JEREMIAH 2:21 - PATHIAN LEKHABU THIANGTHO (BSI)

²¹ Grep kichijiat thiang tak, doichuam tak ah ka hun phû hilo la hem? bangtidan ah grep tak lo leh, grep lêm hung suak ziang la hem?

JEREMIAH 2:21 Referans Kwoze

ISAI 5:4

Ka grep huan â ding ah ka la bawl lo, ka bawlbe ding bang a um nalai em? Grep ga pha tak hung ga ding ah ka kineppi siat tawh, a lêm ngen a ga ta mai hi!

PAWTDAWNA THU 15:17

Aw Lalpa, la chênna ding ah la siamna mun, Aw Lalpa, la mun thiangtho, nangma khut in la sukdetna mun ngei ah chun; nang in amau chu la hun pui lût a, la tâng ngei ah chun la phut tai.

JOHAN 15:1

Kei hi grep gui tak chu ka hi, ka Pa chu a grep huanneipa ahi.

SAM 44:2

la khut in nam dangte la deldok a, amau la phu ta’n; namdangte la hi’genthei ah, amau vang la maljawl hi:

SAM 80:8

Aigupta gam ah kipat in grepgui la hun ladok in; nam dangte deldok in, amau chu la phu ta’n.

DAN LEKHABU 4:37

La pu leh pateu a la hepi ziakin, a suan leh pâkteu chu a hun têl ta’n. Ama’n hun umpi zing in, a khut thahât tak ziakin Aigupta gam ah kipat hun puidok in,

LUKA 20:9

Mipite kiang in zia tekhinthu hi a gen a: “Mi pakhat in grep huan a bawl ah; a huan chu nasem ah kilaw nuamte khut in a pedok ah, hun sawt tak châm dingin gamla tak in a zin mang tai.

MARKA 12:1

Ziaphatchun, a kiang un tekhinthu mang in thu a gen pan a: Mi pakhat in grep huan a bawl a; dâi pha tak in a bawl ah, a sûkna khûk dingle pha tak in a siam ah, a vênna ding Insâng le a sa’n; tichun, lou bawlte kiang in a sân in a pedok a, gam gamla takin a zin mang tai.

DAN LEKHABU 32:32

A grep tui uh Sodom grep ga, Gomorrah gam ah kipat ahi’n; a grepteu chu grep gu nei leh, a ga bomte chule a kha’ ngen ahi’n;

MATTHAI 21:33

Tekhinthu dang pakhat a la ngai un: Mi kua a hem gamneipa pakhat a um ah; grep huan a bawl a, pal in pha tak in a ûm a, a grep sûkna khuk dingle a cho ah, a honna ding tau le a daw a; chun, lou enkolte kiang in a lousân lâk dingin a pedok ah, gam gamla tak in a zin daw san tai.

ISAI 61:3

Zion ah lusûnte â ding ah, leivui thasâng ah pakchavui pia ding leh, lusûn ah nguina thasâng ah, kipakna sathau pia ding leh, lungthim ngaituana sawlsam thasâng a, pakchatna puan pia ding in ei sawl ka hi. Tichun, a lopina etsak ding ah dikna gangpi thing, Lalpa thingkung phute ti hung hita’n au.

ISAI 60:21

La mite chule a leng un, midik ngen hita’n tiu in, kumtuang in gam chu luaden ta’n au. Ka lopina ding ah ka thingphu sel leh, keima khutsuak ma ma chu ahi ngal un.

ISAI 41:8

Himaleh, nang Israel ka nasempa, ka gualpa Abraham suante lak ah ka têlchuam nang Jakob,

ISAI 1:21

Bangtidan ah khawpi ginum chu, nawchizuak hung suak ziang thei a dia aw! dik tak ah vaihawm sek leh, diktatna dim ahi siat tawh, tu’hin la tualthat a hita mai a!

SAM 105:6

Aw, a suak Abraham suante leh, a têlchuam Jakob chate haw.

JOSHUA 24:31

Joshua dam sung leh Joshua thi’nung ah dam nalai, Israelte â ding ah Lalpa thilbawl a la musa upate dam sung sia’n, Israelte’n Lalpa na a sêm zing tau.

KÂ LATE 4:1

Bangtidan ah sana chu mual a, sana thiangtho chu bangtidan ah danglam ziang ahi tam! Mun thiangtho pen ah kimang sek suang thiangthote chu, lamkâ thuam tin ah the’tha’n ahi tai.

THILSIAM THU 32:28

Ama chun, “La min Jakob hita pua’n tin, Israel hizaw ta’n ah, Pathian tawh mihing la buan gêl ta’n, la thazo ta’ngal in,” a ti’n.

THILSIAM THU 18:19

Lalpa lampi a hawtheina ding un, a nung ah a chate leh a Inkuante, thil dik tak ah hiding leh, vaihawm gual ah um ding ah thu a piak theina dingin ama chu ka guat ta’ngal in; a chungchâng thu Lalpa’n a gen chu Abraham chung ah a tunsak theina dingin,” a ti’n.

ISAI 27:2

Zia ni phat chuleh: Grep huan pha tak chung thu’n La hun sa ta’n au!

JEREMIAH 11:17

Sepai honte Lalpa, nangma hun tungdingpa chun, la chung ah siatna tung ding chu a tâklang tai; Israelte leh Judate’n Baal kiang ah kithoina thilpiak pia’n, thil a la bawl khial tak ziak un ka lungnatna a choktho tau hi.

SAM 80:9

Amau â dingin mun la siam piak ah, thûk tak ah zung kai in, gam pumpi chu a lua dim tau hi.

JEREMIAH 5:10

A grep phung kitiang kikâl ah chia to un la susiau in, ahi’n, a tawp tut kiu in; a bâkte chu heu un, Lalpa â a hipaw ngâl a.

JEREMIAH 11:16

Tu’ma lam ah khan Lalpa‘n, “Oliv thinghing, ga pha leh hoi,” ti min a hun sak ah. Ahi’n, tu’hin vang van-gi tawh mei in hun hâl intin, a bakte chu kâng tum ta’n a.

EZEKIEL 15:2

Aw mihing, bang ding ah grep gui gammâng ah, thing zosia sâng ah sangzaw, grep gui in khûp vek a hem?