JAKOB 4:9 - PATHIAN LEKHABU THIANGTHO (BSI)

⁹ Lungngai unla, lusûn in kap un. La nuinau chu lungngaina chang hen la, la kipaknau chu nguina chang hen.

JAKOB 4:9 Referans Kwoze

MATTHAI 5:4

Lusûnte chu mi hampha a hiu; Pathian in thamuan ding ahi ngal a.

THUPILTE 14:13

Nui malehchin le sunggil lam a lungngai thei a; kipakna tawpna chule lunggimna ahi.

LUKA 6:25

Tu’hun ah vâ leh tai ah umte hi la chung uh a gik hi! Hung gilkial ding la hingal un. Tu’hun ah nuite hi la chung uh a gik hi! Lusûn ah hung kap ding la hingal un.

SAM 119:67

Hi’genthei ah ka um ma khan ka la vâkmang sek ah, tu’hin vang la thu ka zawm tai.

EZEKIEL 16:63

la thilbawl dan zosia ka ngaidam phat leh, la het zing ziak ah la zachat man ah bangma gen ding neilo in, la kam ka hawm ziang ding la hi, Lalpa Pathian in a ti ahi.

EZEKIEL 7:16

A suakcha jamdok a um chun, phâijawl ah vakhute gual ah, a dukdak lona ziak ua lusûn in, tâng ah te chun um ta’n au.

LUKA 16:25

Himaleh, Abraham chun, “Ka chapa, nang in la dam lai khan thilpha la chang in, zia gual ma chun Lazar in thil phalo a chan kha hezing ta’n; tu’hin vang ama zia hin lungmuang tak in a um in, nangma thuakgim tak in la um ahi tai.

JOB LEKHABU 30:31

Ka theile chu lusûnna’n a chang in, ka lilu git chu kâna aw’n a chang zo tai.

LUKA 6:21

Tu ah gilkialte hi mi hampha la hiu, hung vâ ding la hingal un. Tu’hun ah kapte hi mi hampha la hiu, hung nui ding la hingal un,” a tia.

KÂ LATE 5:15

Ka lungthim ua kipakna a bei zo ta’n, ka lanau lusûnna’n a chang tai.

JEREMIAH 31:13

Ziaphat chuleh, nungakte lim tak in lâm ta’n tiu in, tichun, a têk a khang kipak ma ma ta’n au. A lusûnnau limna’n chansak in, thamuan ing ka tin, a lungngainau limna’n chansak ta’ng ka.

JEREMIAH 31:9

Kap kawm in hung kit intiu in, thamuan kawm pek in hun pui kit ding ka hi. Luicha tui luanna munte hawsak ing ka tin, kisui lo in lamzang tak in chia in au; Israelte â ding ah pa ka hung hi’n, Ephraim hi ka cha upa pen ahi tak ziakin, ti in.

THUGENTU 2:2

Nuina kiti hile ngolhuai mai mai ahi’n; nopsakna hile, bang phachuam a hem? ka ti jel a.

SAM 119:71

La thu guatte chu ka ziltheina dingin, hi’genthei ah ka um hi kei â dingin a phai.

SAM 119:136

La dan bawsiat ahi ziakin, ka mitthi tui luipi gual in a luang tai.

NEHEMIAH 8:9

Mipite chun dan thu kisimdokte chu a het phat un, a lung uh a khoi ma ma ziakin a kap jak ziang tau a. Tichun, gam awppa Nehemiah, thiampu leh lekha zikpa Ezra leh mipite hilchian piak ah pang Levite zosia chun, “Tu’ni hi Lalpa la Pathian uh â ding ah ni thiangtho ahi; thasiatna leh kâna’n mang kiu in,” ti’n mipite chu a hil tau a.

MATTHAI 21:41

Amau chun a kiang in, Zia mi nunsiate chu that chimit intin, a grep huan chu midang a sân pha tak ah pia thei dingte kiang in pia zaw ta’n a, a tiu a.