ISAI 8:16 - PATHIAN LEKHABU THIANGTHO (BSI)

¹⁶ Zia thu hiatsak hi chûn tûp inla, zilsakna thu hi ka nungzuite lak ah îmchak in.

ISAI 8:16 Referans Kwoze

DANIAL 12:4

Himaleh, aw nang Danial, huntawp masia zia thute hi îm inla, lekhabu chule châldet mai in. Mite chu tai vêl het hut intiu in, siatna pung ma ma ta’n ah, a hun ti tai.

HEBRAITE 3:5

A vainung ah gen ding ah hiatsakna dingin Mosi chu Pathian Insung zosia ah nasem ahi’na ah chun a ginum pen hi.

MARKA 4:34

Tekhinthu lo in a kiang un thu a gen ngai puai; amau ngawn ahi tak ua leh, vang a nungzuite kiang in a hilchian sek hi.

MATTHAI 13:11

Ama’n a kiang un, van-gam thugûk hettheina chu nang uh kiang ah piak ahi’n, amau kiang ah vang piak a hinai puai.

THUPUAN 19:10

Ziaphatchun, a kengbul ah bok khup ah biak ding gua’n ka nai leh ama’n, “Hi’kin, keima le Jesu hiatsakna thu nei ah, la suapi leh la suak chanpi ka hi; Pathian bep chu bia’n; Jesu thu hiatsak chu thagau ah thugen hi ahiziak in,” a tia.

THUPUAN 10:4

Van-gi sagite’n a awu a sua phat un, zik ding ka guat leh, van ah kipat awgi chun ka kiang in, “Zia van-gi sagite thugen chu zik kin la, îmchak kei in,” ei hun tia.

THUPUAN 5:5

Ziaphatchun, upate lak ah pakhat chun, “Kap kin, Juda nam ah mi, sakeibaknei, David phunggui ah mi chun, lekhabu tepte’na chu tham ding leh phêt thei dingin zawna a chang tai,” a hun tia.

THUPUAN 5:1

Ziazaw chun, lalchutpha kichupa khut changlam ah chun, lekhabu zial a pêk langtua ah kizik, tepte’na sagi ah kitepte ka mu’n.

THUPUAN 2:17

Thagau in kochuamte kiang ah thu a gen hi, nakhang nei taphot chun he tau hen. Kuale a zo tapo chu manna sêlgûk chu pia’ng ka tin, suang val le pia ding ka hi; zia suang chung ah chun min thak, a chang dingte bep longal in a het lo diu chu a kizik hi, a tii, ti in.

1 KORINTH 2:14

Himaleh, hindang lo mite chun, Pathian Thagau thilpiakte chu a chang puau in, amau â ding chun ngolhuai ahiziak in; chuleh, thagau lam thil hetkhenna neilo ahiziak un, zia thilte chu a hethei puau hi.

MARKA 10:10

In sung ah chun a nungzuite’n zia thu chu a dong kit ua.

DANIAL 9:24

Bawsiatna sukbutinna ding, gitlo’na sukbeina ding, bawlkhialna thoidamna ding, kumtuang ah dikna lâklutna ding, kilâkna leh thugenlawkna tepte’na ding leh mun thiangtho pen sathaunu’na ding in, la mipite leh la khawpi thiangtho chung ah hapta sawmsagi sung guat ahi.

ISAI 54:13

La chate zosia chu Lalpa zilsakna nuai ah, hung um intiu in; tichun, la chate chu, hung hampha ma ma ding a hiu.

ISAI 8:20

Zia gual ah thugente chun phalvak mu him him pua’n au!

SAM 25:14

Lalpa chu ama laute gualpha ahi’n, a thuthung chu a kiang un a hetsak sek hi.

2 LENGTE 11:12

Ziazaw chun lengpa chapa chu a hun puidok ah, thuthung chu a hun pia ta’n; ama chu lengpa ahi ti a puangjak ua, sathau a nu’ tau hi.

DAN LEKHABU 4:45

Aigupta gam ah kipat a hung pawt daw nung ua, Mosi’n Israel te kiang ah a thugente, a chanchin leh a dan thuguatte tawh,

ISAI 50:4

Paukam khat mai inle mi basam, a chawhal kit theina ding ah ka hiltheina dingin, Lalpa Pathian in lei ei pia tai. Jingkal si’n leh ka nakhang chu, zilsak ah umte gual ah hethiam thei dingin, ei phawnghal zing a.