JEREMIAH 19:7 - PATHIAN LEKHABU THIANGTHO (BSI)

⁷ Zia mun ah hin Judah leh Jerusalem ah chêngte thil guanggal chu bangmalo sua ing ka tin; tichun, a mêlmateu chemjam ah tha sak in, a hinnau hawlte khut in pedok ding ka hi. A luang damsau chu chunglêng vachate leh gam sate an dingin pia ta’ng ka.

JEREMIAH 19:7 Referans Kwoze

THIAMPUTE LEKHABU 26:17

Nang uh do dingin ka mai le’hei ing ka tin, la mêlmateu thâgam in hung um in lau: La mêlmateu in la chung un vaihawm intiu in, kuama del lo inle jam in lau.

JEREMIAH 16:4

“Natna tizat um tak thuak in thi ding la hiu. Kuama’n sûn pua’n tiu in, vui le vui pua’nau; tichun, lei tual ah ki’dak buaksia gual bep in muat in au. Kido’na chemjam leh kial in that intiu in, a luangteu chu chunglêng vachate leh gamlak sate’n ne ta’n au,” ti in.

JEREMIAH 34:20

a gâlteu leh amau thalup gawte khut in pedok ding ka hi. A luang uh chu chunglêng vachate leh lei chung ah gam sate an ding hung hita’n a.

JEREMIAH 15:9

Cha sagi neinu chu hatsam ah chausia’n, a hat lâk ding bep a buaipi tai; sûn lai tak in a nisa chu a tum tai; zakcha leh mualpho tak in a um tai. A dang cheng chu a mêlmateu âng ah chemjam ah, thalup dingin pia ta’ng ka, Lalpa‘n a tii.

JEREMIAH 15:2

Amau in la kiang ah, “Khoi lam ah chia ding ka hiu em?” a hun ti phat ua leh a kiang un, Lalpa‘n zia gual hin a gen hi, ti’n la: “Natpi’ thi ding ah guat ah umte chu, natpi’n thi’n tiu in; chemjam ah thi ding ah guat ah umte chu, chemjam ah thi’n tiu in; kial ah thi ding ah guat ah umte chu, kial in thi’n tiu in; sal ah tâng ding ah guat ah umte chu, sal ah tâng ta’n au,” ti in.

JEREMIAH 7:33

Zia mite thiluang chu chunglêng vachate leh, lei chung ah gam sate an hung hita’n tin, kuama’n naw lau ta pua’n au.

ROMTE 4:14

Dan ah umte bep a golua ding hitaleu chu, ginna chu bangmalo hita’n tin, zia thutiam chule mattâk lo hita ding ahi.

ROMTE 3:31

Ahileh, ginna ziak ah dan chu I paithâk uh a hem? Hilo e, dan chu I sudet zawu ahi.

KÂ LATE 3:37

Lalpa guatsa ahilo chun, kua’n thu pia’n, bawlthei ding a hem?

JEREMIAH 46:26

Amau thalup ding ah hawl zing, Babulon Lengpa Nebukadrezar tawh, a sepai hotute khut in pedok ding ka hi. Zia nung tak chuleh, masanglai gual khan, Aigupta gam ah mite hung chêng kit in au, Lalpa‘n a tii,” ti’n a hun gen a.

JEREMIAH 22:25

tichun, la hinnau chu a hun hawlte khut ah pûk lut ding la huphul ma mau leh, Babulon lengpa Nebukadrezar khut leh, Kaldaite khut ngei ah chun hun pelut ding ka hi.

JEREMIAH 22:19

Jerusalem kul kot khêl lam ah, kaidaw leh del daw ah um in, sabiltung kivui gual bep ah, vui liam in hung um ta’n a.

JEREMIAH 18:21

Ziaziakchun, a chateu chu kialpi thoksak inla, chemjam tuak dingin naw mang in; a jiteu chu cha bei ah um in, meithâi hung hitau hen. A pawsalteu chu natpi’n thiu hen la, a khangdawngteu chu kido’na chemjam in thi tau hen.

JEREMIAH 8:2

nisa, thapi leh van lam ah um zosia a thangai un, a thuu zui in, a nau a sep piak un; a dot leh a biakteu ma-âng ah chun thejak in um intiu in, luak khawm kit leh vui hita pua’n au; lei tual ah ki’dak buaksia gual mai in um ta’n au.

ISAI 8:10

Lung a gêl khawm un, maleh, bangmalo suak tho tho in a; ngaidan a gen khawm un, maleh, bangma’n pang diak pua’n a; Pathian chun ei umpi ngâl a,” ti in.

THUPILTE 21:30

Lalpa doi lo lam ah mihing pilna, hetthiamna leh lem guatna lawting a um ngai puai.

JEREMIAH 8:8

Bangtidan ah lekhaziktu zuauthei te’n, diklo tak ah a zik nung unle, “I pil un, Lalpa dan I zui ui,” ti’thei nalai la hiu em?

JEREMIAH 8:9

Lalpa thu gen a pom lo ziak un, mipil chu mualpho intin, buaisia’n, puimang in um ta’n au; amau ah bang pilna um ahi tam?

JEREMIAH 32:28

Ziaziakchun, Lalpa‘n zia gual hin a gen hi: Zia khawpi hi Kaldaite khut leh Babulon lengpa Nebukadrezar khut ah pia ding ka hiziak in, ama’n kilâk ding ahi.

THIAMPUTE LEKHABU 26:25

Ka thuthung phuba lâkna dingin, la chung un chemjam hun lênsak ing ka tin: La khawpi sung ua bitna hawl ah la taikhawm phat ua leh le, la lak un hipi hun lênsak ing ka tin: Chuleh, la mêlmateu khut ah piak in um ding la hiu.

1 SAMUEL 17:46

Tu’ni ma ma hin, Lalpa‘n nang chu ka khut ah ei pedok intin, hun khen pâi ing ka tin, la luchang la ding ka hi; chuleh, tu’ni ma ma ah hin, Philistin sepaite luang chu chunglêng vachate leh lei chung ah gamsate kiang ah pia ding ka hi; tichun, lei chung ah mi zosia’n, Israelte lak ah Pathian a um hi, ti hun he ta’n au;

2 LENGTE 21:14

Ka golua ding ah um, a thibang sunte chule taisan ing ka tin, a mêlmateu khut nuai ah chun silut malam ing ka tin; tichun, a mêlmateu â dingin gâlhingmat leh thalup ding bep hita’n au.

ISAI 29:14

ziaziakchun, ngai un, zia mite chung ah hin, thil kidang leh mak tak, thil lamdang tak chu hun bawl nalai ding ka hi; a mi pilteu pilna chu bei ta’n tin, lem hete lem hetna chule, sêlgûk hi zo ta’n a,” ti in.

JEREMIAH 21:7

Ziazaw chuleh, Judai gam ah Lengpa Zedekiah leh a suakte leh zia khawpi mipi zosia, hipi leh chemjam leh kial ziak ah thi lo ah suakcha sunte chu, Babulon Lengpa Nebukadrezar, a mêlmateu leh a hinnau hawlte khut in pia’ng ka tin; amau chun lungsiatna bei leh lainatna pang lo in a chemjam un that gam in au, Lalpa‘n a tii, ti in.