JAKOB 4:14 - PATHIAN LEKHABU THIANGTHO (BSI)

¹⁴ Jing leh bang a hung um diam ti la hepuau hi. La hinnau chu bang a hem? Sûmpi chomcha hung kilang ah mang kit ziang gual mai la hiu hi.

JAKOB 4:14 Referans Kwoze

1 PETER 1:24

“Mitin hi hampa gual bep a hiu a, a lopinau zosia le hampa pakcha gual bep ahi. Hampa chu a vuai ah, pakcha chu a pul mai sek hi;

SAM 39:5

Ka damsung ni khua hi, tûk bang zat a hem bep in la siam ah, ka damsung hile la mit mu in bangma kham ahi puai. Mi tin hi bangmalo mai a hiu.

1 JOHAN 2:17

Chuleh, khawvel leh a nopnate hi a mangthai zing hi; himaleh, Pathian lung lam hi’te vang chu kumtuang in hing in a.

SAM 102:3

Ka damsung hi meikhu gual in a jam mang in, ka gute hi tummeipi gual in a kuang ta’i.

JAKOB 1:10

mihausa chu hi’niam ah a um ziakin kipak hen; mi hausa chu loulai ah hampa pâk gual ah mangthai ding ahi ngal in.

SAM 89:47

Ka damsung nikhua chomdan hezing inla, mihing chate hi la siam gina paw na maijen e!

1 PETER 4:7

Himaleh, thil zosia tawpna chu a nai tai, ziaziakchun, la pauchap theina ding un lungthim dik tak pu’n chingthei un.

ISAI 38:12

Belamchingte puanbûk gual in, ka chênna In chu phiat ah um in, keima ah kipat lâk mang in a um ta’n; puan-gatte’n a puan ga lai a zial daw gual un, ka hinna ka zialdok ta’n; puankol ah kipat ei ât tan ta’n tin; sun kâl a hem, jan khat kâl a hem ah, ka hinna hi’tawp mai ding hi’n la, ti’n ka ngaitua a.

SAM 78:39

Phe leh vo mai a hiu ti leh, huizang hung kit talo ding ah nung gual mai, a hiu ti a hezing hi.

SAM 144:4

Hatkhat gual mai a hiu; a damsung nikhuaule lîm bei pai sek gual mai ahi

THUPILTE 27:1

Jing ah thil hung tung dingte chu kisaktheipi kin; zia ni chun bang hun puak ding a hem ti la he paw’ngal a.

ISAI 2:22

A nâk ah hattheina ziak bep a, mihing thitheite hi nusia in, bang ah pang ding a hiu em?

2 SAMUEL 19:34

Himaleh, Barzillai in lengpa kiang ah chun, “Jerusalem ah lengpa kiang lam ah chun hung lengle, kum bang zat tak dam nalai ding ka hem?