ISAI 7:2 - PATHIAN LEKHABU THIANGTHO (BSI)

² Suria tawh Ephraimte a pang khawm ui ti David In sung mite’n a het phat un, Ahaz lungchang leh a mipite lungchang chu, hui in gamlak thing a mûtlîng gual in a kilîng tau a.

ISAI 7:2 Referans Kwoze

ISAI 8:12

A vaisawmnau ah pang kin la, a kichâkteu chule kicha kin la, tiza diak kin.

ISAI 7:13

Ziaphatchun, Isai in: Aw David Inkuan ah mite haw, zia hi he tau in! A thi thei mihing mai mai suklunggim hi, thil mai mai in la ngai ua a hem, ka Pathian nasan suklunggim la gaw nalai sêt un?

ISAI 9:9

Ephraim gam leh Samaria gam ah chêng zosia’n zia chu a hiau a, maleh, a lunggil uh simmawna leh nuaisiana dim in, zia gual hin a gen tau a:

THUPILTE 28:1

Migilo chu del lo in a tai in, midik vang sakeibaknei gual in a hangsan hi.

MATTHAI 2:3

Lengpa Herod in zia chu a het phat in a lauthawng ta’n, Jerusalem ah mi zosia le a lauthawng tau hi.

HOSEA 12:1

Ephraim in hui a khol khawm ah, sûn nitum in sualam hui a del hi; amau in zuau thu leh thagum sua’na a hi’pung un, Assuria tawh thuthung a siam un, Aigupta ah sathau a paw lut ui.

JEREMIAH 21:12

Aw, David Inkuante haw! Lalpa‘n zia gual hin a gen hi: Jingkal ah dikna’n vaihawm unla, nuaisia leh lâkpiak ah umte chu, amau nuaisiate leh lâkpiakte ah kipat chun hukdok un; achutiloleh, la gitlonau ziakin ka lungnatna, kuama’n a phelmit zaw lo ding un, mei gual in hung kuangjak mai ding ahi.

ISAI 37:35

Keima ziak leh ka suak David ziakin, zia khawpi hi vêng in, humbit ding ka hi’ngal ah, ti in.

ISAI 37:27

A sung ah chêng mipite chun, tha leh zung him him nei talo in; a lungdong un, a lungkham tau hi. Loulai ah hampa gual leh, hampa selthak no dik diak, In chung ah kekdok, piting man lo ah katvuai ah um kit ziang gual chu a hiu.

ISAI 22:22

David suan ah mite chung ah thuneina chabi pia’ng ka tin; ama honsa chu kuama’n khâk thei pua’n tin, a khâksa chule kuama’n hong thei diak pua’n au.

ISAI 11:13

Ephraimte îtsîkna chu hung bei ta’n tin, Judate huatna sât thâk in um ta’n a; Ephraim in Judah thangsia ta pua’n tin, Judah inle Ephraim haw ta pua’n a.

ISAI 7:17

Assuria lal ma ma, Judah ah kipat Ephraim a hung pawt daw ni ah kipat chun, Lalpa chun nangma leh la mipite leh la pa Inkuan ah mite chung ah chun, zia gual hun tung kha nai lo gual chu hun tunsak ding ahi, a tii.

ISAI 6:13

Thinghi thing a hem, gangpi thing a hem, a kiphûk nung ah le a bulsum a um gual in, a lak ua mi sawm lak ah khat ziang le, nutsia a um nâk lai chun, mei ah hâl tum hi nalai in au; chi thiangtho chu a bulsum gual in, um nalai in a,” ti in.

SAM 11:1

Lalpa chu ka bêlbul ahi; bang ding ah vacha gual ah, “tâng lam ah lêng mang in,” ei ti ding la hem?

2 KHANGTHU 28:12

Zia bep chule hilo in, Ephraim phung ah luchang deu deu, Johanan chapa Azariah, Meshillemoth chapa Berekiah, Shallum chapa Jehizkiah tawh Hadlai chapa Amasa cheng hi, galdona lam ah kipat hung kile’kitte nialkãl in a hung dingdok un;

2 KHANGTHU 25:10

Ziaphatchun, Amaziah inle Ephraim sepai hung kuan zosia chu a khendan ah, a In lam chiat un a chiasak kit tai. Himaleh, Judah namte chung in a lungna ma ma tau ah, hachangthak tak in In lam a zuan kit tau hi.

1 LENGTE 13:2

Lalpa thu ah mâichâm dem in a kiko ah, “Aw mâichâm! mâichâm! Lalpa‘n zia gual hin a gen hi: ‘David Inkuan ah chapa pakhat, a min Josiah kiti hung piang intin; ama chun la chung ah gimtui lân thiampute hi nangma chung ah hun lân ding ahi; tichun, la chung ah mihing gute hung kihâl ding ahi,’ ti’n,” a gen a.

1 LENGTE 12:16

Israelte zosia chun lengpa’n amau a ngaisak puai ti a het phat un, mipite chun lengpa kiang in, “David ah pat bang chan I nei ua a hem? Jesse chapa ah gochan bangma I nei puau hi. Aw Israelte haw, la puanbûk lam un chia kit tau in! Aw David, la Inkuan ki-etphat mai in,” ti’n a dawnhu tau a. Tichun, Israelte chu a puanbûk lam chiat un a kihemdok zo tau hi.

1 LENGTE 11:32

Ka suak David zal leh, Israel namte zosia lak ah kipat ka khawpi teldaw Jerusalem zal in, nam khat ama chang den intin;

2 SAMUEL 7:16

La Insung leh la lenggamte chu ka ma-âng ah hin sukdet hi’ntin, la lalchutpha chu kumtuang dai dingin namdet ta ding ka hi,” ti in.

ISAI 7:5

Suria tawh, Ephraim tawh, Remaliah chapa hin la siatna ding ngaitua in,