ISAI 7:9 - PATHIAN LEKHABU THIANGTHO (BSI)

⁹ Ephraim luchang chu Samaria ahi’n, chuleh, Samaria luchang chu Remaliah chapa ahi kit hi. La taksan zaw lo chun, pang zo him him pua’n la, ti’n gen in, a ti’n.

ISAI 7:9 Referans Kwoze

HEBRAITE 11:6

Ginna lo in Pathian chu sukkipak thei ahi puai; kuale Pathian kiang ah hung chun, ama chu a um ngei hi ti leh, ama hawlte chu kipakman pesek ahi, ti a ginchâk diu ahi.

ROMTE 11:20

Ahi, amau chu a ginlona ziak un sâtthâk in a um un, ziaziakchun nang uh chu ginna’n la hung ding thei uh ahi; tichun, kisathei kin la, lau zaw tau in.

2 KHANGTHU 20:20

A jing ah chun ma tak ah tho in Tekoa gamthip lam in a chiauah; a kipatdaw ding phat un Jehoshaphat chu hung dingdok in, zia gual hin a hun gen a: “Aw Judah mipite leh Jerusalem khua chêngte haw, ka thugen hi ngai tiam un! Lalpa la Pathian uh chu ging un; chutileh, phudet in um bep ding la hiu; a jawlneite hile gingcha tau in,” ti’n a gen a.

1 JOHAN 5:10

Pathian Chapa gingte’n hetpina chu a lunggil un a nei chiat tau hi. Pathian ginglote’n vang ama chu juauthei a chansak tau hi, Pathian in a Chapa chanchin a hiatsak chu a gin lo ziak un.

NASEPTE 27:25

Ziaziakchun, pute haw, thamuang tak in um un; Pathian chu ka ging ah, ka kiang ah a gen chu guitung ding ahi.

NASEPTE 27:11

Ahiziakin, sepai zahotu chun a Long neite leh a Longpute chu taksang in, Paul thugen sâng ah chun amau thu chu a mang zaw ta.

2 LENGTE 15:27

Judah ah Lengpa Azariah chu leng ah a hung pan, kum sawmnga leh ni ahi in, Remaliah chapa Pekah chu Israelte chung in vaihawm in a hung pang a; Samaria ah chun kum sawmni sung vaihawm in a pang hi.

ISAI 5:24

Sepai honte Lalpa thuhilna a pom lo ziak uh leh, Israel Mithiangtho a musit tâk ziak un, meikuang in bupawl a kat tum a, mei in hamsawl a kat tum gual in, a zung uh muatden intin, a pâk lun lai uh leivui gual in leng mang in a.

ISAI 7:4

a kiang in, Chingthei tak in um inla, thip hiat hiat in; zia meisel de liak liak gual bep, Rezin leh Suria tawh Remaliah chapa lungnatna huaisia takte ziak ah hi’n lau kin la, la lung thuaisak him him kin.

ISAI 7:10

Chuleh, Ahaz kiang in Lalpa‘n zia gual hin a hun gen kit a:

ISAI 8:4

zia nausen chun, “He nu” a hem, “He pa” a hem, a ti’thei masang in, Damaska hausakna leh Samaria gam gâllâk thilte chu Assuria lengpa’n chomnâm ding ahi ngâl a.

ISAI 9:9

Ephraim gam leh Samaria gam ah chêng zosia’n zia chu a hiau a, maleh, a lunggil uh simmawna leh nuaisiana dim in, zia gual hin a gen tau a:

JEREMIAH 43:2

Hoshaiah chapa Azariah tawh, Kareah chapa Johanan tawh, amau gual tho ah mi khawksak bei zosia chun Jeremiah kiang in, “Zuau gen la hi. Lalpa I Pathian un ka kiang un, ‘Aigupta gam ah chêng dingin chia kiu in,’ ti dingin a hun sawl talojen hi;

MIKAH 1:5

Zia zosia hi Jakob bawsiatna ziak leh, Israel Inkuante gitlona ziak ah hung tung ahi. Jakob sukkhialna chu bang a hem? Samaria ma ma hilo a hem? Judah dawimualte chu khoi tak a hem? Jerusalem khua hilo a hem?

ISAI 28:1

Ephraim ah zukhamte kiletsakpi ah, pakcha lal lukhuk mêlpha ma ma, pakcha gual ah vuaitha mai ding, zungolvei ah dim phâijawl, gam phatna zosia chung ah vaihawm ah, kiletsak ma mate chung chu a gik hi!