JEREMIAH 19:8 - PATHIAN LEKHABU THIANGTHO (BSI)

⁸ Chun, zia khawpi hi tizat um tak leh etzaw umlo tak in siam ing ka tin; a haw kha tapo in a siatnau huaisia tak ziak ah tiza’n, eulau khum chiat ta’n au.

JEREMIAH 19:8 Referans Kwoze

JEREMIAH 18:16

A gam uh tizat um tak leh, kumtuang ah mite cheksak khum in a siam tau hi. A haw kha tapo in a tizau a, a luchang uh a thin khum sek ui.

JEREMIAH 49:13

Lalpa chun, keima kiminsial in, Bozrah chu tizat um leh gensiat, suksiat dik dek leh hânsedawl hung hi’n ah, a ti ta’ngâl a; chuleh, a khawpi zosiau chule suksiat in um den ta’n au, ti in.

1 LENGTE 9:8

Zia In hi In chimsa hung hita’n tin; a hung haw kha taphot in maksa’n, a guk in nui sul sul intin uh: “Bangtidan ah Lalpa‘n zia gam leh zia In hi hiti bawl ziang a hem?” ti’n au.

ZEPHANIAH 2:15

A haw kha taphot in huaisia sa’n, a khut uh thin khum in: “Zia hi maw khawpi kichawisâng leh bit kisa ma ma ah, Keima bep ka hi, keima tawhbang khawpi dang a um puai,” ti chu! Bang gual bep ah hawm ah nutsia ah um in, gamsate chênna hung hi mai a tam!

JEREMIAH 50:13

Lalpa a chung ah a lungnat ziakin, kuama chên lo’na leh a hawm ah nutsia hung hita’n a; Babulon haw kha taphot in tiza’n, a beliamna zosia ziakin cheksa’n au.

JEREMIAH 25:18

Jerusalem leh Judai gam ah khawpite, a lengteu leh a khawnbawlteu tawh, a leng ua a segawp leh a hawm ah nutsia a um ua, tu’ni a um gual ua, mite eulau leh hânsedawl ah siam in;

THIAMPUTE LEKHABU 26:32

La gam uh hisia dim dem ing ka tin, zia tak ah chêng ding ah hung la mêlmateu nasan in lamdang sa’n au.

DAN LEKHABU 28:37

Tichun, Lalpa‘n a hun puimangna ding nam tin lak ah chun, mite’n a sia lam genna ding ah tizat um leh pauchangthiatna’n hun mang ta’n au.

DAN LEKHABU 29:22

Tichun, la nung ua khangthakte leh gam dang mite, gamla tak ah kipat hungte chun, Lalpa‘n a bawlsiat dante, a enggawt dante chu a mu phât ua leh gensim in hun nei kha’n au.

EZEKIEL 27:36

Mitin lak ah kivei zosia’n, la thil tuak khawk a sa chiat ui; tizat um tak in la mangthai ta’n, bangtik inle hung um kit ta pua’n la,” a tiu a.

MIKAH 6:16

Omri thuguatte leh Ahab Inkuante thilbawl chu la vop zing in, a lemguatnau chu la zui zing ngal a. Ziaziakchun, a hawm ah nutsia in hun siam ing ka tin, la sung ah chêng sunte chule mi nuizatbûk in siam ding ka hi; tichun, ka mite minsiatna chu paw ta’n la.