JAKOB 5:1 - PATHIAN LEKHABU THIANGTHO (BSI)

¹ Tu’hin, mi hausate haw, la chung ua thokgimna hung tung dingte ziakin kap in mau un.

JAKOB 5:1 Referans Kwoze

THUPILTE 11:28

A hausakna muangte chu hung tuai intiu in; midikte chu thingdua hing tak gual in sel thak kit in au.

JEREMIAH 9:23

Lalpa‘n zia gual hin a gen hi: Mipil chun a pilna suang ki’hen la, mi hat inle a hatna suang diak ki’hen la, mi hausa’n le a hauna chu kisuanpi diak ki’hen;

THUPILTE 11:4

Lungnatna ni ah chun nei leh lam in, phatchuamna nei pua’n tin; ahi’n, dikna chun vang, thi’na kipat in hukdok in a.

JAKOB 1:11

Nisa a hung suak ah, a satna’n loulai a hun kâng vuai ah; a pâkte chu a pultha’n, a hoinate chu a bei sek hi. Mihausa chule zia gual tho chun, hinkhua buaina lak ah a um zing lai un vuaitha ding a hiu.

MIKAH 6:12

La mi hausateu chu kipawngbawlna’n a dim un, zia chêngte chun a kam un thep hatna lei in zuau thu a gen un.

ZEPHANIAH 1:18

Lalpa lungnatna ni ah chun a dangkau leh, a sanau in amau chu hukdok thei pua’n tin; a lungnatna mei chun gam pumpi hi kâng tum ta’n a. Lei chung lua zosiate tawpna ni, huaisia tak chu tunsak ding ahi ngal a.

ISAI 13:6

Patau un, Lalpa Ni chu a nai ta’ngal a; Hat Chungnung ah kipat siatna, hung tung gual chu ahi.

JAKOB 4:13

Tu’hin, nang uh, “Tu’ni a hem, jing a hem in, zia khawpi ah chun vachia in, kumkhat vachâm hitiu in, sumkawl vei in lawkna vamui tiu,” tite haw.

JAKOB 2:6

Himaleh, nang un migentheite chu la simmaw tau hi. Nang uh hun nuaisia sekte chu mihausate hilo a hiu em? Vaihawmna ah hun kai lut sekte le amau hilo a hiu em?

DAN LEKHABU 32:15

Jakob in a vâ tawk in a ne’n; Jeshurun hung thau in, a hung mom tai. Nang chu la hung thau ah, la hung mom ah, la hung mâm tai! Ama siampa Pathian chu a kiheisan ah, a hukdamna Suangpi chu a hun simmaw tai.

JOEL 1:11

Barli leh gehu bu a siat ziakin, lou bawl mite haw, beidong tau in; lou lai ah thâichi a siat gam tâk ziakin, nanghaw grep chîngte haw mau tau in.

JOEL 1:5

Nanghaw zukhamte haw, hung haldok unla, kap tau in; nanghaw uain dawn ah khamte haw, la kam ua kipat uain thum tak chu, lak mang ahiziak in thûm tau in.

EZEKIEL 19:2

zia gual hin sa’n: La nu kha sakeibakneite lak ah sakeibakneipi hilo maw? Sakeino lak in a kual ah, a note a vâk hi.

JEREMIAH 4:8

“Lalpa lungnatna huaisia tak chu, ei haw ah kipat heimang ahi puai, ti’n kap ah sûn in, saidip puan sil tau in”.

JAKOB 4:9

Lungngai unla, lusûn in kap un. La nuinau chu lungngaina chang hen la, la kipaknau chu nguina chang hen.

JOEL 1:13

Nang uh thiampute haw, saidip puan sil in sûn tau in; nanghaw mâichâm ah nasêmte haw, thûm in mau tau in. Nanghaw ka Pathian nasêmte haw, hung unla, jankhua’n saidip puan sil tau in! La Pathian In ua kipat in, thâi thillat leh dawnchi thillatte a chawl tai.

SAM 17:14

aw Lalpa, la khut in mihingte lak ah kipat ei hukhing in, amau dam sung chanvo chu, zia khawvel ah bep hin a um ngal a. Amau â ding ah la kholpiakte zosia’n, a gilpiu hidim inla, a chateu in a mamaw sâng ua tam zaw nei uh hen la; a chasenteu â ding tiang in, bang a hem khat bêk thi’san uh hen.

ISAI 15:3

khawlai dung ah saidip puan a sil un, Inchung tin leh khawlai ning tin in, mitin a kap tawl chuai chuai ui; lau in a chautha zo tau hi.

EZEKIEL 30:2

Mihing, zia gual hin Lalpa Pathian in a gen hi, ti’n la gen in: Ehei! tu’ni hi chu aw ti’n kap chuai chuai un,