JEREMIAH 32:10 - PATHIAN LEKHABU THIANGTHO (BSI)

¹⁰ Kichawkna lekha ka min zik zo in, ka namdet ah, a hetpi dingle ka siam ah; tichun, a man ding paisa chu bûkna’n ka têdaw piak tai.

JEREMIAH 32:10 Referans Kwoze

JEREMIAH 32:44

Sumchang in loute hun chaw’n, kichawkna lekhate zik det ah châl bit in, hiatpitu dingte le siam ta’n au; Benjamin gam ah te, Jerusalem khua kiang vêl ah te, Judai khawpite, tâng gam khawpite, Shephelah ah khawpite leh Negeb ah khawpite ah chunle; mipite chu a gam un tungding kit ding ka hi tâk ziakin, Lalpa chun a ti a hi.

JEREMIAH 32:12

chuleh, ka paneu chapa Hanamel tawh, kichawkna lekha min zik ah hiatpitute tawh, lengpa vaihawmna huang sung ah chun zia kichawkna lekha chu Mahseiah chapa Neriah chapa Barukh khut ah chun ka pedok tai.

JEREMIAH 32:25

Himaleh, aw Lalpa Pathian, nang in khawpi chu Kaldaite khut ah la la piaksa hi tanapi inle, ka kiang ah, “Lou chu sum in chaw’n la, hiatpitutele nei in,” lei la ti nalai ah, ti in.

ISAI 44:5

Mi khat in, “Lalpa â ka hi,” hun ti’n tin; midang khat chu Jakob min ah ko in hung um in au; midangte chun a khutbân un: “Lalpa â,” ti zik intiu in, Israel chu a nam min dingin hun mang ta’n au.

JOB LEKHABU 14:17

Ka bawsiatnate chu dip sung ah châl bit khum hita’n tin, ka dukdaklonate chu khûmang ta ding la hi.

DAN LEKHABU 32:34

Ziate hi a leng in ka kiang ah, ka go bawm ah kikhol khawm ah, kichalbit khum hilo a hiu em?

THUPUAN 9:4

A chal ua, Pathian tepte’na neilote longal chu lei ah hampate leh thai thilhingte leh thingte le bangma law lo ding ah thupiak a hiu.

THUPUAN 7:2

Vansawlchâk dang pakhat, Pathian hing tepte’na chawi ah, nisuana na kipat hung kum ka mu; ama chun mualkâng leh tuisuagiat suksiat theina piak ah um vansawlchâk palite kiang ah chun aw ngei tak in:

EPHESA 4:30

Ahi’n, Pathian Thagau Thiangtho chu hi’lungngai kiu in; tatna ni ding ah chun ama ah chun tepte la hi tangal un.

EPHESA 1:13

Ama ah chun nang uh le, thutak thu, la hukhinnau chanchinpha chu la het ua, la gin nung un, ama Thagau Thiangtho tiamsa ah chun tepte’ la hitau hi.

2 KORINTH 1:22

Ama chun ei tepte ah, I lung sung un khâmlawkna Thagau ei pia ta ahi.

JOHAN 6:27

an mangthai ding hawl in sêmgim kiu inla, Mihing chapa’n a hun piak ding, kumtuang ah um zing ding an chu hawl in sêmgim zawu in. Zia ding ah chun Pathian in ama chu a tepte’ tangal a,” a tia.

JOHAN 3:33

Kuale a thu hiatsak a la pomte chun, Pathian chu dik tak ahi, ti a sudet tau hi.

DANIAL 8:26

Nitâk lam leh jingkal lam thu, mu’lawkna la kiang ah hun kihil hi a dik ahi. Ahi’n la, ni tam tak nung lam ah thil hung um ding kigenna ahi ziakin, nang in vang la thil mu hi îmchak phot mai in, a hun ti tai.

ISAI 30:8

Tu’hin chia inla, a âng un suangpêk in sun inla, lekhabu’n zikdaw piak in; tu’nung phat leh, zia chu kumtuang ah amau hiatpitu ah, pangden ta ding ahi ngal a.

SOLOMON LÂ 8:6

La bânpuam ah tepte’na um gual ah khan, la lungchang ah tepte’na’n ei koi in; thi’na gual tuk in hepina hile a hat in, ûtna hile mithi khua gual khop in a hat hi. Meikuang gual in a diang jak in, gamkâng mei gual in a jam jak hi.

JOSHUA 18:9

Chutichun, mite chu a kipan un, gam chu a vachuan suak tau a; chuleh, a gam chu mun sagi ah hawm in, a khawpite chule a bân bân in a zikdok tau ah; Shiloh mun ah Joshua giabuk in a hung kit tau hi;

MATTHAI 27:66

Tichun, a chiau a, thân chu a muan um thei ding pen ah bawl in, a suang chu a châl un, a vêng dingle a koi tau hi.

THILSIAM THU 23:16

Abraham in Ephron thugen chu a pom ta’n: tichun, Abraham in, Hit mite zosia het ah shekel za li chu sumkawlveite’n a mat sek uh te’na chun a bûk ah, Ephron chu a pia tai.

THILSIAM THU 23:20

Lou tawh a sung ah kawlhawm chu, kivuina mun dingin Abraham kiang ah chun Hit mite chun a pia den tau hi.

RUTH 4:1

Boaz chu khawpi kotbul in a chia to pai ziang ah, zia tak ah chun a vakichu ta’n. Chuleh, Boaz in a la gen, a gamngâk dingpa chu a hung phatin, Boaz in a kiang in, “Gualpa, zia hin hung inla, hung kichu tiam in,” a ti’n. Ama le a vachia ah, a kichu ta’n.