JEREMIAH 19:1 - PATHIAN LEKHABU THIANGTHO (BSI)

¹ Zia gual hin Lalpa‘n a hun gen ah: Chia inla, lei bêl pakhat va chawn. Mipite lak ah upa khenkhat tawh, thiampute lak ah mi kumlui deu khenkhat le pui inla;

JEREMIAH 19:1 Referans Kwoze

KÂ LATE 4:2

Zion chate, amau gik dan bûk sana thiangtho man jat ah lûlte chu, bêlsêkte khutsuak leibêl gual bep ah, ngai a hiziang tau em!

ISAI 30:14

A kêk kâl chu bêlvêlte bêl kêk jak dim dem, a hal meiâm luakna ding leh, tuibêl ah tui thâlna thei le, um talo gual hiding ahi.

KISIMNA LEKHABU 11:16

Tichun, Lalpa chun Mosi kiang in: “Nang in upa a hiu ti leh Israelte chung ah vaihawm puitu la hiatsa ngen, mi sawmsagite chu ka kiang ah hun ko khawm inla, mipite kikhopna puanbûk ah hun pui inla, zia tak ah chun nang tawh hung ding khawm un,” a tia.

2 KORINTH 4:7

Himaleh, thilhitheina chungnung chu keimau â hilo ah, Pathian â ahi ti a kilat theina dingin zia go chu leibêl ah ka koi tau hi.

2 LENGTE 19:2

A Inkuan lak ah thuneitu Eliakim chu tawh, dan lam ah mithiam Shebnah tawh, thiampute lak ah upate tawh, saidip puan sil kawm in, Amoz chapa jawlnei Isai kiang in a sawl a.

MATTHAI 27:1

Jingkal phatin, thiampu lalte leh upate zosia, chuleh, mipite chun Jesu tha ding dan chu a ngaitua tau a.

MATTHAI 26:3

Zia hun ah chun thiampu lalte leh lekhazikte leh upate chu, thiampu lianpen Kaiapha leng In ah a kikhawm un.

EZEKIEL 9:6

A têk, a khang, numei leh naupang, a leng un that gam unla, tepte’na nei cheng vang khoikha kiu in. Ka mun thiangtho ah chun that pan un,” a hun ti’n. Tichun, tempul In mai tual ah upa vaihawmte lak in a hun that pan tau a.

JEREMIAH 32:14

Sepai honte Lalpa, Israelte Pathian in zia gual hin a gen hi, ti in: Zia kichawktuana tepte’na lekha kichâl khum hi tawh, a kihongsa hi kilâk inla, sawt tak a umtheina dingin lei bêl sung khat ah koitup in.

JEREMIAH 26:17

Chuleh, gam sung ah upate lak ah khenkhat chu hung dingdok in, mipi pungkhawmte zosia kiang in,

NASEPTE 21:11

A hung tun phatin, Paul kawnggâk chu a la, a khut leh a keng a kikân a, “Thagau Thiangtho chun, ‘Zia kawnggâk neipa Jerusalem ah Judate chun zia gual hin kân intiu in, Jentelte khut in pedok ding a hiu,’ a tii,” ti’n a hun gen a.

EZEKIEL 4:1

Aw mihing, nang in chêktang la’n la, la âng ah koi in. A chung ah Jerusalem khawpi lim jik inla;

JEREMIAH 13:1

Zia gual hin Lalpa‘n a hun gen a: “Chia inla, puan malngat ah kibawl dialchen vachaw’n la, la kawng ah chêng inla, chuleh, tui ah dia kin,” a ti’n.

EZEKIEL 5:1

Aw mihing, nang in chemjam hiam tak kilâk inla; samchem ah mang in, la sam leh khamul mêt in; chuleh, a gik dan te’ inla, sam chu hawm jak in.