JAKOB 1:9 - PATHIAN LEKHABU THIANGTHO (BSI)

⁹ Gingtu, dinmun niam tak ah um chu choisa’n ahi tâk ziakin kipak hen la,

JAKOB 1:9 Referans Kwoze

THUPILTE 19:1

Mingol zuauthei tak sâng in, migenthei lungthim dik tak chu a pha zawi.

2 KORINTH 6:10

lungngai gual in, himaleh kipak zingin; genthei gual in, himaleh mi tam tak hihausa ngal in; bangma neilo gual in, himaleh bangkim nei bukim ngal in ka um zawu hi.

THUPUAN 2:9

La thil hi dante, la genthei dante leh la vaichâk dante (ahi’n la, la hausa nai) ka hun hia’i; Juda mi hilo ah ka hi hung kitite, Setan kikhopna In hizaw te hun gensiatna chule ka hia’i.

LUKA 1:52

Mi lopite chu a chutnau ah kipat a sawn tha’n, mi tawm takte chu a domsâng tai.

THUPILTE 17:5

Michaga tawtbawlna mang chun amau siampa simmaw ahi’n; mi vangsiatna phaje sa chu gawt lo in suakcha pua’n a.

SAM 62:9

Mi nuainungte hi hu kithâdok tawhbang bep a hiu in, miliante hile kithepna mai a hiu. Bûkna’n a kikâng gêl un, a paniu inle hu kithâdok sâng in, a jang zaw nalai ui.

DAN LEKHABU 15:11

Zia gam ah chun tasam um ta lo ding ahiziak in, “La gam sung ua genthei leh tasamte panpi’na dingin la ban uh jak un,” ti’n thu ka hun pia la hiu.

DAN LEKHABU 15:9

“Kum sagi’na, kingaidamna kum a nai ta hen,” ti ziak ah la Invêng tasam kiang ah bangma penuam lo leh mudana lungthim sia leh diklo la nei lona ding un chingthei tau in; achutiloleh, Lalpa kiang ah kiko intiu in, nang in a mawpaw khan lau.

DAN LEKHABU 15:7

Lalpa la Pathian un a hun piakna ding gam chu la hung tun phat ua leh, la chênnau khuate ah chun la suapiu kua a hem khat tasam a um chun, zia gual ah tasamte chung ah chun la lungthim uh hi’khau kiu inla, la khutpêk uh le hi’neu diak kiu in.

PHILIPPI 3:14

Khrista Jesu ah, van lam ah Pathian kona sâng tak kipakman chu mu dingin kung lam chu ka del ham ham ahi.

PHILIPPI 3:3

Thagau ah Pathian ho in, Khrista Jesu kisuanpi ah, taksa ah kimuang lote hi zektan dik tak I hizaw ngal un.

ROMTE 8:17

chuleh, chate I hiu chun, golua dingte I hiu ah, Pathian golua ding, Khrista tawh golua khawm ding I hitau hi; ama lopina I chan khawm theina ding un, ama thokna le I thokpiu a ngai hi.

LUKA 10:20

Thithate la thu thuu ah a um ziak un kipak ziang kiu inla, van ah la min uh zik ahi ziakin kipak zaw tau in,” a tia.

LUKA 9:48

“Kuale zia naupang hi ka min ah lop tapo chu keima ei lop ahi; keima ei lop chu ei sawlpa lop ahi; la lak ua a neupen chu a lopipen hung hiding ahi,” a tia.

1 SAMUEL 2:8

Chaga chu leivui lak ah kipat in a kaitho in, mi tasam chu leivui lakah kipat dom sâng in, leng chate lak in a kichutsak in, lopina chutpha a luasak hi. Lei kingakna khuamte chu Lalpa â a hia, khawvel chu a chung un a nga ahi.

1 PETER 2:9

Himaleh, thim ah kipat hun kodok ah, a vâk lopi tak ah hun kolut pa thilbawl lamdangte chu la tâklat theina ding un, nanghaw vang chi têldaw, lal thiampute, nam thiangtho, Pathian mite ngei chu la hitau hi:

ISAI 29:19

Mi nunnem chun Lalpa ah kipat kipakna thak chang intin, mite lak ah migenthei chunle, Israel Mithiangtho ah chun lim ma ma ta’n a.

LUKA 14:11

Ama kingaisangte chu suktawm in um intiu in; ama kingaitawmte chu vang choisa’n in um in au,” a tia.