JAKOB 5:6 - PATHIAN LEKHABU THIANGTHO (BSI)

⁶ Midik chu thiamlo chansak in, la that un; ama’n la a hun do pua’n.

JAKOB 5:6 Referans Kwoze

JAKOB 4:2

Thil bang a hem la dawi ua, la nei diak puau a; tual la tha khawlaw sek ui. Thil bang a hem la êng kit ua, la nei thei diak puau ah; tichun, la kinial ua, la kido sek uh ahi. La dot lo ziak un la nei ngai puau hi.

NASEPTE 8:32

Pathian lekha thu a simna chu zia hi ahi’n: “Ama chu belam gual ah tha ding ah pui in a um in; belamno a mulmêtpa ma’ a thip hiat hiat gual in, ama’nle a kam a ka puai.

MATTHAI 5:39

Himaleh, kei vang in ka hil la hiu, migilo thuk kiu in; la biang changlam bêng tapo chu a langkhat le daw zaw’n la.

ISAI 53:7

Ama chu tawden ah um in, sukgenthei in a um ta’n; maleh, kam khat ziang inle a dawnhu puai. Belam thâlup ding a kai gual un, belam a mulmetna a kidaw hiat hiat gual un, kam khat ziang le a gen puai.

HEBRAITE 10:38

Himaleh la midik chu ginna’n hing in a. A kinungle kitte chung in vang, ka thagau lungdam pua’n a”. A tia.

NASEPTE 22:14

Ama chun, I pu leh pateu Pathian in a lung lam he ah, midik tak chu mu ding leh a kam ah thupawt chu he ding in a hun têl a;

JAKOB 2:6

Himaleh, nang un migentheite chu la simmaw tau hi. Nang uh hun nuaisia sekte chu mihausate hilo a hiu em? Vaihawmna ah hun kai lut sekte le amau hilo a hiu em?

NASEPTE 7:52

La suanpateu in a la sukgenthei lo uh jawlnei a um kha em? Mi Dik tak hungna ding a la genlawkte chu a la that un; tu’hin nanghaw hi a matsakte leh a thatte la hung hitau hi.

MATTHAI 27:20

Himaleh, thiampu lalte leh upate chun mipi chu a tîlsiau a, Barabba chu thâ dawsak ah, Jesu chu sukmanthai sak tei ding ah don dingin a nawu a.

MATTHAI 21:38

Himaleh, a lou bawlte chun, a chapa chu a la mu phât un, a la kihotuak un, zia hi a golua ding pa chu ahi; hung un, a la that hitiu in, a gochan ding zosia chu ei un kilâk hitiu, a tiu a.

ISAI 5:23

a thiamlote golgûkna ziak ah thiam chansak ah, bawlkhial neilote a diknau lâkpiakte haw, la chung uh a gik hi!

1 PETER 4:18

Chuleh, “Midik nangawnle hukdam hâm hâm ahi chun, Pathian ngaisaklote leh migilote chu, bang a suak ta diam uh?”