JEREMIAH 10:10 - PATHIAN LEKHABU THIANGTHO (BSI)

¹⁰ Himaleh, Lalpa chu Pathian tak ahi, Ama chu Pathian hing leh kumtuang Lal ahi. A lungnat phat leh lei pumpi a kithing in, a lungnatna chu kuama’n a thuak zo ngai puau hi.

JEREMIAH 10:10 Referans Kwoze

DAN LEKHABU 32:4

Ama I Suangpiu, a thilbawl ah pha bukim, a lampi zosia dikna ngen ahi. Pathian ginum leh zuau bawlna um lo, thu dik leh dik tak ah bawl ahi’n;

ISAI 57:15

Mi chungnung, choisa’n ah um leh, kumtuang ah hing zing, a min Thiangtho kiti chun, zia gual hin a gen ta’ngal a: Mun sâng leh thiangtho ah chun ka chêng in, chuleh, mi kingainiamte hinna suhal ding leh, kisik ngawi ngawite lungthim, suhal kit dingin, lunggil ah kingainiamte leh, kisik ngawi ngawite kiang inle ka um hi.

SAM 76:7

Nangma vang lau um tak la hi! La lungnatna a puansiat phat leh, kua a hem la âng ah ding ngam ding?

NAHUM 1:6

A lungnatna ma-âng ah chun kua a hem ding zo ding? A lungnatna chu kua a hem thuak zo ding? A lungnatna chu meikuang gual ah buak thâk ahi’n, ama ziakin suangpite chu khet nawn in a um ui.

SAM 42:2

Ka hinna Pathian thangai in, Pathian hing ngai in a dangchâk hi. Bangtik leh Pathian kiang tung in, a mêl ka mu diam maw?

SAM 100:5

Lalpa chu a pha ngal a; a ngilneina chun kumtuang dai intin, a ginumna chule suan zosia tiang in, umzing ding ahi.

THUPUAN 20:11

Lalchutpha vam lopi chung ah kichu chu ka mu’n, a ma-âng ah kipat chun lei leh van a tai mang tau a; amau â dingin mun a um ta puai.

SAM 31:5

La khut in ka thagau ka hun vopsak hi; Aw Lalpa, Pathian ginum, nang in lei hukdok tai.

SAM 10:16

Lalpa chu kumtuang, kumtuang â dingin lal ahi’n; a gam ah kipat namtin mangthai ta’n au.

SAM 18:7

Ziaphatchun, lei hi a kilîng in a kihot dup dup tai; a lungnat ziakin tângte chule, a kingakna pum in a kilok in, a puakjak tai.

1 JOHAN 5:20

Chun, Pathian Chapa chu a hung ah, midik chu hethei dingin hiattheina ei pia tai, ti I hiau hi; chuleh, a Chapa Jesu Khrista ah um in, midik ah chun I um uh ahi. Ama chu Pathian dik tak leh kumtuang hinna ahi.

HEBRAITE 10:31

Pathian hing khut ah pûk chu thil huaisia tak ahi.

1 TIMOTHI 1:17

Khang zosia ah Lalpen, thi theilo, muthei lo, Pathian pakhat bep kiang ah chun kumtuang in choihoina leh lopina um zing ta hen.

1 THESSALONITE 1:9

Amau ngei in, nanghaw’n lei la lop dan uh, milimte ah kipat Pathian lam ah, Pathian hing leh dik tak nasêm ding ah la kihei dan uh chu a gen tau hi.

NASEPTE 14:15

“Suapite haw, bangatia zia gual ah chu la bawl guat ziang uh a hem? Kei uh le nangmau gual ah piang mihing ka hiu, zia tawhbang thil manlote hi la hun kihei san ua, Pathian hing kiang lam la hun ngat zawk theina ding ua a thu gen ah hung ka hi zawu hi; zia Pathian chu lei leh van siampa, tuisuagiat leh a sung ah um zosia siampa chu ahi.

