JEREMIAH 39:8 - PATHIAN LEKHABU THIANGTHO (BSI)

⁸ Kaldaite chun lengpa In leh mipite In haw chu mei ah hâl in, Jerusalem kulbâng chu a suchim dik dek tau a.

JEREMIAH 39:8 Referans Kwoze

NEHEMIAH 1:3

Amau chun, “Saltâng lo ah suakcha, zia gam ah um nalaite chu haksa tak leh mualpho tak in a um un; Jerusalem kulbâng chu suksiat dim dem ahi’n, a kotpite chule hâl tum ahi tai,” ti’n ei dawnhuu a.

JEREMIAH 38:18

Himaleh, Babulon lengpa milian leh lalte nuai ah la kipiak lut nop lo chun, zia khawpi hi Kaldaite khut ah piak lut hi’ntin, mei ah hâl tum in, nangma ngei le a khut ua kipat in suakcha him him pua’n la, ti’n a gen hi,” a tia.

JEREMIAH 21:10

A phatna ding uh hilo, a siatna lam ngen un, zia khawpi chung ah hin ka mit ka têt mai ahi tai, Lalpa‘n a tii. Babulon lengpa khut ah piak hita’n tin, ama’n mei in hâl tum ta’n a.

MIKAH 3:12

Ziaziakchun, nangma ziakin Zion chu, lou gual ah kaibuat in hung um in a; Jerusalem chu ki’dak buaksia paikhawmna mun hung hi’ntin, tempul umna mual chule gammâng thingbuk lak hung suak in a.

AMOS 2:5

Ziaziakchun, Judah chung ah mei sawl ing ka tin, Jerusalem kulpite chu kâng tum in a.

KÂ LATE 2:7

Lalpa‘n a mâichâm a ki’dak ta’n, a mun thiangtho le a ângsia ta puai; a lal In bângte chu, a mêlmateu khut in a pedok tai; Lalpa In ah kûtna ding, pengkul mûtna mun ah khan, gâlte’n zaw’na pengkul a mût tau hi.

KÂ LATE 2:2

Lalpa‘n Jakob chênna zosia, lainatna pang lo in a susia tai; a lungnatna chun Judah chanu, kuldette chu a kaichim sik sek a; a lenggam leh a lengteu chu, lei tual tawh kikim in a kainiam in, a suminsia tai.

KÂ LATE 1:10

Mêlmate’n a go thil zosia chung in a khut uh a jak khum un; a mun thiangtho nam dangte, lut a phal lona mun chu nam dangte chun, a sim tau hi.

JEREMIAH 37:10

Nanghaw hung do Kaldai sepaite zosia chu zo in, puanbûk ngak a liamte bep chu um maleule, hung kipan kit in zia khawpi hi hun hâl tum zo tho tho ding a hiu ti’n gen un, a ti tai.

JEREMIAH 34:22

Amau chu thu pia’ng ka tin, zia khawpi do ding hin hun le’pui kit ing ka, Lalpa‘n a tii; tichun, zia khawpi chu hun do zo in, mei in hâl tum ta’n au. Judai gam ah khawpi zosia chu a chêng umlo ah a hawm ah koi ding ka hi, a tia.

JEREMIAH 34:2

Israelte Pathian, Lalpa chun zia gual hin a hun gen a: Chia in la, Judai gam ah Lengpa Zedekiah kiang in zia gual hin vagen in: Lalpa‘n zia gual hin a gen hi, vati’n: Zia khawpi hi Babulon lengpa khut ah pia ding ka hi, ama chun mei in hâl tum in a.

JEREMIAH 17:27

Himaleh, sabbath ni changthiangtho ah, Jerusalem kotpite ah van-gik puak lut lo ding ka tite chu la ngailo ua leh vang, a kotpite ah chun mei sêmkuang ding ka hi; zia mei chun, Jerusalem ah lal Inte chu kâng tum intin, phelmit hita pua’n a.

JEREMIAH 7:20

Ziaziakchun, Lalpa Pathian in zia gual hin a gen ngal a: ka lungnatna leh ka thangtawmna chu zia mun ah mihing leh ganchate, gam lak ah thingte leh, lei ah theiga zosiate chung ah hin hun sungtha ding ka hi; hun kâng tum intin, kuama’n phelmit pua’n au, ti in.

ISAI 5:9

Sepai honte Lalpa‘n a kipau tiamna ka hia’i: mathei lo in, In lian leh mêlpha, tam takte hi a sung ah chêng ding um lo ah a hawm ah nutsia in hung um ding a hiu.

2 KHANGTHU 36:19

Pathian In chu a hâl tum un, Jerusalem kulpi chule suchim in, lal In zosia chu a hâl tum un, ûm leh bêl man tam tak tak haw chu a susia dik dek tau hi.

2 LENGTE 25:8

Chun, a tha nga’na, ni sagi’na chun, zia chu Babulon Lengpa Nebukadnezar a lal kum sawm leh kua’na a ti’n in, zia kum ma chun Babulon Lengpa vêng ah pang sepaite hotu, Nebuzaradan chu Jerusalem lam in a hung a;

SAM 79:7

Jakob val zo in, a chênna mun uh, pâmtul a suaksak tai.

JEREMIAH 32:29

Zia khawpi do ah hung kuan Kaldaite chu hung lut in, Baal â ding ah kithoina latna In zosia leh, pathian dang kiang ah dawn chi sungtha ei sulungnate In zosia chu, mei ah hung hâl in, kâng tum in a.

EZEKIEL 16:41

La Inte chu mei ah hâl intiu in, numei tam tak mu’na’n la chung thu tan in au; thanghuai tak in umsak ta pua’ng ka tin, kuama le sum pia diak ta pua’n la.

EZEKIEL 23:47

Mipite chun suang in sep uh hen la, chemjam in sât tel dim dem uh hen; a chanu chapateu that uh hen la, a In uh mei in hâltum uh hen.

EZEKIEL 33:21

Ka saltânnau, kum sawm leh ni’na, tha sawmna leh, zia tha ah a ni nga tin ni chun, Jerusalem ah kipat hung suakcha pakhat ka kiangah hung in, zia gual hin a gen a: “Khawpi chu a pûk thiang tai,” a ti’n.

JEREMIAH 5:10

A grep phung kitiang kikâl ah chia to un la susiau in, ahi’n, a tawp tut kiu in; a bâkte chu heu un, Lalpa â a hipaw ngâl a.