JAKOB 1:25 - PATHIAN LEKHABU THIANGTHO (BSI)

²⁵ Himaleh, kuale dan buting, zalenna dan chu pha tak ah en ah, thuak-hat tak ah, a ngaithâk zaw leh hemil kit ziang lo ah sêmdok zaw te chu, zia mite chu a thil hiu ah maljawl in um ding a hiu.

JAKOB 1:25 Referans Kwoze

LUKA 11:28

Himaleh, ama chun, “Ahi, himaleh, Pathian thu he ah zuite chu mi hampha zaw a hiu,” a tia.

JOHAN 13:17

Zia thilte hi la het ua, la hun bawl ua leh hampha ma ma in lau.

1 PETER 2:16

Pathian suakte gual in, zalen tak in um un; himaleh, la zalennau chu diklo bawlna lemchâng in mang kiu in.

JAKOB 2:12

Ziaziakchun, la thugen leh thilbawl un, zalenna dan ah vaihawm piak dingte gual in hisek un.

GALATIA 5:1

Suak hilo dingin Khrista chun ei thâdok tai; ziaziakchun, ding det unla, suak ngawngkol in tâng kit ta kiu in.

1 KORINTH 15:58

Ziaziakchun, ka doitakte haw, suklîng zaw lo ding ah det tak in um unla, Lalpa nasepna chun theitawp sua zing un; la sepgimnau chu Lalpa ah chun a thawn puai, ti la he ngal un.

1 TIMOTHI 4:16

Nangma leh la thuhil ah pilvâng tak in um in; zia thilte chu bawl zom zing in, zia gual ah la bawl chun nangma leh la thu ngaithate chu hukdam in um in au.

2 KORINTH 13:5

Ginna ah chun la umnau em ti nangmau ngei kipatep sek unla, ki-enchian un. Ahiloleh, nangmau ah chun Khrista a um hi ti la kihechian puau ah a hem? Doilo la hilo ngal uh chun!

ROMTE 11:22

Ziaziakchun, Pathian lau um dan leh a phatnate hi ngaitua phau in; a pûkte â dingin lau um tak ahi; ahi’n la, Pathian lungsiatna la chung un a um hi, a lungsiatna la um zing lo ua leh sâtthâk in um mai ding la hiu.

THUPILTE 14:15

Mimawl chun mi gen zosia a taksang sek in, lunggêl thei mi chun a kalsuanna ding a enchian masa sek hi.

ROMTE 8:15

Lau tak ah um kit ding ah suak hi’na thagau la chang puau in, cha hi’na thagau la chang uh a hizawi. Tichun, “Abba! He pa!” ti ah I ko phat ua leh,

GALATIA 2:4

Zia chu unau tak lo, a gûk ah pui lût ah umte suak ah ei lutsak theina ding ua, Khrista Jesu ah thawvenna I nei uh entha ding ah hung lutte ziakin ahi.

JOHAN 8:36

Tichun, chapa’n a hun zalensak chun, zalen tak tak hiding la hiu.

SAM 106:3

Vaihawmna dik zuite chu mi hampha a hiu in, bangtik lai ah le dik tak ah bawl zingte ngei chu.

THUPUAN 14:13

Chun, van ah kipat aw chun, ka kiang in, “Zia hi zik in: Tu’ ah kipat hin mithite, Lalpa ah thite chu a vang uh a phai; ahi, a sepgimnau ah kipat chun chawldam ta ding a hiu; chuleh, a nasepteu chun zui pek in a, ti’n Thagau in a gen hi,” ei tia.

1 TIMOTHI 2:15

Himaleh, ginna leh hepina leh thianthona ah, a kilawm bep ah a um chun, ama chu nau hin ziakin hukdam hi’n a.

ROMTE 7:12

Ziaziakchun, Dan chu a thiangtho ah, thupiak chule a thiangtho ah, a dik ah, a pha ahi.

NASEPTE 26:22

Himaleh, Pathian panpina dong in, tu’ni hin la âng ah dingin, milian leh mineute kiang ah thu gen thei nalai in ka um ah, ka thugen chu Mosi leh Jawlneite’n thil tung ding a gen sekteu tilo chu bangma dang ahi diak puai:

NASEPTE 13:43

Sunagog kikhopna a peljak phat un, Judate leh Judate ho dan a la zui tam tak chun Paul leh Barnaba chu a zui tau ah; amau chu Pathian hepina ah det tak ah um dingin thu a hil tau hi.

HEBRAITE 12:15

Pathian doisakna chang zo lo ah kuama la hung um lona ding un chingthei tak in um un; la lak ua buaina hun tun thei ding leh, mi tam tak hun subuak thei ding kituak lona zung la lak un ke’dawsak kiu in.

NASEPTE 2:42

Amau haw chu sawlchâkte thuhilnate leh kithua khawmna, vaithum phelna leh pauchapnate’n a kipelut zing tau a.

ISAI 8:20

Zia gual ah thugente chun phalvak mu him him pua’n au!

SAM 119:45

Zalen tak in chia thei ta’ng ka tin, la thununna thute ka hawl ngal a.

SAM 119:32

La thupiak lampi del ing ka tin, ka hiatthiamna lei suklet piak ta’ngal a.

1 SAMUEL 12:14

Lalpa chu lau ah, a na la sep ua, a thu ngai ah, Lalpa thupiakte chung ah la thukhel lo ua, nanghaw leh la chung ua leng vaihawmpa hin Lalpa la Pathian uh thu la zui phot uh chun, thilpha hi ding ahi;

THUPUAN 22:14

Hinna thing chung ah thu a neitheina ding uh leh, khawpi kul kotkhak ah a lût theina ding un, a pua’n uh sawp thiangte chu a hamphau hi.

1 JOHAN 2:24

A lim ah kipat la het uh kha nangmau ah umsak zing un. A lim ah kipat la het uh chu nangmau ah a um zing chun, Chapa leh Pa ah um zing in lau.

KOLOSSA 1:23

van nuai khawvel thilsiam zosiate kiang ah kigen, la la het tâk uh thutiam kinepna chu, thasuak lo ah la tukdet zing theina ding un, a hung kipia ahi. Keima, Paul hi, zia chanchinpha nasem ding ah chu pang ka hi tai.

ROMTE 2:13

Dan hete mai chu Pathian ma ah thiamchang ahi puau in, dan gual ah bawlte chu thiamchang in um zaw’n au.

ROMTE 8:2

Khrista Jesu ah hinna Thagau dan chun, gitlona leh thina Dan ah kipat chun ei pawtsak tangal in.

GALATIA 6:2

La puakgikteu chu kidawn tua chiat un; tichun, Khrista dan chu la zui uh hi’n a.