ISAI 8:4 - PATHIAN LEKHABU THIANGTHO (BSI)

⁴ zia nausen chun, “He nu” a hem, “He pa” a hem, a ti’thei masang in, Damaska hausakna leh Samaria gam gâllâk thilte chu Assuria lengpa’n chomnâm ding ahi ngâl a.

ISAI 8:4 Referans Kwoze

ROMTE 9:11

A chate chu a pianmau in, sia leh pha a sepdaw mau in, thil hi’ziak hilo in, a kopa dawi ziak hi zaw’n, têlna lam thu ah chun Pathian thil guat chu a dettheina dingin a kiang in:

JONAH 4:11

Nineveh khua lopi tak, a sung ah mihing nuai khat leh sîng ni sâng ah tam zaw, a changlam leh a veilam uh le hekhen theilote tawh, gancha tam tak umna hi, ngaisak lo ding ka hia hem?” a hun ti tai.

2 LENGTE 17:3

Zia lai ah chun Assuria Lengpa Shalmaneser chu ama do dingin a hung kuan to ah, Hoshea chu a thunuai in a koi ziang ta’n, ziaphat ah chun thilpiakte chu a hun pia tai.

2 LENGTE 16:9

Ziaphatchun, Assuria lengpa chun, a thildot chu a la ngaithâk piak ah; tichun Assuria lengpa chu Damaska do dingin a kuan to ah, a va lâk piak ah, a mite chu Kir lam ah sal in a pui piak ah, Rezin chu a that tai.

2 LENGTE 15:29

Israel ah Lengpa Pekah vaihawm sung ah chun Assuria ah lengpa Tiglath-pilesar chu a hung kuanah, Aijon tawh, Abelbeth-maakah leh Janoah tawh, Kedesh leh, Hazor tawh, Gilead leh, Galili tawh, Naphtali gam zosiate chu a hun la ta’n, tichun amau haw chu Assuria lam ah sal in a pui tai.

DAN LEKHABU 1:39

La cha sênteu, sia leh pha he nailote, gâlhing mat ding bep a hiu, la titeu sia chu lut intiu in, gam chu amau kiang ah pia’ng ka tin, chang ta’n au.

ISAI 17:3

Ephraim ah kulpite chu bei ta’n tin, Damaska ah kipat lenggam le bei ta’n a; Suria mite lak ah a thibang sunte chu, Israel chate lopina tawhbang bep hita’n au,” sepai honte Lalpa chun a tii.

ISAI 8:5

Lalpa‘n ka kiang ah zia gual hin thu a hun gen kit a:

ISAI 17:1

Damaska chungchâng thusuak chu: “Ngai un, Damaska chu khawpi hita pua’n tin, In chim them nên kisia bung hung hi bep ta’n a.

AMOS 1:3

Lalpa‘n zia gual hin a gen hi: Damaska bawsiatna pathumte ziak leh, palite ziakin a chung ua gawtna ding chu lamang pua’ng ka; amau in Gilead gam chu bu vokna thik ah a vok tâk ziak un.

ISAI 28:4

An tui tak takte ne ah, kivakthaute luchung ah um, mêlphatna lopi pakcha gual ah mual tha ziang chu, nipi tunma theipi ga min masa gual hung hi’ntin; a maikha taphot in a nêk zaw ziang gual hiding ahi.

AMOS 1:5

Damaska kotpi thikte chu hi’bong ing ka tin, Aven phâizawl lua mite leh, Beth-lehem ah kipat in, laltiang chawipa chu sâttha ding ka hi; tichun, Aram mite chu Kir gam ah sal ah lût in’au, Lalpa‘n a tii.