MALAKI 3:2

Aleh, a hung ni chu kua a hem thuak zo ah, a ma-âng ah ding zo ma ma ding? Ama chu hâlthianna mei leh puansawpte sabon mat lai gual ahi ngal a;

HABAKKUK 3:6

A ding ah, lei a thing ah, a en ah, namte chu a kithing tau hi. Kumtuang tângte a kai chim in; kumtuang lampite ah chun kumtuang mual leh, tângte chu a niam tau hi.

MIKAH 1:4

Mei lak ah khuailu gual leh, kênliang ah tui kisungbua gual in, tângte chu a nuai ah tuitha zo in, phâiguamte chule puakkek ta’n a.

SAM 146:6

ama lei leh van, tuipi leh, a sung ah um zosiate siampa chu, kumtuang in a ginum in,

SAM 145:13

La lenggam chu kumtuang lenggam ahi’n, la thuneina chun suan zosia tiang dai in ah. Lalpa chu a thugen zosia’n a ginum in, a thilbawl zosia ah lainatna nei ahi.

SAM 114:7

Aw leilung, Lalpa âng ah, Jakob Pathian âng ah chun kithing ta’n;

SAM 104:32

Lei a en suk ah, a kithin sak in; tângte a sukkhak phat leh mei a khudok sek hi.

SAM 97:4

A kawlphete chun khawvel a salvâk suak in; lei in a mu ta’n, lau in a kithing hi.

SAM 93:2

la lalchutpha chu masang lai ah kipat, la sukdetsa a hita’n; nang chu kumtuang ah umsa la hi tai.

SAM 90:11

La lungnatna thil hi’thei zia he’, la lau um gual tak ah la lungnatna nasat dan hi, kua a hem ngaitua sek?

SAM 84:2

Ka hinna’n Lalpa biak In huang sung chu a ngaina hen, a chau pha hial tai; ka thinlung leh ka phe hi, Pathian hing kiang ah chun kipak in a kikodok tai.

SAM 77:18

Chîmpei in la vanpi a git sak ah; kawlphete chun khawvel a salvâk zot zot un; lei chu kithing in, a kilîng dup dup hi.

JOB LEKHABU 9:6

lei chu a umna mun in a sawi lîng ah, a kingakna khuampite le a hi’lîng hi;

2 KHANGTHU 15:3

Israelte chu hun sawt tak Pathian dik tak nei lo in, amau thuhil ding thiampu leh dan nei lo in a la um tau a;

1 LENGTE 18:39

Mi zosia’n zia chu a mu phât un, a mai ua lei tual si’n, “Lalpa chu Pathian ahi ngei mai hi! Lalpa chu Pathian ahi ngei mai hi!” a ti tau a.

1 SAMUEL 17:36

La suakpa hin sakeibaknei leh savom bang jat a hem that ta ka hi; zia zektanlo Philistin mipa hile, Pathian hing sepaite a cho dan tak hi, ziate gual ah chun bawl ding ka hi,” ti’n a dawnhu a.

1 SAMUEL 17:26

David in a kiang ah dingpa kiang ah chun, “Aleh, zia Philistin mipa, Israelte simmawpa hi that thei mi kiang ah chun, bang bawl piak ahi diam? Zia Pathian hing sepaite chopa hi khoilam zektanlo Philistin mi a hia hem?” ti’n a dong a.

VAIHAWMTE 5:4

Lalpa, Seir ah la hung pawtdok ah, Edom gam ah kipat la hung kuandok lai khan, lei hi a kithing hen, vante a nîm hen, sûmpi’n gawtui a zuksak hi,” a tia.

DAN LEKHABU 5:26

Eihaw gual ah mei kuang lak ah kipat Pathian hing aw he’ ah, taksa hing zing kua a um ngai em?

1 TIMOTHI 6:17

Zia khawvel ah mi hausate chu a hiu leh, kiletsak lo ding leh, hausakna muan umlo ah a kinepnau ngalo ah, I limna ding ua bangkim ah ei somdawlpa Pathian chung ah nga zaw dingin hil in.

