JAKOB 3:15 - PATHIAN LEKHABU THIANGTHO (BSI)

¹⁵ Zia tawhbang pilna chu chung lam ah kipat hung suk a hipua’n, khawvel leh lei thil, diabol ah kipat ahi zawi.

JAKOB 3:15 Referans Kwoze

JAKOB 3:17

Chung lam ah kipat pilna hung suk chu vang, a masa’n a thiangtho ah, kicham a nuam ah, a nunnem ah, a thunung thei ah, hepina leh ga pha’n a dim ah, doichuamna leh dawha him him panglo ahi.

JAKOB 1:17

Thilpiak pha leh thilpiak buting taphot hi chung lam ah kipat, vâkte pa kiang ah kipat ahi’n, ama chu danglam lo leh thimna umlo ahi.

1 KORINTH 3:19

Zia khawvel pilna hi Pathian ngai in ngolhuai tak ahi ngal a: “Ama’n mipil chu a dawha thûknau in a man sek hi,” ti zik gual in.

PHILIPPI 3:19

Zia mite tawpna ding chu manthaina ahi’n, a pathian uh chu a gilpiu ahi; a kilopisaknau chu a mualphonau ahi; a lungthim un lei thilte a koi ui.

1 KORINTH 2:14

Himaleh, hindang lo mite chun, Pathian Thagau thilpiakte chu a chang puau in, amau â ding chun ngolhuai ahiziak in; chuleh, thagau lam thil hetkhenna neilo ahiziak un, zia thilte chu a hethei puau hi.

2 KORINTH 1:12

Ka lung sung ua sia leh pha hetna dungzui ah ka suan uh chu zia hi ahi: Khawvel ah mite leh nangmau kiang ah hizaw diak in, taksa lam pilna hilo ah, Pathian thianthona leh titakna chun ka tawi uh ahi.

JAKOB 1:5

La lak ua kua’n le pilna a tâksap chun, mi zosia kiang ah phal tak leh îtcha lo ah pepa Pathian kiang in don un, tichun piak in um in lau.

1 TIMOTHI 4:1

Thagau chun, “Hun nunung lam leh mi khenkhatte’n puimanna thagaute leh, thitha lam ah thuhilna ngaisak ziakin, ginna hun haisan in au,” ti kichian tak in a gen hi;

JUDA 1:19

Zia khawvel mi, Thagau neilote hin pawl chuam chuam a siamdok sek ui.

1 KORINTH 3:3

Taksa mi la hi nâk lai ziak un, la lak ua ki’îtsikna leh kinaknate a um laisia chu, mihing khawsak ah khawsa la hi nâk lai ziak un, taksa mi hi nalai lo la hiu em?

JOHAN 3:17

Pathian in khawvel thiamlo chansakna dingin, a Chapa khawvel ah a hun sawl puai, ama ziak ah khawvel hukdam ah a umna dingin a hun sawl zaw ahi.

JEREMIAH 4:22

“Ka mipite chu a ngol ziak un, ei he’pha pua’n au; chapang mawl a hiu ah, hiatthiamna neilote a hiu; thil phalo bawl dan a thiam ma mau ah, thilpha bawl dan vang a hepuau hi”.

THUPUAN 12:9

Dragon lian, zia gulpitêk Diabol, Setan kiti, khawvel ah mi zosia thêmpa chu lei lam ah a nawtha tau a; chuleh, a sepaite le a nawtha khawm tau hi.

THUPUAN 9:11

Lei kawkhûk tawp nei lo vansawlchâk chu lal in a nei un; Hebrai pau in a min chu Abaddon; Grik pau in Apollion ahi.

THUPUAN 2:24

Himaleh, nanghaw Thuatira khua umte lak ah, zia zilsakna pom lo leh, mi khenkhat in, “Setan Thugil,” a titeu zil lo te kiang in zia hi ka gen hi: Puakgik dang hun guanbe ta pua’ng ka;

2 THESSALONITE 2:9

Zia dan susepa hungna chu Setan sep dan dungzui in, thilhitheina zosia, tepte’na zosia, juau thilmakte tawh,

2 KORINTH 11:3

Ahi’n la, gûl chun dawha thiam ah Evi a thep gual khan, Khrista ah takna leh thianthona ah kipat la lungthim uh susia kha’n au ti ka lauthawng hi.

1 KORINTH 1:27

Himaleh, mi pilte chu a mualpho theina ding un, Pathian in khawvel thil ah ngolhuai chu a têl zaw ta’n; chuleh, khawvel ah thil zawngkhâlte chu Pathian in a têl ah, a hatte a mualpho theina ding un.

ROMTE 1:22

Pil ah kingai in, mingol ahi zaw tau hi.

NASEPTE 13:10

“Nang mi thêmpa leh jakda um zosia ah dimpa, nang diabol chapa, dikna lam zosia mêlmapa, Lalpa lampi diktakte suksiat hi haisan lo ding la hi maw?

JOHAN 8:44

La pau diabol mite la hiu in, la pau doigual bawl la nuam ui. Ama chu a lim ah kipat tualthat ahi’n, thu tak in a um ngai puai; ama ah chun thu tak him him a um puai. Zuau a gen tak leh ama mizia dungzui in a gen sek a; ama chu zuauthei ahi’n, zuauthei te pa le ahi.

LUKA 16:8

A pu chun, sumkol ginumlo chun pil tak ah thil a bawl ziak ah chun a pakcha ta’n, vâk chate sâng in zia khawvel chate hi a tu’lai thuu in a pilzawu hi.

2 SAMUEL 16:23

Zia lai chun, min Ahithophel lemguatte chu Pathian kiang ah kipat thupawt a batsak un; ziaziakchun, Ahithophel lemguatna chu David leh Absalom chung ah tung chu min dik a sau in, a ngaisâng ma mau hi.

2 SAMUEL 15:31

Ahithophel in Absalom a kithuapi hi ti David a hil un. Zia phat ah chun, David in, “Aw Lalpa, Ahithophel thuhilna chu bangmalo suaksak in,” ti’n a gen tai.

2 SAMUEL 13:3

Ahi’n, Amnon in gualpha pakhat a nei ah, a min chu Jonadab, David suapipa Shimeah chapa ahi; ama chu mi dawhathûk tak ahi.