JAKOB 1:26 - PATHIAN LEKHABU THIANGTHO (BSI)

²⁶ Kuale sakhua ngaisak ah kingai ngal ah, a leiteu veng lo ah, a lungthim ua kithêm zaw te chu, amau sakhua chu bangmalo mai ahi.

JAKOB 1:26 Referans Kwoze

EPHESA 4:29

Thu phalo him him la kam un pawt ki’hen la, a kul dungzui ah mi dang siamphatna phachuam ding bep pawt zaw ta hen; tichun, a ngaithate chun hepina a piak theina ding in.

SAM 141:3

Aw Lalpa, ka kam ah vêngtu koi inla, ka mûk kotkhak vêng bit in.

1 PETER 3:10

“Hinna dawi leh ni phate mu nuam chun, thil phalo lak in a lei vêngpha hen la, a mûk le thepna thu gen lo dingin vêngpha ta hen.

EPHESA 5:4

Jamaw thute, thu manlo leh tawt thugente haw hi a kilawm ta puai; ziate haw sâng ah chun kipakna thu gen zaw tau in.

THUPILTE 19:1

Mingol zuauthei tak sâng in, migenthei lungthim dik tak chu a pha zawi.

SAM 34:13

La lei gitlona lak in vengpha’n la, la mûk chule thepna thu gen lo dingin huktup in.

THUPILTE 10:31

Midik kam in pilna a pawt sek in; ahi’n, thu kalek genna Lei chu ât tan hi’n a.

THUPILTE 10:19

Thu tam tak kigenna hin genkhial a um lo thei pua hen; ahi’n, mipil chu pau a kisûm thei sek hi.

KOLOSSA 4:6

Mitin bang gual ah dawnhu chiat ding a hem ti la hettheina ding un, la kam ua thu pawt chu chi gual ah al, hepina pang hizing ta hen.

JAKOB 1:22

Thu chu ngaitha mai ah nangmau kithêm lo in, thu chu sêmdok zaw tau in.

JAKOB 1:19

Ka doitakte haw, zia hi hiau in: Kam chungnun chu’lo leh lungna vak lo in, mitin in a ngaithâk kilawp un.

THUPILTE 16:25

Mihing ngaidan ah lampi dik hileh kilawm tak a hung um sek in, a tawpna chu vang thi’na ahi.

LUKA 8:18

Ziaziakchun, la thil hiatteu ah hin chingkam tak in um un; kuale a nei chu piak belap hi’ntin, kuale a neilo chu a neisunle lâkpiak hi’n a.

GALATIA 6:3

Mi bangma hilo ah milian khat ah kingai chu, ama leh ama kithêm ahi.

THUPILTE 14:12

Mihing ngaidan ah lam dik hileh kilawm tak a um in, a tawpna chu vang thi’na ahi.

DAN LEKHABU 11:16

Chingthei tau in; achutiloleh, pathian dangte ho ah, a nau sêm dingin thep pûk in um kha’n lau;

GALATIA 2:6

Chuleh, hi’na nei deute, (bang tawhbang hi’na nei maleule kei â dingin lamdanna a um puai; Pathian in kuama a khen chuam puai) zia min nei deute chun bangma ei belap piak chuam puau in;

MARKA 7:7

Mihing thupiakte chu thugin gual in a zilsak un, ei biaknau chu a thawn mai ahi, ti a zik gual khan,” a tia.

ISAI 44:20

Vut in a kivâk un, a ngaituanau mantheilo chun a pui mang ta’n, amau la kihukdam thei lo in, “Ka khut changlam ah ei thêm chavai ding kisiam hilo ka hem?” tina châng a he him him puau hi.

THUPILTE 21:26

Migilo chun sun nitum tum in, mi a awtcha sek in; midik in vang a hawmdok in, bangma a ît puai.

1 KORINTH 15:2

ka thugen kha la taksan bep uh hilo ah, la tukchak uh chun, zia chun hukhin in la um uh ahi.

MATTHAI 15:9

Mihing thupiakte chu thugin ah nei dingin a kihil sawn un, ziaziakchun, ei honau haw hile a thawn mai ahi, ti hi, a tia.

MALAKI 3:14

Nang hawn, “Pathian nasep hile a thawn mai ahi, sepai honte Lalpa thupiak I vop un, a âng ah lusûnte gual ah thasia tak ah I chia sek uh hi bang lawkna a um em?

ISAI 1:13

La kithoina thil latteu a thawn ahi; la gimtui uh haw le ka chimchâk hi. La thathak leh sabbath niteu leh, gûkkhel kawm ah khawmpi thupi tak ah la bawlteu hi, ka thokda lam tak ahi.

1 KORINTH 15:15

Ahi, Pathian le diklo tak ah puang hita ding ka hiu; Pathian in Khrista chu a kaitho hi ti’n ka gen tangal un; mithite chu thokit lo hi taleu, ama chule a la kaitho lo ding ahi.

THUPILTE 16:10

Pathian hiatsakna dungzui ah thutanna chu, lengpa kam in a hung pawt sek a; vaihawmna chun a gen khial ngai puai.

THUPILTE 15:2

Mipil lei chun hetna thu dik tak in a gendok sek in; mingolte kam in vang ngolna thu a sêkdok sek hi.

SAM 32:9

Ngaituana nei lo sakol a hem, sabiltung a hem gual in um kin la, a nungchang uh chu kamkaina khau lo’ngal in, a thunun thei ngai pua’n; chutilochun, thunun pua’n la.

JAKOB 2:20

Nang mingol, nasep neilo ginna chu bangma ei puai, ti la he nuam em?

GALATIA 3:4

Thil chuti zojai chu a thawn in la thuak uh ahi maw! A thawn tak tak hitaleh chu aw!

GALATIA 2:9

Tichun, hepina kei kiang ah piak ah um chu a mu phât un, Jakob, Kipha, Johan leh Inkhuampi ah a ngaiteu chun, kei uh Jentelte kiang ah chia ding leh, amau chu zektante kiang ah chia dingin, kei leh Barnaba chu kipawl theina khut changlam ei pia tau a.

1 KORINTH 3:18

Nang leh nang kithêm kin. Pil kisa la hi chun, la pil theina dingin mingol hung chang phot in.

JOB LEKHABU 15:13

zia ziak ah chu la lungthim in Pathian kãl ah, la kam ah zia gual thu chu gen la hi em?

JOB LEKHABU 30:11

Pathian in ka thalpi khâu a thamkol ah, ei sukzawngkhal ahi tâk ziakin, ka âng ah a nop a ning un a khuang tau ahi.