JAKOB 4:7 - PATHIAN LEKHABU THIANGTHO (BSI)

⁷ Tichun, Pathian kiang in kitulut un. Diabol chu dodâl un, tichun hun jamsan in a.

JAKOB 4:7 Referans Kwoze

EPHESA 4:27

Diabol chu panmun pekiu in.

1 PETER 5:6

Ziaziakchun, a hun tak ah a hun chawihoi theina dingin, Pathian khut hât tak nuai in kikoi niam un.

HEBRAITE 12:9

Zia tilo ah chun, ei thunun ding taksa nu leh pate I nei chiat ui; amau chu I ja ma mau a. Zia sâng ah nasa zaw chun, I hinna ding un, thagau lam I pau thu nung zaw diak lo ding I hiu em?

ROMTE 10:3

Pathian ah kipat dikna ngaisak lo in, amau dikna bep sukdetna ding hawl in, Pathian dikna chun a kipelut diak puau hi.

SAM 66:3

Pathian kiang ah chun, “La thil bawlte chu a lopi na e! La thilhitheina nasat ziakin, nangma hun do-te le la âng in, hung bokkhup ta’n au.

JOB LEKHABU 1:21

“Ka nu sul ah kipat ngawnchang in ka hung pawtdok in, ngawnchang ma ma’n kile’kit ding ka hi; Lalpa‘n ei pia’n, Lalpa‘n a la kit tai; Lalpa min chu pâk in um ta hen,” ti in.

2 KHANGTHU 30:8

tu’hin vang, la pu leh pateu gual ah genhak in um ta kiu in; Lalpa kiang ah hung kitulut unla, a mun thiangtho ah hin hung un; zia tak mun chu kumtuang dai ding ah a sukthian ahi ta’ngal in; la chung ua a lungnatna a lâkmang thei khâk leh Lalpa la Pathian uh na chu sêm un.

MATTHAI 11:29

Ka ngawngkol hung puau in la, ka kiang in zil un: Lungthim ah nunnem leh kingaitawm ka hi; tichun, la thagau â ding un chawldamna mu’n lau.

EPHESA 5:21

Khrista la jana ziak un, nanghaw le kilutcha tua chiat un.

1 PETER 2:13

Lalpa min in mihing kivai hawmnate chun kitulut un, vaihawmtu lianpen Lengpa kiang ah hihen la,

2 SAMUEL 15:26

Himaleh, ama’n, ‘Ka hun doisak ta puai,’ a ti leh vang, pha a ti gual gual in ka chung ah bawl mai hen, a khawk puai,” a tia.

DANIAL 4:25

Nangma chu mihingte lak ah kipat nawdaw in um in la tin, gamsate lak in hung chêng ta’n la. Chuleh, Hat Chungnung in mihingte lenggam chung in vai a hawm in, a nop nop kiang in lenggam a pesek hi, ti la hun hetdaw masang sia, hun sagi sung chu bawngchalte gual in hampa nêksak ah um in, van dâichîm in hun chapzing ta’n a.

SAM 68:30

Pumpêng lak ah gam sahângte chu vau inla; mihing bawngchal hon leh a no hon tam takte tawh; thilpiak lung gulte chu la keng in chuanchil inla; kido thanuam mite zosia chu thejak in.

1 SAMUEL 3:18

Tichun, Samuel inle bangma îmlo in a leng in a gendok tai. Ziaphatchun, Eli in, “Lalpa ahi chu lam, pha a sak dan dan in bawl mai ta hen,” a ti tai.

JEREMIAH 13:18

Lengpa leh lengnu kiang in, “Kingainiamna chutna’n kitung un; la luchang ua kipat lal lukhuk mêlpha tak chu, lâkthâk hiding ahi ta’ngal a,” ti in.

ROMTE 14:11

Lalpa chun, “Mi zosia ka ma-âng in bokkhup intiu in, lei zosia le Pathian pâkchâtna pia’n au, ti’n sia ka sam hi,” a tii, tia zik ahi ngal a.

NASEPTE 26:19

Ziaziakchun, aw Lengpa Agrippa, zia van ah kipat kilâkna chu nial thei ding gual ka la hita puai;

NASEPTE 9:6

Tho inla, khawpi sung ah lût in, la sep ding a la gen in au,” ti’n a hun dawnhu a.

DANIAL 4:32

Mihingte lak ah kipat in nawdaw in um in la tin, gamlak ah ganchate tawh tat khawmsak hiding la hi. Hat Chungnung in mihingte lenggam zosia chung in vai a hawm in; a nop nopte kiang in lenggam a piak sek ahi, ti la hun hetdaw kit masangsia’n, hun sagi sung bawngchalte gual ah hampa nêksak ah hung um ding la hi tai,” a hun tia.

EPHESA 6:13

Ziaziakchun, ni phalo ah chun la do zawu ah, la zaw nung ua le kipuk lo ah la din zing theina ding un, Pathian gâlvan bukim ah chun kithuam un.