JOHAN 17:3

Zia hi kumtuang hinna chu ahi, Pathian tak khat bep nangma leh la sawl Jesu Khrista a het uh hi.

MATTHAI 26:63

Himaleh, Jesu chu thipbek in a um a. Chun, thiampu lianpen chun, Pathian hing min in kigenchian dingin ka hun sawl la hi, Messiah, Pathian hing Chapa chu la hi em? ei hil in, a tia.

MATTHAI 16:16

Simon Peter in a dawnhu a, Messiah, Pathian Hing Chapa chu la hi, a tia.

HABAKKUK 3:10

Tâng liante’n a hun muu in a kithing tau a; tuikhangliante’n a hawt vêl un, tui thûk takte’n a awu a suau hi. Nisa’n a bân sâng tak in a jak hi;

JOEL 2:11

Lalpa‘n a galdo mite ma-âng in aw a sua in; a sepai hon a tam nau e! A thupiak zawmte chu simsên gual lo a hiu. Lalpa ni chu a lopi hi; a tizat um na e! Kua a hem thuak zo ding?

DANIAL 7:14

A kiang ah vaihawmna, lopina leh lalna piak ahi’n; tichun, mi zosia, nam zosia leh, pau zosia’n a na a septheina ding un. A vaihawmna’n kumtuang a dai in, tawp ngai ngai pua’n a; a lalna le hisiat thei hipua’n a.

DANIAL 6:26

Thupiak ka bawl tai: Ka lenggam ah mi zosia’n Danial Pathian chu lau in, kithing tau hen: Ama chu Pathian hing, kumtuang dai ahi ngal a. A lenggam suksiat ni um pua’n tin, a lalna’n tawp a nei puai.

DANIAL 4:34

A hunte chu a bei phatin, keima, Nebukadnezar in van lam ka etto ah, ngaituana pangai ka hun nei kit phatin; Hat Chungnung chu ka pâkcha tai. Ama kumtuang ah hingzingpa chu pâk in ka chawihoi ta’n: A lalna’n kumtuang a dai in, a lenggam in khang zosia a dai hi;

DANIAL 4:3

A tepte’na bawlte chu a lamdang in, a thilmak bawlte chu a hatna e! A lenggam chun kumtuang a dai in, a lalna chu khang zosia â ding ahi.

JEREMIAH 23:36

Himaleh, “Lalpa puaknat chu,” ti hivang la gen puak tâk lo ding uh ahi; puaknat chu mi tinte kamsuak haw zosia hi a hiziak in; tichun, Pathian hing, sepai honte Lalpa, I Pathian uh kamsuakte chu la kaikawi zo ta’ngal un.

ISAI 37:17

Aw Lalpa, keima lam ah la nakhang hun daw inla, ei ngaitha’n. Aw Lalpa, la mit hak inla hun en tiam in; Pathian hing hosia ding ah mi a hun sawlte ah kipat in Sennakherib thugente hi a leng in la he ta’n.

ISAI 37:4

Lalpa la Pathian in, Assuria lengpa’n Pathian hing hosia ding ah Rabshakeh a hun sawl in, a thugen zosia kha a la he ta ngei intin; zia a thugen a het zosia dungzui chun Lalpa la Pathian in a la vau thuk kit ta hen. Ziaziakchun, nutsia ah a la umte â ding ah chun a la pauchap piak ta’n,” a tiu a.

SAM 68:11

Lalpa‘n thu khau tak in a pia, chanchin pawte chu pawl lian tak a hiu a:

THILSIAM THU 21:33

Abraham in Beer-sheba ah chun thing pakhat a phu ah; zia tak ah chun El-Olam min chu a ko ta’n.

1 LENGTE 8:60

lei ah mipite zosia’n Lalpa chu Pathian ahi’n, a dang a um puai, ti a hun hettheina ding un.

