaite huang sung ah Jeremiah um chu a vapui dawsak tau a; ama chu Ahikam chapa Shaphan tupa Gedaliah In lam ah a pui dingin a pedok tau a. Tichun, a chipite lak in a um den tai.

JEREMIAH 40:5

Gen ding pen le helo ah la um leh la, Shaphan tupa Ahikam chapa, Gedaliah kiang ah chia kit mai in; ama chu Babulon lengpa’n, Judai gam ah khawpi zosia awptu ding ah a guat a hita’n; tichun, mipite lak ah a kiang in vaum mai in; Ahiloleh, pha la sakna lam lam zuan mai in,” a ti tai. Tichun, sepai hotu lian chun a nêk ding leh thilpiak a piak zaw phatin, a nopna lam lam zuan dingin a koi tai.

JEREMIAH 40:13

Zia lai tak ah chun, Kareah chapa Johanan tawh, gamlak ah um sepai zosia hotute chu Mizpah mun ah Gedaliah kiang in a hung un;

2 LENGTE 25:22

Lengpa Nebukadnezar in a nutsia sunte, Judai gamah a la um nalai sunte â dingin Ahikam chapa, Shapham chapa Gedaliah chu a lal vaihawm ding un a tungdok a.

JEREMIAH 40:7

Chun, gamlak ah sepai hotuliante leh a sepai zosiau in Babulon lengpa’n, Ahikam chapa Gedaliah chu a gam pumpi vaihawmtu dingin a guat ah, Babulon lam ah sal ah pui mang ah umlo, michagate, numei, pawsal leh chapang zosia chu a kolsak hi ti thu a het phat un;