JEREMIAH 12:3 - PATHIAN LEKHABU THIANGTHO (BSI)

³ Himaleh, aw Lalpa, nang in lei hia’i. Ka lungthim in a hun nai zing hi ti la mu chian a, lei patep ta ahi. Amau chu belam thalup ding gual in kaidok inla, a kithana ding ni ngâk in koichuam ta’n.

JEREMIAH 12:3 Referans Kwoze

JEREMIAH 17:18

Ei gawt gentheite mualpho uh hen la, kei vang ei mualphosak kin; amau chu lungdong uh hen la, kei vang ei lungdonsak kin. A chung un siatna ni tunsak inla, a le’ni in siatna tunsak in!

2 LENGTE 20:3

“Aw Lalpa, ka lungthim zosia ginum tak ah la mit mu ah ka umdan leh la mit mu ah thilpha bep ka bawl sek dante hi hezing in, ti’n ka hun ni hi,” a tia. Tichun, Hezekiah chu ha-kâ in a kap tai.

JAKOB 5:5

Lei chung ah buting leh nopsa tak in la khawsau in; gan la tha niu ah chun la lungthim uh la hilim ui.

SAM 17:3

Ka lungthim enchian in, jan in ei kantha’n, ei patep malechin, keima ah hin nunsiatna him mu pua’n la; ka kam inle a genkhial puai.

JEREMIAH 50:27

A bawngchal zosiau that unla, sa thatte kiang ah piau in. A chung uh a gik na e, amau gawtna hun, a ni ding ua tiam chu a tung tai!

SAM 139:23

Aw Pathian, ngun tak in ei enchian inla, ka thinlung hi hechian ta’n; ei patep inla, ka ngaituanate hi hia’n.

SAM 26:1

Aw Lalpa, ka dikna latsak ta’n; lungthim dik tak pu ka hi’ngal a; ginglâ lo hial in Lalpa chu ka taksang hi.

JOHAN 21:17

A thumveina chun, “Simon, Johan chapa, nang in kei lei hepi em?” a ti kit a. Peter chu, a thumveina, “Nang in lei hepi em?” a ti ziak ah chun a lungthim a na ta’n; a kiang in, “Lalpa, nang in bangkim la he hen, ka hun hepi hi ti le la hia’i,” a tia. Jesu’n a kiang in, “Ka belamte vâk in;

JEREMIAH 51:4

Kaldaite gam ah chun thalup in kilîk uh hen la, a khawlai tual un liam zeng zung tau hen.

JEREMIAH 48:15

Moab gam leh a khawpi zosia susiapa chu, a hung kuan to in, a tangval doichuam diakte chu, thalup dingin a kuandok tau hi, Lengpa, a min sepai honte Lalpa chun a tii.

JEREMIAH 20:12

Aw, sepai honte Lalpa, nang in mi dikte chu la patep in, a lungthim leh ngaituanau la mu suak hi; a chung ua la phuba lâkna chu, ei musak in aw, ka chung thu hi ka hun kolsak ta’ngal a.

SAM 11:5

Lalpa‘n midik leh mi nunsia a patep ah, thagum sua nuam mi chu a hinna’n a hua ahi.

SAM 7:9

Aw migilote thil bawlsiat chu hi’tawp inla, mi dikte vang phudet ta’n; Aw Pathian dik tak, lungthim leh ngaituanate enchianpa la hi’ngal a.

JOB LEKHABU 23:10

Himaleh, ama’n ka lampi zui chu a henai; ei patep zaw phat leh sana gual in, hung pawtdok kit ding ka hi.

1 KHANGTHU 29:17

Ka Pathian, nang in lungthim lam la enchian sek in, dikna la kipakpi hi ti ka hia’i. Ka lungthim dik tak ah zia thil zosia hi kiphal takah ka hun piak ahi; chuleh, tu’hin, la mipite hinle kipak tak leh kiphal tak ah a hun piak uh ahi ti ka mui.

2 PETER 2:12

Himaleh, ziate hin thil a hetloteu chu a gensia sek ui. Amau chu ngaituana bei gancha, mat ah hi’bei kit ziang ding gual chu a hiu hi; ganchate gual in mangthai in au.

JEREMIAH 15:15

Aw Lalpa, nang in la hei, ei hezing inla, ei hung kantha’n; ei sugentheite chung ah phuba ei hung lâkpiak in. La thok-hatna ziakin ei lamang kin; nangma ziak ah hosiatna thuak ka hi ti hia’n.

JEREMIAH 17:16

Himaleh, nang â ding ah belampu ka panna kipat in, ka tai mang pua’n, a siatna ding uh ni chu, hung tung leh le ka ti diak puai. Ka kam ah bang gual thu hung pawt ahi em ti ka hia’n; la mit mu in a kichian ngâl a.