JAKOB 4:1 - PATHIAN LEKHABU THIANGTHO (BSI)

¹ La lak ua kidodilna leh kinialnate hi khoi ah hung kipan sek a hem? La sung lam ua kidona siamdaw sek la nopnateu ah kipat hilo a hem?

JAKOB 4:1 Referans Kwoze

1 PETER 2:11

Doitakte haw, mikhual leh malzin la hiziak un, thagau dosek taksa nopnate chu haisan dingin ka hun ni la hiu.

GALATIA 5:17

Taksa chun Thagau chu a do sek a. Thagau inle taksa dona lam a nuam sek hi; thil la hi guatteu chu la hi’thei lona ding un ziate chu a kikãl sek uh ahi.

ROMTE 7:23

himaleh ka taksa bâkte ah hin dan chuam dang a um hi ti ka hia’i, zia chun ka lungthim ah dan chu a do ah, ka taksa bâkte gitlona dan umte kiang in suak in ei pui sek ahi.

ROMTE 8:7

Taksa lam doidan vang Pathian tawh kimêlmâkna ahi’n; Pathian dan tawh kituakna a um puai; um le a um theilo him ahi.

JAKOB 1:14

Mi chu ama nopna ah puiman leh hîp ah a um phat leh, zia chun thep in a um sek ahi.

JEREMIAH 17:9

Mihing lungthim chu thil dang zosia sâng in a sezaw’n, chinchan bei a hiziak in, kua a hem hethiam thei ding?

1 PETER 1:14

Cha thumangte gual in, la hetlo lai ua la nopnateu ah um talo in;

KOLOSSA 3:5

Chutichun, la taksau ah leilam thil doina umte hi that un: Tatsualnate, buaknate, huknate, nopna phalote, papnate, (papna chu milim hona ahi.)

2 PETER 3:3

Zia hi he masau in: Ninunung lam leh mi simmaw hâtte chu amau nopna dungzui in simmaw ah ho kawm in hung intiu in:

JAKOB 4:3

La don un, la dot diklo ziak un la mu puau hi; la nopsakna ding ua la mat guat ziak un.

2 PETER 2:18

Thu manlo chu uang tak in a gen un, a diklo ah umte lak ah kipat taidokte chu taksa nopna hûkna lam in a thêm pûk sek ui.

TITA 3:3

Eihawle malai ah khan mingol tak, thu awilo, thep zaw ah um, gilo leh mitthîp hatte, huat ah um leh kihawtua ah umte I la hiu a.

TITA 3:9

Ahi’n, dotna ngolhuaite, phung thute, kinialnate, dan thu ah kinaknate chu kiheisan in; zia chu phatchuamna bei leh bangmalo mai ahi.

ROMTE 7:5

Taksa ah I um lai ua khan, Dan ah um zing gitlonate chun ei hun thunun thei sek in; thina ding lam ah chisuantu hi dingin I taksa bâkteu chu ei mat piak sek ahi.

MATTHAI 15:19

Lunggil sung ah kipat chun tupgûkna phalo gilonate, tualthanate, ângkawmnate, tatsualnate, gûkchâknate, zuau gennate, mi hêknate leh gensiatnate hung pawt sek ahi.

JOHAN 8:44

La pau diabol mite la hiu in, la pau doigual bawl la nuam ui. Ama chu a lim ah kipat tualthat ahi’n, thu tak in a um ngai puai; ama ah chun thu tak him him a um puai. Zuau a gen tak leh ama mizia dungzui in a gen sek a; ama chu zuauthei ahi’n, zuauthei te pa le ahi.

2 TIMOTHI 2:23

Kinialna ngolhuai leh umzia bei ah te’n pang kin; ziate chun kinaknate a suaksak sek hi ti la hiatsa ahi.