SAM 29:10

Lalpa chu tuilian takte chung ah Lal in a kichu hen; Lalpa chu kumtuang â ding ah lal in a chu ahi.

SAM 68:8

lei hi a kithing dul dul in, vante khin le Pathian ma’n, Sinai Pathian leh, Israelte Pathian ma ah chun gua a zuksak hi.

SAM 90:2

Tângte la siam masang leh, khawvel leh leilung la siam ma’nle, kumtuang ah kipat kumtuang tiang in, Pathian la hi.

ISAI 40:15

Namtin hile bâltin ah tui vat khat gual bep a hiu in, bûkna te’na kuak ah leivui bek gual bep a hiu; en un, ama’n thialkâl gamte hi, leivui nêl gual bep in a ladok sek hi.

ISAI 65:16

Chutichun, zia leisiat ah maljawlna dawi taphot chun, dikna Pathian min in don hen la; chuleh, zia leisiat ah kihaksial taphot chun, dikna Pathian min in kihaksial ta hen; buaina masate kha hetmil a hita’n, ka mit ah mulo ding ah sêlmang ahi tai.

JEREMIAH 4:2

“Lalpa min in!” ti ah kitiam ngam ah, thutak ah vaihawmna dik leh, umchan dik tak la zui uh chun, nam tinte chu keima maljawl ah um in, ei kisuanpi ta’n au.

JEREMIAH 4:24

Tângte ka vak et leh, ngai tia, a kithing un; mualte zosia le a kilok lumlet zo tau hi.

JEREMIAH 50:46

Babulon pûkna husa chun khawvel kithing intin, a kâ thawm chu le namtin lak ah het hi’n a.

JEREMIAH 51:29

Babulon gam ah kuama chêng talo ah, a hawm ngawn ah nutsiasak ding leh, Babulon chung thu ah Lalpa thil guanggal dan a het un, gam pumpi lau ah kithing in a kilîng hi.

JOSHUA 3:10

Joshua chun, “Zia gual ah hin Pathian hing chu la lak ua um ngei a hinai ti hethei in lau; matheilo in la masang un Kanaan mite, Hit mite, Hiv mite, Periz mite, Girgash mite, Amor mite leh Jebus mite chu nawdaw piak intin;

1 KHANGTHU 29:11

Aw Lalpa, letna leh thilhitheina, lopi’na, zaw’na leh lalna zosia chu nang â ahi; van ah thil um zosia leh lei ah thil um zosia hile nang â a hiu; aw Lalpa, leng gam zosia nang â a hiu ah, thil zosia chung ah sâng pen ah choisa’n la hi.

SAM 9:8

Dikna’n khawvel hi vai a hawm ah; mitin chung ah dik tak in vai a hawm hi.

SAM 74:12

Himaleh, Pathian chu, masanglai ah kipat ka Lal ahi’n, lei ah hukdamna a siam hi.

SAM 76:8

La vaihawmna thu chu van ah kipat in, la hun hiatsak sek hen; lei hi lau in a kithing in,

SAM 100:3

Lalpa chu Pathian ahi ti he tau in. Ama chu ei siampa ahi’n, ama â I hiu; a mite leh a gantatna mun ah a belamte chu I hiu.

ISAI 40:28

He’kha lo la hem? A la he’kha nai lo la hem? Lalpa chu Kumtuang Pathian ahi’n, kawlmong tiang Siamtu chu ahi. Ama chu chau ngai lo leh chawl ngai lo ahi; a thil hiatthiamna chu suidaw ding gual ahi puai.

DANIAL 6:27

Ama’n hukdok in a humbit ah, lei leh van ah tepte’na leh thilmakte a bawl ah; sakeibaknei thilhitheina kipat in Danial a hukdok ta’ngal ah, a ti tai.

NAHUM 1:5

A ma-âng in tângte a kithing un, mualte a tuitha zo tau hi; a âng in leilung leh a sung ah um zosia a kithing setau hi.