JAKOB 2:15 - PATHIAN LEKHABU THIANGTHO (BSI)

¹⁵ Suapite pakhat ngawnchang in um hen la, nêk ding tasam taleh;

JAKOB 2:15 Referans Kwoze

LUKA 3:11

Ama chun a kiang un, “Kuale puanâk pani nei chun a neilote hawm unla, nêk ding nei chunle zia gual ma chun hiu in,” a tia.

ISAI 58:7

Gilkialte nêk ding la piak ah, In leh lou bei gentheite la In ah la chênsak ah, nîk leh puan beite la thuam ah, la sang la suaiteu la kisêlmang san lo ding uh hilo maw?

JAKOB 2:5

Ka suapi doitakte haw, ngai un. Pathian in zia khawvel ah gentheite hi ginna ah hausa ding leh, a hepite kiang ah a tiam lenggam chu lua ding ah a têl hilo a hem?

ISAI 58:10

gilkial kiang ah an la piak ua, sukgenthei ah umte tâksapna la somdawl ua leh, la vakna chu thim lak ah chun hung kilang ta’n tin, la thimna chule sûnchang lai tak gual in, hung vâk ta’n a.

HEBRAITE 11:37

Suang ah se’ in a um un, thing-ât ah âttan in a um un, chemjam ah satlup in a um un, belam vun leh kêl vunte silsak in a um un; chaga leh gimthuak leh genthei tak in a um ui;

MARKA 14:7

Migentheite chu la kiang un a um zing un, a chung un la nop hun hun un thilpha la bawl piak thei ui, kei vang la lak un um zing lo ding ka hi.

EZEKIEL 18:7

kuama poi a khoi lo ah, a kitiamna dungzui ah a leibat a dit kit ah, misuam ah pang lo ah, gilkialte nêk ding a piak ah, sil leh chên beite a thuam a,

NASEPTE 9:29

Grik mite haw tawh le a kinial sek un; himaleh, ama chu tha a hun gua zaw tau a.

1 JOHAN 3:17

Kua’nle khawvel sum leh pâi nei in, a suapi tasam chu mu ngal in, panpi nuamlo ta leh, Pathian hepina ama ah bang ti’n a um thei diam?