JAKOB 3:5 - PATHIAN LEKHABU THIANGTHO (BSI)

⁵ Zia gual ma chun, Lei hile taksa bâk neucha ahi; himaleh, nasa tak in a kisuang sek hi. Meikuang neucha’n gammâng a kâng sia nasa na e!

JAKOB 3:5 Referans Kwoze

THUPILTE 18:21

Mihingte kam ah chun hinna leh thi’na a um a; zia ngaina tapote chun a ga chu ne ngei in au.

THUPILTE 12:18

Madon don ah thugente chun, chemcha ah sut gual in mi a sun na sek un; mipil thugen in vang mi a hi’dam sek hi.

THUPILTE 15:2

Mipil lei chun hetna thu dik tak in a gendok sek in; mingolte kam in vang ngolna thu a sêkdok sek hi.

SAM 17:10

A lungthim un lainatna a nei puau; a kam un kihisak tak in thu a gen sek ui.

JUDA 1:16

Ziate hi mi phunchiak leh lungawi theilote a hiu ah; a hûkna gual un a um un; thu lopi takte gen in, a lawkna ding un mite a pakcha sek uh ahi.

JEREMIAH 18:18

Ziaphatchun amau in, “Hung tiam un, Jeremiah chung thu ngaitua hitiu, ei zilsak ding thiampu leh ei hil ding mipil tasam pua’n tin, thugen ding jawlnei le tasam diak pua’n a. Hung unla, ama do in hêk hitiu in, a thugen him him ngaisak ta puai tiu,” a tiu a.

SAM 10:3

Mi nunsia’n a duthusam chu a kisaktheipi in, lawkna ding hawl ah du-âmte chun Lalpa chu hânsialaw in, a pâmpai sek ui.

EZEKIEL 28:2

Tura lengpa kiang in, Lalpa Pathian in zia gual hin a gen hi, va ti’n: La lungthim in la kiletsak ah, “Pathian ka hi, pathiante chutna tuisuagiat lilai ah kichu ka hi,” la ti hen; pathian lungthim tawh kibang nei in kikoi malechin le, pathian hilo in mihing, a thi thei mai mai la hi nalai hi.

2 PETER 2:18

Thu manlo chu uang tak in a gen un, a diklo ah umte lak ah kipat taidokte chu taksa nopna hûkna lam in a thêm pûk sek ui.

DANIAL 4:30

lengpa chun a lungthim in, “Zia Babulon khaw lopi tak hi, lengpa chênna ding ah ka thahâtna leh ka lalna thupi tak suklatna ding ah ka siamdaw hilo a hem?” ti’n a ngaitua a.

JOB LEKHABU 22:17

Pathian kiang in, “Ei nusia in, Hat Chungnung Pathian chun, bang ei law thei ding la hem?” a tiu a.

PAWTDAWNA THU 15:9

Mêlma chun, “Del ing ting, delpha têi ka, a gâllâk vanteu chu hawm ing ka tin; a chung ua ka duthusam chu buting in a. Ka chemjam jukdok ing ka tin, ka khut in amau chu sumangthai ing ka,” a tia.

DANIAL 3:15

Tu’hin, a la kiging unla, pengkulte, lilute, tingtangte, gawsemte, nawtgitte, tumgit pêng ni neite leh thil githei chitinte git la het phat ua leh, bokkhup unla, ka milim siam hi bia un; chutileh, bangkim pha mai ding ahi. Ahi’n la, la biak nop lo uh leh vang, meipi kuang sung ah kin tak ah selut ziang ding la hiu, ka khut ah kipat nang uh hukdok thei ding pathian chu kua a hem?” ti’n a gen a.

EZEKIEL 29:3

zia gual hin gen in: Lalpa Pathian in zia gual hin a gen hi, ti’n la: “Ngai in, Nail luipi hi kei â ahi’n, kei â ding ah ka siam ahi,” tipa chun dragon lian tak luidung ah um gual ah, Aigupta lengpa Pharaoh, ka hun do la hi.

PAWTDAWNA THU 5:2

Himaleh, Pharaoh chun, “Israelte ka chiasak ah, a thu ka ngai ding Lalpa chu kua a hem? Zia Lalpa chu ka hepua’n, Israelte chu le pawt daw sak lo ding ka hi,” a tia.

SAM 39:1

“Ka lei ah thil ka hikhiallona dingin, ka umdante hi vop pha’ng ka tin; mi nunsiate’n ei umpi lai siau, ka kam hi kam kânna’n huktup ing ka,” ka ti’n.

THUPILTE 26:20

Thingkhua a tum phat leh mei a thi gual in, kihoguk umlo’na chun kinaknale a bei sek hi.

JAKOB 3:4

Longte hile en ma tiam un, a lian ma mau in, hui hât tak in a mut tawl tawl thei hi; himaleh, Lawnghêkte’n a hêk kawina neucha chun a nopna lam lam a zotsak thei hi.