JEREMIAH 27:8 - PATHIAN LEKHABU THIANGTHO (BSI)

⁸ Himaleh, Babulon Lengpa Nebukadnezar nasêm nuamlote leh, Babulon lengpa ngawngkol bât nuam lo chu, a khut ah ka sukmangthai zaw masang sia, zia nam chu chemjam, kial, natpi’n gawt ding ka hi, Lalpa‘n a tii.

JEREMIAH 27:8 Referans Kwoze

EZEKIEL 14:21

Lalpa Pathian in zia gual hin a gen ngal a: Jerusalem gawtna palite, chemjam, kialna, gam sahângte leh natpi, mihing leh gancha that gam ding ah ka hun sawl hun ding chu a huaisia na ding e!

JEREMIAH 24:10

Chuleh, amau leh a pu leh pateu kiang ah ka la piakna gam ah kipat, suksiat dim dem a hizaw masang siau, a lak un chemjamte, kialnate leh natpite sawl piak ding ka hi.

JEREMIAH 40:9

Shaphan chapa Ahikam chapa, Gedaliah chun amau leh a sepaiteu kiang ah chun kihaksial hial in: “Kaldaite nuai ah lut khâk ziang ding chu lau kiu in. Zia gam ah hin umzing in la tiu in, Babulon lengpa na sêm leu chin, nang uh â dingin pha mai ding a hi.

JEREMIAH 27:11

Himaleh, Babulon lengpa ngawngkol bât ah, a na sep piak nuam tapo chu, a gam chiat un nusia ing ka tin, a lou chiat uh kithaw in, hing in au, Lalpa‘n a ti ahi.

JEREMIAH 27:13

Babulon lengpa na sêm nuam lo taphot chungchâng ah Lalpa‘n a la gensa gual ngei in, bang ding ah chemjamte, kialte leh natpite ah nang leh la mipite thi mai ding la hiu em?

JEREMIAH 28:4

Chuleh, Judai gam ah Jehoiakim chapa Lengpa Jekoniah chule, Judai gam ah kipat Babulon sal ah pui mang ah um zosia kha tawh hun pui kit ding ka hi, Babulon lengpa ngawngkol chu khetbot piak ding ka hiziak in, Lalpa‘n a tii, ti’n a gen a.

JEREMIAH 28:14

Sepai honte Lalpa, Israelte Pathian chun zia gual hin a gen ngal a: Lengpa Nebukadnezar na a sep piak ua, a suak ah a umtheina ding un, zia nam zosiate hi thîk ngawngkol ka bâtsak tai; gam sahângte nasan le ama panpi ding ah ka piak ahi tai,” a tii ti in.

JEREMIAH 29:17

Sepai honte Lalpa chun zia gual hin a gen hi: A chung un chemjamte, kialnate leh natpite hun lênsak ing ka tin; tichun, theichang ga hût, a siat ma ma ziak ah nêk tâk lo gual hun hi’sak ding ka hi.

JEREMIAH 29:18

Chuleh, chemjamte, kialnate leh natpite hun delzui sak pek ing ka; tichun, ka nawmangna gam zosia ah chun, nam zosia leh lenggam zosiate tizat leh hânsiadongte etsakna, mi tizat, eulau leh musit hung hita’n au.

JEREMIAH 25:9

mallam ah nam um zosiate chu ko ing ka tin; ka suak Babulon Lengpa Nebukadrezar natiang, zia gam leh a kim a kiang ah nam um zosiate do ding hin hun pui ding ka hi; tichun, a leng un susia gawp dim dem intin, tichun, mite tizat leh eulau hung hi’n, kumkhua’n chavai ta’n au, Lalpa‘n a tii.