JAKOB 3:18 - PATHIAN LEKHABU THIANGTHO (BSI)

¹⁸ Dikna ga luak chu chamna tu’ ahi’n, zia chun chamna a siam hi.

JAKOB 3:18 Referans Kwoze

MATTHAI 5:9

Chamna siamte chu mi hampha a hiu; Pathian cha ah sak in um ding ahi ngal un.

HOSEA 10:12

Dikna nang uh â dingin kituu inla, ja’ngaina ât tau in; la pâmtûl lou uh kikhet nêl tau in; Lalpa chu a hung ah, la chung ua dikna gua a zuk sak theina dingin, ama chu hawl hun ahi.

PHILIPPI 1:11

Pathian lopina leh choihoina ding ah, Jesu Khrista vang ah hung um, dikna gate chu la sua theina ding un.

GALATIA 6:8

Ama taksa lam ah tû’pa chun taksa lam ah siatna chu luak intin, Thagau lam ah tû’pa vang chun Thagau lam kumtuang hinna luak in a.

THUPILTE 11:30

Midik ga chu hinna thing ahi’n; thagum sua chîngte chun hinna a lamang sek ui.

HEBRAITE 12:11

Thununna thok lai him him in kipak um in a kilang ngai pua’n, gimum in a kilang sek hi; himaleh, thok zaw nung leh vang, sawinem ah umte â dingin dikna ga thamuan um tak a sua sek hi.

THUPILTE 11:18

Mi nunsia’n lawkna dik mu pua’n tin, ahi’n, dikna chî tute chun kipakman dik tak chu mu’n au.

JAKOB 1:20

Mihing lungnatna’n Pathian dikna a sua pawngal a.

JOHAN 4:36

Buâtte chun a sep man a mu zo tau in; zia ban ah chun kumkhawtuang hinna ga chu lakhawm nalai ding a hiu, a tû’te leh a lakhawmte a kipak chiat theina ding un.

AMOS 6:12

Suangpi chung in sakol a tai ngai em? Bawngchal in lou a kai gual in kua’n tuisuagiat chung a kai ngai em? Himaleh, nang un vang vaihawmna dik chu gû la suaksak un, diktatna ga chu gamsai la suaksak sek ui.

THUPILTE 11:28

A hausakna muangte chu hung tuai intiu in; midikte chu thingdua hing tak gual in sel thak kit in au.

SAM 92:14

Têknung inle ga sua zing intiu in; tuipom zing in hing dip dep in au.