JEREMIAH 12:4 - PATHIAN LEKHABU THIANGTHO (BSI)

⁴ Gam in bang chan sûn ah, gamlak hampa zosia bang ding ah vuaitha ding a hiu em? A sung ah chêngte nunsiat ziak leh, a gam ah mipite’n, “I um dan uh ei mu puai,” a ti ziak un, gam sate leh vachate zosia, phiatnâm a hitau hi.

JEREMIAH 12:4 Referans Kwoze

JEREMIAH 9:10

Tângte â dingin kap leh mau ing ka tin, gamthip ah hampa munte chu sûn ing ka; kuama’n a haw tâk lona ding leh, gancha hon hâm git het ahi kit tâk lona ding ah, chomnâm ahi tâk ziak un; chunglêng vachate leh, gam sate zosia le a tai mang zo tau hi.

JEREMIAH 4:25

Ka vak et leh, ngai tia, kuama a um ta puau ah, van laijawl ah vacha zosia le a leng mang zo tau hi.

SAM 107:34

a gam ah chêngte nunsiatna ziakin, lei phatna mun chu lei al, bangma chîn theilona mun a chansak hi.

ROMTE 8:22

Thilsiam zosia chu, nauvei nat thuak leh thûm leh mâu in tu’tiang ah hin a um ui ti I hiau hi.

HOSEA 4:3

Ziaziakchun, gam chun a sûn in, a sung ah chêng zosiate chule a thavai zo tau hi. Gamsate, chunglêng vachate leh, tuisuagiat ah sanga zosia pum in mangthai ta’n au.

JEREMIAH 23:10

Gam chu ângkawmna ngen in a dim tai; hânsia law khum ahi’na ziakin, gam chun a sûn ah, gamthip ah gantatna munte chule a keugawp tau hi. A tawidan uh chu a diklo ngen leh, a hatnau chule a diklo lam ngen ahi tai.

JEREMIAH 7:20

Ziaziakchun, Lalpa Pathian in zia gual hin a gen ngal a: ka lungnatna leh ka thangtawmna chu zia mun ah mihing leh ganchate, gam lak ah thingte leh, lei ah theiga zosiate chung ah hin hun sungtha ding ka hi; hun kâng tum intin, kuama’n phelmit pua’n au, ti in.

HABAKKUK 3:17

Theichang kung selthak lo in, Oliv thingte’n ga sua lo in, loulai ah bu piang lo in, gan-gualte chule a huang ah um talo in, gan kul ah chun bawng hon pakhat chale, um talo ziang maleh

JEREMIAH 5:31

Jawlneite’n diklo tak in thu a gen un, thiampute’n le jawlneite thupiak dungzui in vai a hawm ui; ka mite chun la zia gual nei chu a nuam un, a tawpna hung tung ta leh, bangti’n la bawl ta diam uh?

JEREMIAH 14:2

Judai gam in a sûn in, a kul kotkhak teule a ngui zo tau a; lungkham in lei tual in a kizam un, Jerusalem kâ thawm chu a chia to tai.

JEREMIAH 5:13

Jawlneite chu hui gual mai mai a hiu, amau ah thu tak a um paw’ngâl a. Zia gual ma chun a chung un tung in a!

JEREMIAH 4:28

Ziaziakchun, lei in sûn intin, chung ah vante khi le thimtha ta’n au. Ka la guanggalsa chu, ka la gen ta’ngal a; ka gensa chu hei danglam ta pua’ng ka tin, thul diak pua’ng ka.

SAM 50:21

Zia thilte chu la bawl in, ahi’n, ka hun thipsan ah; nangma gual bep hidingin lei ngaitua a. Tu’hin vang hun zilgai in, la thiamlo channa ka hun tâklat piak tai.

JEREMIAH 12:11

Gamnungsang a suaksak tau hi; a thawmhau ta’n, ka kiang in a mau tai. Gam pumpi thawmhau tak ah siam ahi tai, maleh, kuama’n bangma’n a ngai puau hi.

JOEL 1:18

Ganchate chu a liangvai nau e! Hampa hing umlo ziakin, bawng honte a vâkvai tau hi, belam honte le a basam tau.

AMOS 1:2

Amos in: “Zion tâng ah kipat in Lalpa a kitum ah, Jerusalem ah kipat in a aw a sua hi; Belam chingte gan tatna hambuk a vuai in, Karmel tângvûm chu a keugawp tai,” a tii.

ZEKARIAH 1:12

Lalpa vansawlchâk in, “Aw sepai honte Lalpa, zia kum sawmsagi la lungnat khum, Jerusalem leh Judah khawpite ah kipat ja’ngaina bang chan tutâng nalai ding la hi em?” ti’n a hun dong a.

ISAI 24:4

Lei chu keugawp in a vuaitha ta’n, khawvel chu ngui in a vuaitha tai; vânte’n le lei chu a sûnpi tau hi.

ISAI 24:6

Ziaziakchun, hânsia chun lei a val zo ta’n, a sung ah chêngte’n a mawna ziak un a thuak tau hi; tichun, lei chung ah chêngte a kiam un, mi tawmcha bep nutsia a hitau hi.

JEREMIAH 9:9

Zia haw zosia ziak ah chun gawt lo diak ding ka hem? Lalpa‘n a ti’n; zia gual namte chu, thuk lo thei ding ka hi em?